JUANIS 16:23 - Tanou Moonsoi Timugon

²³ Orou raginio, kalo boo mangkuot kau Raki' ra atan ayuk pana. Balain takamin toojo: Aniin kau ri Ama' ra atan ayuk kitaakon min ralalom ru inggalan Kuno.

JUANIS 16:23 ပူးပေါင်းရင်းမြစ်များ

JISAYA 65:24

Ra kalo poyo mopongo ilo makiasi', iniou Ku noyo pakiasian nilono.

MATIUS 21:22

Amon ru mangintopot kau Raki', atan ayuk kitaakon min ra akau makiasi', makaalap kau.”

MATIUS 7:7

“Pakitaak kano am aniin kau. Paguyum kano am makatuum kau. Titiko' min kulobon no am ukabin kau.

JUANIS 14:20

Masuku' orou raginio, bagu no makapandai kau ra masimpung Aku ri Ama', am akau pana masimpung Raki', mogondo' niayuk ra Aku masimpung ramuyun.

JUANIS 14:22

Pangkuot i Judas (sala' ka i Judas Iskariot) ri Jisus, “Tuhan, kua akai ayuk balain Muno ra osoi Okou sotopot no, kaa' ulun ru tana' ti kalo?”

JUANIS 14:5

Pangkuot i Tomas Riso, “Tuhan, kalo makapandai akai ra angayan Muno. Ati kulaan akai makatanda' ra ralan no?”

JUANIS 15:7

Amon ru rumondon kau Raki' am ragu Ku rumondon ra guang min, pakitaak kau ri Ama' ra atan ak kasagaan min am aniin kau.

JUANIS 16:19

Natutunan ri Jisus ra masaga' ilo mangkuot Riso, ginio ra indagu Io risilo, “Raitii' ni minindagu Aku ra, ‘Sangkinolor ayuk boo am kalo makakito kau Raki', am sangkinolor poyo am makakito kau saguli' Raki'.’ Ginii kia ra akau pasakuot?

JUANIS 16:26

Orou raginio, akau galama' makitaak Riso ralalom ru inggalan Kuno; am kalo pana boo makitaak Aku Riso koson akau,

JUANIS 16:30

Raino nakatutun akai no ra Okou makapandai ra ngaangai' am kolondo' boo pangkuatan mai Rirun. Ginio boo ra akai mangintopot ra Okou intor ri Aki Kapuuno'.”

IPISUS 2:18

Sabap ra binaal ri Kristus am ru Ambiluo ri Aki Kapuuno' ulun ru Jaudi am sala' ka Jaudi niayuk makasamba ri Ama'.

1 JUANIS 2:1

Pabukat kau ngaangai'! Tulisin takamin ragitio, maa' raginio kalo boo mambaal kau ra tula. Kaa' amon ru mokoondo' poyo mambaal ra tula, mokoondo' mangingindangan ritakau, ioginio i Jisus Kristus ondo' motopot. I Jisus Kristus mangindangan ritakau makiasi' ri Aki Kapuuno'.