JUANIS 16:20 - Tanou Moonsoi Timugon

²⁰ Balain takamin toojo: Mantangi' am manulaboi kau, kaa' ulun ru tana' ti maansukan. Mangiluk guang mino, kaa' guang min ra mangiluk no makulau boo ra maansukan.

JUANIS 16:20 ပူးပေါင်းရင်းမြစ်များ

AYUP 20:5

kaansukan ru ulun malaat kalo mabuoi; katasuan ru ulun malaat sangkuliop ayuk.

MAZMUR 30:11

Rongogo' aku no, iou Tuhan, am pakaasi' no raki'. Tuhan indangano' aku!”

MAZMUR 30:5

Rimbayo' pangamparan ra Tuhan, akau ulun Nano ondo' gumagaya'! Karaa' noyo atan ondo' binaal ru Io Ondo' Matulai Kaga' am maringkuanang Riso!

MAZMUR 97:11

Kinoonsoi ri Aki Kapuuno' no makasinda koson ra sinda ru ulun mabanis guang, am mapabansuk ra ulun moonsoi.

JISAYA 12:1

Masuku' niayuk orou bulintok ra akau marimbai, “Tuhan, maringkuanang aku Rirun, sabap Okou napakaansuk raki'. Galing i sumangit Kou raki', kaa' ragino masalui noyo guang Muno.

JISAYA 61:3

koson mapabansuk ra ulun ondo' mangulir giu' ra Sion, maansayan am niayuk maansukan, sala' ka pangilukan, rimbai pangamparan, sala' ka pangilukan. Masauk ilo koson ra puun ondo' tinanom galama' ru Tuhan. Mambaal ilo ra atan ondo' motopot, am i Aki Kapuuno' omporon sabap binaal Nano.

JISAYA 66:5

Rongogo' noyo ragu ru Tuhan, akau ngai' ondo' malaa' am gumagaya' Riso: “Sabap ra akau gumagaya' Raki', santayaran intor ra bansa' mino galama' masisang am mangimpai ramuyun. Magasab ilo ramuyun am mindagu, ‘Polosoon noyo Tuhan mapaintalang ra katulayan Nano am mamayag ramuyun, maa' raginio makakito akai ra akau maansukan.’ Kaa' ilo galama' tauyuon.

JIRIMIA 31:25

Paikangon Ku ilo ondo' maagui, am basugon ilo ondo' malawo sabap ra naitilan.

MATIUS 21:38

Kaa' paat ra ulun-ulun naniwa' i nakakito ra anak ru tatangan ra umo ti, pagindagu ilo ngaangai', ‘Io gitio anak ru tatangan ra umo ti. Ibok, potoyo' takau io, maa' raginio makaalap takau ra tungkuson nano!’

MATIUS 5:4

Pakaansuk noyo ulun ondo' manulaboi, sabap ra bansukon ilo ri Aki Kapuuno'.

MARKUS 14:72

Paat ragili niayuk kainduo ru manuk tandaa' i naningkuluuk. Kakara' boo ri Pitrus ragu ri Jisus riso, “Kalo poyo minduo paningkuluuk manuk tandaa' no, intalu kono indagu kalo makaulig Raki'.” Pantatangi' boo i Pitrus.

MARKUS 16:10

I Maria Magdalina minongoi pambala' ra rangan-rangan ri Jisus ra atan nasauk. Nanulaboi am nangulir ilo.

LUKAS 22:45

Kopongo nakiasi', saguli' i Jisus ra maamaya' Nano am ilai' No nokororot ilo sabap ra mangiluk toojo guang nilai.

LUKAS 22:62

Ingkual boo i Pitrus intor ra giu' i am sisingut nantangi'.

LUKAS 23:27

Masuang ulun siminunu' ri Jisus; intor risilo i mokoondo' kukula' ngaulun ruandu' nantangi' am nanulaboi ri Jisus.

LUKAS 24:17

Indagu i Jisus risilo, “Atan sunuron min?” Uog am pongkoror ilo ra bulos patilaut.

LUKAS 24:21

Nalansan akai ragili ra Io noyo mampalabus ritakau, bansa' ru Israil! Kaa' atan poyo, nataluan noyo raginio nasauk.

LUKAS 6:21

“Pakaansuk kano ondo' nangaitilan raino, sabap ra basugon kau! Pakaansuk kano ondo' mantangi' raino, sabap ra pakuriton kau!

JUANIS 16:33

Ngaangai' ti pinabala' Ku ramuyun, maa' raginio makakaansayan kau sabap ra masimpung kau Raki'. Giti ra tana' ti maimbolo' kau, kaa' paikango' noyo guang min, sabap ra kinala Ku noyo tana' ti.”

JUANIS 16:6

Raino mangiluk guang min sabap ra binalaan takamin noyo.

JUANIS 20:20

Karagu No ginio, patalango' No kalindu' am tiagang Nano risilo. Naansukan ilo kaga' nagilong ra Tuhan.

RINALATAN 5:41

Naansukan rasul-rasul no ra ilo miningkual ra Majlis Ugama, sabap ra ilo ti kinara' noyo ri Aki Kapuuno' maaya' imboloon sabap ra inggalan ri Jisus.

ROMA 5:11

Sala' ka ginio ayuk, kaa' maansukan takau poyo ri Aki Kapuuno' ralalom ri Jisus Kristus Tuhan takau, ondo' raino magibit ritakau mabubukat ri Aki Kapuuno'.

2 KORINTUS 6:10

Kabalu' pana guang mai pangilukon, kaa' maansukan akai niayuk. Ilain ayuk ra akai ti musikin, kaa' masuang ulun palangkayaan mai. Ilain ra rondo' ayuk pana kolondo' ramon, kaa' sotopot no akai tatangan ra ngaangai' no.

GALATIA 5:22

Kaa' gitio noyo ampos amon ru ulun tingganayon ru Ambiluo ri Aki Kapuuno': montotogom ilo, maansukan, maayag ra rondo' guang ra rondo' am bokon, mataan guang, masaga' mangindangan, moonsoi guang, mampagagaya',

1 TISALONIKA 1:6

Timinilu kau ramon am niayuk ra Tuhan, am kabalu' pana naimbolo' kau toojo, inapu min niayuk bala' i mabaya' ra kaansukan ondo' tinaakan ru Ambiluo ri Aki Kapuuno'.

JAKUBUS 1:2

Pabukat kau ngai'. Paat ra akau makatuum ra nansalinut pangkinaman, karaa' min gitio koson ra rondo' kaantakan,

JUDAS 1:24

Gama' ru i Aki Kapuuno' ondo' makakuasa' magalung ramuyun intor ra kinibit ru tula, am poyo mompoongoi ramuyun ra katulayan Nano mabaya' ra kaansukan ru guang,

PINAINTALANG 11:10

Ngaangai' ilo no maansukan ra pinatayan ru ruo ngaulun sasi' no. Munsag ilo am magagator ilo ra tangguang ra rondo' am bokon, sabap ra ruo ngaulun nabi no nangimbolo' toojo ra ulun ru tana' ti.

PINAINTALANG 18:7

Imboloo' ilo saboi mangiluk guang nilo, saboi kangilukan nilo mogondo' ayuk ra kauligan am kalangkayaan nilai. Sabap ra masalok ilo mangkara': ‘Akai ti maayag koson ra raja'. Pai' ru makaliman akai ra guang mangiluk.’