JUANIS 15:11 - Tanou Moonsoi Timugon

¹¹ Ngaangai' ti pinabala' Ku ramuyun, maa' raginio masalok Aku mampakaansuk ramuyun am topot-topot kau maansukan.

JUANIS 15:11 ပူးပေါင်းရင်းမြစ်များ

JISAYA 53:11

Mopongo maimbolo', maansukan io saguli'; makapandai io ra kaimbalaan nano mokoonong toojo. Ulipon Kuno, ondo' gumagaya' am ondo' iowon Kuno, Magiba' ra ukuman ru ulun masuang; am sabap io, Aku mangampun risilo.

JISAYA 62:4

Kalo boo sabiton kou “Ondo' Tinatang”, pagun muno kalo boo sabiton “Ondo' Masilukan”. Kaa' sabiton kou “Ondo' Tagamin ri Aki Kapuuno'”, pagun muno sabiton “Ondo' Nakapaguot” sabap ra Tuhan maansayan rirun, am masauk koson ra ralaki ru pagun muno.

JIRIMIA 32:41

Mabaya' ra guang makaansuk mambaal Aku ra moonsoi risilo, am palayunon Ku ilo ra pagun ti ra sabubuoi no.

JIRIMIA 33:9

Jirusalim masauk ra kaansukan, kaurumatan am kaansayin Kuno. Ngaangai' bansa' ra tana' ti malaa' am monontol, paat nokorongog ra ngaangai' moonsoi ondo' binaal Ku koson ra mamagun ru Jirusalim, am intor ra kalangkayaan ondo' pinataak Ku ra bandar ragitio.”

JIPANYA 3:17

Tuhan, i Aki Kapuuno' min mabaya' ramuyun; namanang kau sabap ra kuasa' Nano. Naansukan Tuhan am naansayan sabap akau; nangani' Io ramuyun ra kaayagan bagu sabap ra motogom Io ramuyun. Napabansuk kau ra guang Nano, am Io pana marimbai ra maansukan,

LUKAS 15:23

Alapo' min anak ru sapi' ondo' molomok am simbaluyo' min, munsag am pakaansuk takau.

LUKAS 15:32

Kaa' musiti' takau munsag am pakaansuk, sabap ra boborok muno koson ra minatoi kaa' naayag io po saguli'; timinanggau io, kaa' raino siminaguli'.’ ”

LUKAS 15:5

Katuum no, naansukan io toojo am saanin no domba i

LUKAS 15:9

Katuum no, mampiau boo ruandu' no ra rangan am pasambalayan nano am mambala' io risilo, ‘Pakaansuk kano mababaya' raki' sabap ra natuum ku saguli' ruit ra natatak i!’

JUANIS 16:24

Saboi raino ti kolondo' poyo kinitaak min ralalom ru inggalan Kuno. Pakitaak kano am moowot min, maa' raginio maansukan kau toojo.”

JUANIS 16:33

Ngaangai' ti pinabala' Ku ramuyun, maa' raginio makakaansayan kau sabap ra masimpung kau Raki'. Giti ra tana' ti maimbolo' kau, kaa' paikango' noyo guang min, sabap ra kinala Ku noyo tana' ti.”

JUANIS 17:13

Raino sumaguli' Aku Rirun. Ngaangai' ti raguon Ku buoi Aku soroi ayuk poyo ra tana' ti, koson maansukan ilo toojo mogondo' Raki'.

JUANIS 3:29

Koson niayuk ra paguguatan: Ungkuyon uatin mokoowot ra andu'; kaa' mamparangan ra ungkuyon uatin ti ondo' mangkirongog riso pana maansukan. Ginio nai ra raino ti maansukan aku toojo,

ROMA 15:13

Gama' ru i Aki Kapuuno', puun ru kalansanan takau, mangani' ramuyun ra kaansukan am katasuan ru guang ralalom ru pangintapatan min Riso. Maa' raginio, ralalom ru kuasa' ru Ambiluo ri Aki Kapuuno', mikang poyo kalansanan mino Riso.

2 KORINTUS 1:24

Kalo mompogogot akai maningganai ramuyun koson mambala' ra atan musiti' intopoton min, sabap ra mangintopot kano toojo ri Kristus. Kaa' masaga' akai ayuk maguguyu ramuyun, maa' raginio maansayan kau toojo.

IPISUS 5:18

Pai' kau kagauk ra anggur, ginio magibit ra paliso malaat. Kaa' sotopot no, moonsoi amon ru Ambiluo ri Aki Kapuuno' no manguasa' ramuyun.

PILIPI 1:25

Am gitio noyo kapandayan am kalansanan kutu ra lakat aku po niayuk sumoroi mabaya' ramuyun, maa' raginio pangintapatan min maikang boo mabaya' ra kaansukan.

1 TISALONIKA 5:16

Kasalok kano pakaansuk

1 PITRUS 1:8

Motogom kau Riso, iou pana kalo poyo nakakito kau Riso. Mangintopot kau Riso, kabalu' ra kalo makakito kau Riso raino. Am maansukan kau kaga' mabaya' ra bansuk ondo' kalo noyo maalap karagu.

1 JUANIS 1:4

Tulisin mai gitio koson guang takau topot-topot maansukan.

2 JUANIS 1:12

Masuang poyo musiti' pabalaan kuno ramuyun. Kaa' guang ku moonsoi sala' ka tulisin ra surat. Malansan mokoongoi aku galama' tuum am makimansunur ramuyun, maa' boo raginio guang takau topot-topot maansukan.