JUANIS 16:17 - Tanou Moonsoi Timugon

¹⁷ Ginio ra pasakuot boo kukula' maamaya' Nano ra rondo' am bokon, “Atan kon Nano ra, ‘Sangkinolor ayuk boo am kalo makakito kau Raki', am sangkinolor poyo am makakito kau saguli' Raki'?’ am poyo ra, ‘Mongoi Aku ri Ama'?’

JUANIS 16:17 ပူးပေါင်းရင်းမြစ်များ

MARKUS 9:10

Sinugut nilo bilin ni liliwa' nilo mansusunur atan nua' arati' ru ragu “maayag saguli' intor ra kapatayan”.

MARKUS 9:32

Maamaya' ri Jisus no kalo nakarati' ra pangilaan ragitio am malaa' ilo mangkuot.

LUKAS 18:34

Kaa' kalo nangarati' maamaya' Nano ra ragu Nali. Sabap ra nasibuni arati' ru ragu no am kalo nakapandai ilo ra atan ondo' rinagu ri Jisus ni.

LUKAS 9:45

Kaa' kalo nangarati' maamaya' Nano ra rinagu Nali, sabap ra kalo poyo pinatalang risilo arati' ru bilin ragitio am malaa' ilo poyo mangkuot Riso.

JUANIS 12:16

Mamaya' Nano kalo nakarati' kua baalo' no gini. Kaa' kalupus ayuk katulayan ri Jisus pinaintalang mansail ra pinatayan am linuatan Nano, kakara' nilo boo ragu ru Buuk Kitab ra ngaangai' ti binaal nilo Riso.

JUANIS 14:22

Pangkuot i Judas (sala' ka i Judas Iskariot) ri Jisus, “Tuhan, kua akai ayuk balain Muno ra osoi Okou sotopot no, kaa' ulun ru tana' ti kalo?”

JUANIS 14:5

Pangkuot i Tomas Riso, “Tuhan, kalo makapandai akai ra angayan Muno. Ati kulaan akai makatanda' ra ralan no?”

JUANIS 16:1

Nambala' Aku ramuyun raginio koson pangintapatan mino kalo malawo.

JUANIS 16:16

“Sangkinolor ayuk boo am kalo makakito kau Raki', am sangkinolor poyo am makakito kau saguli' Raki'.”

JUANIS 16:18

Atan kon Nano ra, ‘Sangkinolor ayuk boo?’ Kalo maratian takau ragu Nano!”

JUANIS 16:19

Natutunan ri Jisus ra masaga' ilo mangkuot Riso, ginio ra indagu Io risilo, “Raitii' ni minindagu Aku ra, ‘Sangkinolor ayuk boo am kalo makakito kau Raki', am sangkinolor poyo am makakito kau saguli' Raki'.’ Ginii kia ra akau pasakuot?

JUANIS 16:5

Kaa' raino sumaguli' Aku Riso ondo' nanusub Raki' i; am kolondo' sangulun pana intor ramuyun mangkuot ra ati angayan Kuno.