JUANIS 16:22 - Tanou Moonsoi Timugon

²² Mogondo' niayuk ramuyun; raino mangiluk guang min. Kaa' makapantuum takau saguli', am maansukan kau boo toojo; am kaansukan mino kalo malanggaan ru osoi ayuk pana.

JUANIS 16:22 ပူးပေါင်းရင်းမြစ်များ

AYUP 34:29

Amon ru mamatas i Aki Kapuuno' koson ra mongkoror ayuk, kolondo' osoi pana mokololob Riso. Amon ru pasibunion No bulos Nano, kolondo' osoi pana makatuum Riso.

MAZMUR 146:2

Mongompor aku Riso buoi ru painawo kuno; rimbayin ku i Aki Kapuuno' kuno buoi ru painawo kuno.

MAZMUR 33:21

Io magibit ritakau ra maansukan; mangintopot takau ra inggalan Nano ondo' matulai.

JISAYA 25:9

Bulintok ra baal raginio masauk, ngaangai' ulun mindagu, “Io no i Aki kapuuno' takau! Io no inaanin takau koson mamayag ritakau. Io no Tuhan ra inaanin takau. Ragino magilakup takau koson maansukan sabap Io namayag ritakau.”

JIRIMIA 31:12

Matong ilo ra Bulur Sion liliwa' marimbai ra maansukan; maansukan ilo sabap ra pinataak Kuno, iono gandum, wain, umau jaitun, domba am sapi'. Ilo koson ra taman ondo' naukop ra timug, kalo naawayan ilo ra atan pana.

MATIUS 28:8

Kabalu' pana naansukan ilo nalaa' piboo kakaga' am indibok ingkual intor ra lobong no am simbul ilo ongoi pambala' ra maamaya'-maamaya' Nano.

LUKAS 10:42

Kaa' sotopot no rondo' ayuk maaru' baalon muno. Ondo' pinili' ri Maria ti motopot, am tumilayun ginio riso.”

LUKAS 16:25

Kaa' taam i Abragam, ‘Aki, karaa', paat ra okou naayag inanian kou ra ngaangai' ondo' moonsoi, am i Lajarus nakaalap ra ngaangai' ondo' malaat. Kaa' raino makaansuk i Lajarus ragiti, am okou maimbolo' toojo.

LUKAS 19:26

Taam ru raja' i, ‘Balain takamin: Osoi ayuk mokoondo' masuang, ruangin poyo. Kaa' osoi kolondo' atan-atan, sanganu ayuk pana ondo' indos no soroi riso, alapon poyo.

LUKAS 24:41

Kalo poyo nangintopot ilo sabap ra naansukan ilo toojo am nangimuag! Pangkuot boo i Jisus risilo, “Mokoondo' kau kia ra akanon ragiti?”

JUANIS 14:1

Indagu i Jisus ra maamaya' Nano, “Pai' kau kaimamang. Pangintopot kano ri Aki Kapuuno' am pangintopot kau niayuk Raki'.

JUANIS 14:19

Sangkinolor poyo am ulun ru tana' ti kalo boo makakito Raki', kaa' makakito kau Raki'; am sabap ra Aku ti maayag, akau pana maayag.

JUANIS 14:27

Kaansayan patatangon Kuno ramuyun; kaansayan Kuno galama' pataakon Ku ramuyun. Kaansayan Kuno sala' ka koson ra kaansayan ondo' taakin ru tana' ti. Ginio ra pai' kano pagalabo kapoam kalaa'.

JUANIS 16:16

“Sangkinolor ayuk boo am kalo makakito kau Raki', am sangkinolor poyo am makakito kau saguli' Raki'.”

JUANIS 16:20

Balain takamin toojo: Mantangi' am manulaboi kau, kaa' ulun ru tana' ti maansukan. Mangiluk guang mino, kaa' guang min ra mangiluk no makulau boo ra maansukan.

JUANIS 16:6

Raino mangiluk guang min sabap ra binalaan takamin noyo.

JUANIS 21:7

Indagu maamaya' tagamin ri Jisus i ri Pitrus, “Tuhan nai ginio.” Korongog ri Pitrus ginio, pambayang io boo (sabap ra inalus no bayang nali) am tapung ra timug.

JUANIS 4:14

kaa' osoi ayuk manginum ra timug ondo' taakin Kuno, ulun no kalo igondo' boo paason. Sabap ra timug ondo' taakin Kuno koson ra taur bubuluak ondo' mangani' ra kaayagan motopot am mantilayun.”

RINALATAN 13:52

Kaa' naansukan niayuk ulun mangintopot ri Jisus giu' ra Antiokia, am ilo kinuasa' ru Ambiluo ri Aki Kapuuno'.

RINALATAN 16:25

Olo'-olo' tanga' ru rondom, i Paulus am i Silas nakiasi' am narimbai mongompor ri Aki Kapuuno'. Ulun bokon ondo' inaput pana nangkirongog risilo.

RINALATAN 2:46

Ginio ra moonong orou tumimung ilo ra Baloi Tuhan, am mabaya' ra bansuk am guang minggana' masalok ilo magugulung mangakan giu' ra baloi nilai.

RINALATAN 5:41

Naansukan rasul-rasul no ra ilo miningkual ra Majlis Ugama, sabap ra ilo ti kinara' noyo ri Aki Kapuuno' maaya' imboloon sabap ra inggalan ri Jisus.

2 KORINTUS 6:10

Kabalu' pana guang mai pangilukon, kaa' maansukan akai niayuk. Ilain ayuk ra akai ti musikin, kaa' masuang ulun palangkayaan mai. Ilain ra rondo' ayuk pana kolondo' ramon, kaa' sotopot no akai tatangan ra ngaangai' no.

2 TISALONIKA 2:16

Gama' ru Tuhan takau, i Jisus Kristus galama', am i Aki Kapuuno', Ama' takau, ondo' nonogom ritakau am ondo' ralalom ru kataawan Nano nangani' ritakau ra guang mataan am ra kalansanan moonsoi,

IBRANI 10:34

Nakaasi' kau risilo ondo' inaput ra lamin pangaputan, am paat ra rapu' mini kinai' gaawo' ru ulun, inapu min ginio mabaya' ra kaansukan niayuk, sabap ra napandayan min ra mokoondo' kau ra rapu' moonsoi poyo ondo' soroi ra sabuoi-buoi no.

IBRANI 6:18

Sabap ri Aki Kapuuno' kalo mapandai magabau, bantu' am ibot Nano kalo maalap kakulau. Intor raginio itakau ondo' nakialung Riso, maikang kalansanan takau ra bantu' Nano suguton No.

1 PITRUS 1:8

Motogom kau Riso, iou pana kalo poyo nakakito kau Riso. Mangintopot kau Riso, kabalu' ra kalo makakito kau Riso raino. Am maansukan kau kaga' mabaya' ra bansuk ondo' kalo noyo maalap karagu.