JUANIS 16:13 - Tanou Moonsoi Timugon

¹³ Kaa' paat ra Ambiluo ri Aki Kapuuno' no matong, mambala' Io ra katapatan ri Aki Kapuuno' am mampaintutun Io ramuyun ra ngaangai' ru katapatan. Kalo mambala' Io sumugut ra kuasa' Nano galama', kaa' mambala' Io ra atan ondo' morongog Nano am atan ondo' masauk ra tauli no.

JUANIS 16:13 ပူးပေါင်းရင်းမြစ်များ

JISAYA 11:2

Kuasa' ru Tuhan manaak riso ra kapintaran am niayuk katutunan am kapintaran koson mamarinta ra ulun nano. Makaulig io ra kasagaan ru Tuhan am mangurumat Riso.

JOIL 2:28

“Kopongo raginio pasasaron Ku Ambiluo Kuno ra ngaangai' ulun: anak ungkuyon am anak ruandu' min mampatanou ra tanou Kuno; ulun matutuo min maginupi, am ulun mamulok min makakito ra napakitanan.

JUANIS 12:49

Sabap ra kalo minindagu Aku sumugut ra kuasa' Kuno galama', kaa' i Ama', ondo' nanusub Raki', nambala' ra atan ondo' raguon am posoboyon Kuno.

JUANIS 14:17

Io no Ambiluo ri Aki Kapuuno', ondo' mambala' ra katapatan ri Aki Kapuuno'. Ulun ru tana' ti kalo makapangapu Riso, sabap ra kalo makakito kapoam makaulig ilo Riso. Kaa' akau makaulig Riso, sabap ra mabaya' am sumimpung Io ramuyun.

JUANIS 14:26

Kaa' Ambiluo ri Aki Kapuuno', Io no Mangingindangan ondo' susubon ri Ama' ralalom ru inggalan Kuno, Io noyo mangila' ramuyun ra ngaangai' no am mampakara' ramuyun ra ngaangai' ondo' rinagu Ku noyo.

JUANIS 14:6

Taam i Jisus riso, “Aku noyo ralan, katapatan am kaayagan. Kolondo' sangulun pana mokoongoi ri Ama', amon ru kalo mansail io Raki'.

JUANIS 15:26

Porotongon Ku ramuyun Mangingindangan intor ri Ama'. Io no Ambiluo ondo' mambala' ra katapatan ri Aki Kapuuno' am Io niayuk mampaintutun Raki' ramuyun.

JUANIS 16:12

Masuang poyo pabalaan Kutu ramuyun, kaa' raino ti kalo poyo maapu min.

JUANIS 3:32

Mampaintutun Io ra norongog am nakito Nali, kaa' kolondo' sangulun pana mangintopot ra kaintutunan Nali.

JUANIS 8:38

Aku mambala' ra atan ayuk pinatalang Raki' ru Ama' Kuno; kaa' akau mambaal ra atan ayuk pinabala' ru ama' min ramuyun.”

RINALATAN 11:28

Sangulun intor risilo i makainggalan ri Agabus. Bigor io am mansail ra kuasa' ru Ambiluo ri Aki Kapuuno' nanala' io ra matong rondo' bitilan maaja' ra titikop ru tana' ti. (Bitilan ragitio nasauk niayuk paat ri Kaisar Klaudius namarinta.)

RINALATAN 20:23

Ondo' ayuk napandayan kuno ra Ambiluo ri Aki Kapuuno' nambala' raki' ra moonong bandar ondo' inapitan kuli, ra pasubolon aku ra pangaputan am niayuk maimbolo' poyo.

RINALATAN 27:24

Indagu malaikat i, ‘Pai' kalaa' Paulus! Makauma' kou niayuk ra Kaisar. Ra mataau i Aki Kapuuno' ra ulun nabaya' rirun ra kapal ti, ra ilo pana maayag mabaya' rirun.’

2 TISALONIKA 2:12

Maa' raginio, ngaangai' ondo' kalo mangintopot ra katapatan intor ri Aki Kapuuno', kaa' maansayan ayuk ra kalaatan, ukumin ilo.

2 TISALONIKA 2:3

Pai' min noyo polosoo' osoi ayuk mamparuung ramuyun ra atan ayuk pana sasaban. Sabap ra kalo poyo masuku' Orou ratangan ru Tuhan Jisus, maaru' gitio galing masauk: Masuang boo ulun tumula' ri Aki Kapuuno' am mintalang boo Ulun Malaat, io ondo' inaru' noyo pasubolon ra naraka.

IBRANI 1:1

Paat ra galing i, ingkukula' noyo i Aki Kapuuno' nampasaboi ra bala' ra nansalinut bayaan ra kinamatuaan takali ondo' pinabala' galing ra nabi-nabi.

1 JUANIS 2:20

Kaa' nakaapu kano ra Ambiluo ri Aki Kapuuno' ondo' pinataak ri Jisus Kristus. Ginio sabap ra akau nakaulig toojo ra pangilaan ri Aki Kapuuno' ondo' motopot.

1 JUANIS 2:27

Kaa' akau galama', inanian noyo ri Jisus Kristus ra Ambiluo Nali. Am buoi ru Ambiluo no soroi ramuyun, kalo pana ilaan kau ru ulun. Ambiluo no mangila' ramuyun ra atan-atan ayuk am pangilaan Nano motopot, sala' ka magabau. Ginio boo ra akau musiti' gumagaya' ra pangilaan ru Ambiluo no, am maayag kau sumimpung ri Jisus Kristus.

1 JUANIS 4:6

Kaa' itakau ti anak ri Aki Kapuuno'. Ulun ondo' makaulig ri Aki Kapuuno', mangkirongog ra raguon takau. Ulun ondo' kalo makaulig ri Aki Kapuuno', kalo mangkirongog ra raguon takau. Gitio noyo rondo' ralan takau mangulig ra ambiluo motopot kapoam ambiluo mapalayau.

1 JUANIS 5:6

I Jisus Kristus noyo ondo' minatong ra tana' ti nabaya' ra timug pinampariu' Riso am raraa' ru pinatayan Nali. Minatong Io sala' ka nabaya' ra timug, kaa' nabaya' ra timug am raraa'. Ambiluo ri Aki Kapuuno' galama' mapaintutun ragitio motopot, sabap ra Ambiluo raginio niayuk motopot.

PINAINTALANG 1:1

Gitio noyo ondo' pinaintalang ri Jisus ra baal ondo' masauk no. Ioginio, tinaakan ri Aki Kapuuno' ralalom inggalan ri Jisus koson mampakito ra ulun pinili' Nano ra atan ondo' saukon Nano kalo boo mabuoi tumalimpuun. Nambala' i Kristus ra baal ragitio ra ulipon Nali i Juanis, pinabala' galing ra sangulun malaikat ondo' sinusub Nano,

PINAINTALANG 1:19

Ginio nai ra tulisi' noyo baal ondo' makito muno, baal soroi ra raino ti am baal masauk ra maagu no.