JUANIS 16:19 - Tanou Moonsoi Timugon

¹⁹ Natutunan ri Jisus ra masaga' ilo mangkuot Riso, ginio ra indagu Io risilo, “Raitii' ni minindagu Aku ra, ‘Sangkinolor ayuk boo am kalo makakito kau Raki', am sangkinolor poyo am makakito kau saguli' Raki'.’ Ginii kia ra akau pasakuot?

JUANIS 16:19 ပူးပေါင်းရင်းမြစ်များ

MATIUS 6:8

Pai' kau tilu risilo. Nakapandai pagulu i Ama' mino ra atan ayuk kitaakon mino ra akau kalo poyo nakitaak i.

MATIUS 9:4

Napandayan ri Jisus atan guangon nilono, Io pana mindagu, “Kua ramuyun ti mangkara' ayuk ra baal ondo' malaat no?

MARKUS 9:32

Maamaya' ri Jisus no kalo nakarati' ra pangilaan ragitio am malaa' ilo mangkuot.

JUANIS 13:33

Anak-anak ondo' tagamin Kuno, kalo boo mabuoi Aku soroi ramuyun. Maguyum kau pana Raki'; kaa' ondo' rinagu Kuno ra tingganai ru ulun ru Jaudi, raino raguon Ku poyo ramuyun, ‘Kalo mokoongoi kau ra angayan Kuno.’

JUANIS 14:19

Sangkinolor poyo am ulun ru tana' ti kalo boo makakito Raki', kaa' makakito kau Raki'; am sabap ra Aku ti maayag, akau pana maayag.

JUANIS 16:16

“Sangkinolor ayuk boo am kalo makakito kau Raki', am sangkinolor poyo am makakito kau saguli' Raki'.”

JUANIS 16:18

Atan kon Nano ra, ‘Sangkinolor ayuk boo?’ Kalo maratian takau ragu Nano!”

JUANIS 16:23

Orou raginio, kalo boo mangkuot kau Raki' ra atan ayuk pana. Balain takamin toojo: Aniin kau ri Ama' ra atan ayuk kitaakon min ralalom ru inggalan Kuno.

JUANIS 16:26

Orou raginio, akau galama' makitaak Riso ralalom ru inggalan Kuno; am kalo pana boo makitaak Aku Riso koson akau,

JUANIS 16:30

Raino nakatutun akai no ra Okou makapandai ra ngaangai' am kolondo' boo pangkuatan mai Rirun. Ginio boo ra akai mangintopot ra Okou intor ri Aki Kapuuno'.”

JUANIS 21:17

Kaintalu ri Jisus nangkuot riso, “Simon anak ri Juanis, motogom kou kia Raki'?” Mangiluk guang ri Pitrus sabap ra nangkuot i Jisus riso saboi intalu ra, “Motogom kou kia Raki'?” Indagu io Riso, “Tuhan, nakapandai Kou ra ngaangai'. Okou noyo nakapandai ra motogom aku Rirun.” Indagu i Jisus riso, “Alungi' noyo domba-domba Kuno.

JUANIS 6:61

Kapandayi' ri Jisus ra pasabutok maamaya' Nano ra nangilaan Nali, pangkuot Io risilo, “Mampakalawo kia ra guang min nangilaan Kuni?

JUANIS 7:33

Kaa' indagu i Jisus, “Kalo boo mabuoi Aku soroi ramuyun am sumaguli' Aku Riso ondo' nanusub Raki'.

IBRANI 4:13

Kolondo' atan-atan inangun ri Aki Kapuuno' makasibuni intor Riso, sabap ra ngaangai' maukab am makito Nano. Am ri Aki Kapuuno' niayuk musiti' takau mangakun ra ngaangai' ondo' binaal takau.

PINAINTALANG 2:23

Potoyon Ku niayuk maamaya' nano, am ngaangai' boo ru pasimpungan ulun Kristian makatutun ra Aku noyo Io ondo' makapandai ra pangkaraan am guang ru sasangulun. Balasin takamin maya' ra binaal mino sigagama'.