JUANIS 15:4 - Tanou Moonsoi Timugon

⁴ Rondon kano Raki' am Aku pana rumondon ramuyun. Pango kalo noyo makapangkawa' amon ru kalo soroi ra puun no. Mogondo' niayuk ramuyun, kalo makapangkawa' kau amon ru kalo rumondon Raki'.

JUANIS 15:4 ပူးပေါင်းရင်းမြစ်များ

RIMBAI PANGAMPARAN 8:5

Osoi kia minatong intor ra tana' kaagisan no, siminandig ra ambai nano? Karaton tokou ra saau ru puun ipol, intok naganakan rirun.

GOSIA 14:8

Sumaguli' ilo Raki' am maayag ralalom ru panindungan Kuno. Mataki' ilo gumaai am lumanja' lumangkaya' koson ra gandum timinuu' giu' ra umo ondo' malabung, am koson ra umo ru anggur ondo' masuang ampos nano. Mauligan ilo kaga' koson ra wain intor ra Libanon.

MATIUS 12:33

“Amon ru masaga' makaalap ra kawa' moonsoi, akau musiti' mokoondo' ra puun moonsoi. Amon ru kalo moonsoi puun no, kawa' nano pana kalo niayuk moonsoi. Kinoonsoi ru rondo' puun tataun no mapandayan intor ra kawa' no.

LUKAS 8:15

Ondo' naratu' ra tana' malabung i, io no ulun ondo' mangkirongog ra bala' no am porondonon nilo ra guang ra matanda'. Mongorot ilo saboi manangkawa'.”

JUANIS 14:20

Masuku' orou raginio, bagu no makapandai kau ra masimpung Aku ri Ama', am akau pana masimpung Raki', mogondo' niayuk ra Aku masimpung ramuyun.

JUANIS 17:23

Aku masimpung risilo am Okou masimpung Raki'; maa' raginio totopot ilo rondo' guang. Makatutun boo ulun ru tana' ti ra Okou no nanusub Raki' am motogom Kou risilo nogondo' ra Okou motogom Raki'.

JUANIS 6:56

Osoi ayuk mangakan ra inan Kutu am manginum ra raraa' Kutu, sumoroi io Raki' am Aku pana sumoroi riso.

JUANIS 8:31

Kopongo ragili indagu boo i Jisus ra ulun ru Jaudi ondo' nangintopot Riso, “Amon ru gumagaya' kau toojo ra pangilaan Kuno, totopot akau no maamaya' Kuno.

RINALATAN 11:23

Paat ra io nakasaboi ra giu' i, nakakito io ra ati kulaan i Aki Kapuuno' nambarakat ra ulun ra giu' no am naansukan io. Panusub io risilo gumagaya' toojo ra Tuhan.

RINALATAN 14:22

Nampaikang ilo ra ulun-ulun nangintopot am nangkimait risilo koson marayus mangintopot ri Jisus. “Masuang kapaganan matuum takau galing maa' raginio makaili' takau Pamarintaan ri Aki Kapuuno',” nangilaan nilo.

2 KORINTUS 13:5

Kinami' min noyo guang mino koson magilong ra mangintopot kau kapoam kalo. Maaru' nakapandai kau ri Jisus Kristus soroi ramuyun, ondo' ak am ru kalo boo mangintopot kau.

GALATIA 2:20

Ondo' maayag raino ti sala' ka aku, kaa' i Kristus ondo' soroi ralalom kaayagan kuno. Sauk ru kaayagan kuno raino ti intor ra pangintapatan kuno ra Anak ri Aki Kapuuno' ondo' motogom raki' am nampataak ra painawo Nano sabap ra aku.

IPISUS 3:17

am koson ra i Kristus rumondon ra guang min mansail ra pangintapatan. Am makiasi' aku poyo koson togom Nano masauk ra puun ru paliso mino,

PILIPI 1:11

Intor raginio, kaayagan mino mauli' ra baal topot-topot moonsoi ondo' kondoyon ri Jisus Kristus, am bagu raginio katulayon am omporon boo i Aki Kapuuno'.

KOLOSI 1:23

Maalap min ginio amon ru gumagaya' kau toojo, koson mampaikang toojo ra pangintapatan min. Pai' min noyo impayi' kalansanan ondo' tinaakan ramuyun paat ra akau nakaining ra Tanou Moonsoi i. Tanou ragitio nakatabual noyo ra ati ayuk ra tana' ti am aku i Paulus masauk ra ulipon koson mampaugar ra kandoi ragitio.

KOLOSI 1:27

Inatang noyo ri Aki Kapuuno' ra pabalaan No ondo' nakasibuni i risilo; ra mumpara' boo bonsoi ru barakat ondo' pataakon Nano ra ngaangai' ulun, ioginio i Jisus Kristus rumondon ra guang min, ondo' arati' no magapu kau ra katulayan ri Aki Kapuuno'.

KOLOSI 2:6

Inapu min noyo i Jisus Kristus koson ra Tuhan min. Ginio ra kaayag kano sumimpung mabaya' Riso.

1 TISALONIKA 3:5

Ginio ra nompoongoi aku ri Timotius sabap ra kalo boo moorot guang kuli am masaga' aku mintutun ra ati kulaan ru pangintapatan min. Maimamang aku ra maampon lair rinukuan kau ru pangkinaman ru Tingganai ru riwato, suku' kolondo' boo ampos ru kandoi maili ramuyun.

IBRANI 10:39

Kaa' itakau ti sala' ka ulun ondo' lumugut am makalayau. Itakau ti makapangintapatan am bayagon.

1 JUANIS 2:6

Osoi ayuk mindagu ra maayag io sumimpung ri Aki Kapuuno', musiti' io maayag koson ra bayag ri Jisus Kristus.

2 JUANIS 1:9

Osoi ondo' kalo gumagaya' ra pangilaan ri Jisus Kristus am tumalansiang ra nangilaan Nano, ulun raginio kalo nakaulig ri Aki Kapuuno' am i Aki Kapuuno' sala' ka io tatangan. Osoi ondo' lumayun ayuk ra nangilaan ri Jisus Kristus, arati' no, i Aki Kapuuno' am niayuk i Jisus Kristus io tatangan.