JUANIS 15:16 - Tanou Moonsoi Timugon

¹⁶ Pai' ru akau nampili' Raki', kaa' Aku noyo nampili' ramuyun am inaru' takamin mongoi ra ati-ati ayuk am manangkawa' ra maawas, am kawa' mino tumilayun. Atan ayuk kitaakon min ralalom ru inggalan Kuno, aniin kau ri Ama'.

JUANIS 15:16 ပူးပေါင်းရင်းမြစ်များ

KASAUKAN 18:18

Papag nano noyo masauk ra bansa' maayo am makakuasa'. Barakaton Ku ngaangai' bansa' ra tana' ti sabap io.

MAZMUR 145:4

Binaal Muno omporon ru ulun intor ra rondo' sayat saboi ra rondo' sayat; potonowon nilo binaal Muno ondo' makaimuag.

MAZMUR 71:18

Raino matutuo aku no am uanon aku no, pai' aku tatango', iou Aki Kapuuno'. Bayaa' aku bulintok ra aku mapatanou ra kuasa' am katulayan Muno ra ngaangai' papag ra matong ti.

AMSAL 11:30

Ulun ra motopot kaayagan nano tumanda'; ulun ra mapintar rumuang maamaya' nano.

JISAYA 27:6

Orou ra tauli no, ulun ru Israil ioginio papag ri Jakub manambakat koson ra sampuun tataun, am manalantar ilo am niayuk mambusak. Tana' ti mapapak ra kawa'-kawa' nilono.

MIKA 5:7

Ilo ondo' lakat poyo maayag ra gino ngai' ru bansa'-bansa' ru bokon masauk koson ra singa' ondo' maguyum ra akanon giu' ra kataunan kapoam giu' ra padang ru sakot; siminubol singa' no ra tatanga' ru domba-domba, nansaam am niayuk bibinsango' domba; kolondo' sangulun pana makapamayag ra domba-domba no.

MATIUS 21:22

Amon ru mangintopot kau Raki', atan ayuk kitaakon min ra akau makiasi', makaalap kau.”

MATIUS 7:7

“Pakitaak kano am aniin kau. Paguyum kano am makatuum kau. Titiko' min kulobon no am ukabin kau.

LUKAS 6:13

Mamaar matawang, piawo' No maamaya' Nano, am pampili' Io suang mopor am ruo ngaulun intor risilo. Inggalani' No ilo ra rasul. Ilo no am

JUANIS 13:18

Sala' ka akau ngaangai' kon Kuli. Nakapandai Aku osoi pinili' Kuli. Kaa' ragu ru Buuk Kitab ragitio suguton noyo, ‘Ulun ondo' gumulung Raki' mangakan, tumula' io Raki'.’

JUANIS 15:19

Amon ru magibaya' kau ra ulun ru tana' ti, maaru' tagamin kau koson ra ulun nilo galama'. Kaa' pinili' takamin noyo intor ra ulun ru tana' ti, am raino ti kalo boo mogondo' kau risilo. Ginio sabap ra akau kasisangin nilo.

JUANIS 15:5

Aku noyo puun ru anggur am akau noyo pango. Osoi ayuk rumondon Raki', am Aku rumondon riso, makapangkawa' io ra maawas; kaa' amon ru kalo mangindangan Aku ramuyun, kalo makapambaal kau ra atan ayuk pana.

JUANIS 6:70

Indagu boo i Jisus risilo, “Kabalu' pana Aku noyo nampili' ramuyun mopor am ruo ngaulun ringai', kaa' sangulun intor ramuyun no riwato.”

RINALATAN 1:24

Pakiasi' ilo boo, konilo, “Tuhan, Okou nakapandai ra guang ru ngaangai' ulun. Tinatang noyo ri Judas kandoi nali koson sangulun rasul am minatoi noyo. Tului' akai, osoi intor ra ruo ngaulun ti ondo' pilion Muno koson pamamalit ri Judas i.”

RINALATAN 1:8

Kaa' akau makaalap ra kuasa' paat ra Ambiluo ri Aki Kapuuno' no matong ramuyun. Masauk kau boo ra sasi' Kuno giu' ra Jirusalim, ngaangai' ra Judia, am Samaria, am saboi ra ati ayuk intok ra tana' ti.”

RINALATAN 10:41

Kalo minintalang Io ra ngaangai' ulun; kaa' ra akai ayuk ondo' pinili' ri Aki Kapuuno' nasauk ra sasi' Nano. Nangakan am nanginum akai gumulung Riso nopongo ra Io binayag saguli' intor ra kapatayan.

RINALATAN 22:14

Kono raki', ‘I Aki Kapuuno' ondo' sambaan ru kinamatuaan takau nampili' noyo rirun maa' raginio makapandai ra kasagaan Nano, makakito toojo ra Ulipon no ondo' masalok gumagaya' Riso am mokorongog ra bolos ri Jisus galama'.

RINALATAN 9:15

Kaa' indagu Tuhan no riso, “Ugar no, sabap ra io pinili' Ku mangandoi Raki', koson mampasaboi ra tanou intor Raki' ra ngaangai' bansa' ondo' sala' ka Jaudi am raja'-raja' am niayuk ulun ru Israil.

ROMA 1:13

Pabukat kau ngaangai', masaga' aku makapandai kau ra ingkula' noyo aku pangatang mongoi ramuyun, kaa' masalok mokoondo' ayuk mongompong raki'. Moogot aku magibit ra ulun ra intok mino mangintopot ri Kristus, mogondo' ra ulun sala' ka Jaudi ra intok ra bokon.

ROMA 1:5

Ralalom ru inggalan Nano noyo tinimpok taaki' ri Aki Kapuuno' raki' kandoi masauk ra rasul, koson mangandoi aku ri Kristus am magibit ra ngaangai' ulun mangintopot am gumagaya' Riso.

ROMA 15:4

Ngaangai' ondo' tinulisan ra Buuk Kitab makapangila' ritakau, am pangilaan raginio mampaikang ra guang takau am mangani' ra guang mataan saboi makakalansanan takau ri Aki Kapuuno'.

ROMA 9:21

Mambabaal no makakuasa' mangalap ra tana' lia' no mampasauk ra atan ayuk kasagaan nano galama'. Intor ra tana' lia' ra nogondo', baalon no rarapu' mologo am niayuk rarapu' kalo mologo.

1 KORINTUS 10:11

Ngaangai' no nasauk risilo koson alapon ra panginuuyan ra ulun bokon. Ngaangai' no tinulisan niayuk koson rondo' pampakaraan ritakau, ondo' raino maayag ra paat ra pamupusan ru tana' ti.

GALATIA 1:15

Kaa' sabap ra asi' ri Aki Kapuuno', nampili' Io raki' ra aku kalo poyo inanak, am nampiau raki' mangandoi Riso.

IPISUS 2:10

I Aki Kapuuno' noyo nambaal ritakau, am sabap ra pasimpungan takau ri Kristus Jisus, nangatang Io ra kiralan ru kaayagan takau koson mambaal ra moonsoi. Gitio ondo' tinampos no kalalair ra pabaalin ritakau.

KOLOSI 1:23

Maalap min ginio amon ru gumagaya' kau toojo, koson mampaikang toojo ra pangintapatan min. Pai' min noyo impayi' kalansanan ondo' tinaakan ramuyun paat ra akau nakaining ra Tanou Moonsoi i. Tanou ragitio nakatabual noyo ra ati ayuk ra tana' ti am aku i Paulus masauk ra ulipon koson mampaugar ra kandoi ragitio.

KOLOSI 1:6

Tanou Moonsoi ti nagibit ra barakat am nakatabual ra ati ayuk intok ra tana' ti, koson niayuk ra tatanga' min. Kataawan poyo ri Aki Kapuuno', ondo' naining min ra kasaa' i, maintutunan min ra atan ginio sotopot no.

1 TIMOTIUS 2:7

Am ginio nai ra aku ti pinasauk ra rasul am mangingila' ra tayar ru ulun sala' ka Jaudi, koson mampatanou ra pangintapatan ondo' motopot. Am motopot ngaangai' rinagu kutu, pai' ru magabau aku.

2 TIMOTIUS 1:11

Sinauk aku ri Aki Kapuuno' ra sangulun rasul am mangingila', koson mampasaboi ra Tanou Moonsoi ti.

2 TIMOTIUS 2:2

Pangilaan kuli ondo' naining mu noyo ra saang ru masuang sasi', ilaan mu gitio ra ulun ondo' malansanan am ondo' matasik mangila' poyo ra bokon.

TITUS 1:5

Gitio noyo ra aku nanatang rirun ra Krita, maa' raginio mokopongo kou ra kandoi ondo' kalo poyo nopongo tali am mampasauk ra tingganai ru pasimpungan ulun Kristian ra tukir-tukir pamagunan ra giu'. Karaa' noyo nambilinan kuli rirun:

IBRANI 11:4

Sabap ra pangintapatan noyo, i Abil nampataak ri Aki Kapuuno' ra taak simbalui ondo' moonsoi poyo intor ra taak ri Kain. Sabap ra pangintapatan nali iniou io ri Aki Kapuuno' koson sangulun motopot, sabap ra taak nali napabansuk ra guang ri Aki Kapuuno'. Kabalu' pana lair noyo io minatoi, kaa' lakat poyo migigila' takau ra tiluan ru pangintapatan nali.

JAKUBUS 3:18

Amon ru unor ru pabansayan tonomon ru ulun ondo' motogom ra pabansayan, kaansayan niayuk kumoson no.

1 PITRUS 3:15

Kaa' urumato' noyo i Kristus ralalom ru guang mino koson ra Io noyo manguasa' ra kaayagan min. Musiti' kau tumampos kalalair koson makapangani' ra taaman ra osoi ayuk ulun ondo' makibala' ramuyun ra puun ru kalansanan mino.

1 PITRUS 3:2

Am kabalu' pana ra kalo mindagu kau risilo intor raginio, makakito ilo no ra kaayagan min ra mapasau no am ati kulaan gagaya' mino ri Aki Kapuuno'.

1 JUANIS 4:10

Gitio noyo togom: sala' ka itakau nonogom ri Aki Kapuuno', kaa' i Aki Kapuuno' nonogom ritakau. Am nanusub Io ra Anak Nano sumauk ra pabansayan ru tula takau.

1 JUANIS 4:19

Mokotogom takau sabap ra i Aki Kapuuno' nakapagulu motogom ritakau.