JUANIS 15:1 - Tanou Moonsoi Timugon

¹ “Aku noyo puun ru anggur ondo' motopot; i Ama' Ku noyo magagalung ra umo.

JUANIS 15:1 ပူးပေါင်းရင်းမြစ်များ

RIMBAI PANGAMPARAN 7:12

Kumarat to ra kalo poyo makatampak mato ru orou am magilong ra puun ru anggur nakatuu' noyo kia kapoam busak nano nakaungkalar noyo kia, kapoam puun dalima' nambusak noyo kia. Ra giu' no pataakon ku togom kuno rirun.

JISAYA 4:2

Bulintok no matong amon Tuhan mampatuu' ra moonong tutuu' am puun ru tataun ra pagun ti ra masawat am moonsoi pagilayan. Ngaangai' ulun ru Israil ondo' naayag maansukan am maringkuanang ra ampos ru tana' ru pagun no.

JISAYA 60:21

Mamagun muno mambaal ra baal ondo' motopot, am momolonggom ra pagun ti ra sabuoi-buoi no. Ilo koson ra tutuu' ondo' tinanom Kuno, ampos ru inangun Kuno, koson mapaintalang ra kuasa' maayo Kuno.

JISAYA 61:3

koson mapabansuk ra ulun ondo' mangulir giu' ra Sion, maansayan am niayuk maansukan, sala' ka pangilukan, rimbai pangamparan, sala' ka pangilukan. Masauk ilo koson ra puun ondo' tinanom galama' ru Tuhan. Mambaal ilo ra atan ondo' motopot, am i Aki Kapuuno' omporon sabap binaal Nano.

JIRIMIA 12:10

Masuang panguasa' ra bansa' bokon nampapaluyak ra umo ru anggur Kuno; pinanjak-panjak nilo umo Kuno. Kinulau nilo pagun Kutu ondo' moonsoi nasauk ra tana' kaagisan.

JIRIMIA 2:21

Nantanom Aku rirun koson ra puun ru anggur linili' intor ra unor ondo' moonsoi kaga'. Kaa' ilai' boo, nakulau kou! Nasauk kou ra puun ru anggur lumayau ondo' kolondo' onong.

YEHEZKIEL 19:10

Ina' min koson ra puun ru anggur ondo' tinanom giu' ra kiing ru sungoi boborok. Sabap ra masuang timug ra giu' no, puun no nangkawa' am makaraun ra maawas.

GOSIA 10:1

Ulun ru Israil koson ra puun ru anggur ondo' makakawa' ra maawas. Gumaai langkaya' nilo, sumuang poyo altar baalon nilo. Sumuang-suang ampos ru tana' nilo, matuyu' poyo boo batu-batu sambaan ondo' binaal nilo.

JAKARIA 3:8

Rongogo' noyo Tingganai Maayo Imam Josua, am niayuk akau imam ondo' nasauk ra rangan nano, akau ngaangai' tatandu' ru orou matong ondo' moonsoi. Paat raginio, susubon Ku ulipon Kuno ondo' sabiton ri ‘Talantar’.

MATIUS 15:13

Taam i Jisus, “Moonong tatanom ondo' kalo tinanom ru Ama' Kuno giu' ra suruga' maaru' bubulon.

MATIUS 20:1

“Paat ri Aki Kapuuno' mamarinta, baal no koson sangulun tatangan ra umo ru anggur. Rumondom io mingkual maguyum ra mangngandoi ra umo nano.

MATIUS 21:33

“Rongogo' poyo rondo' abig ragitio,” ragu ri Jisus. “Mokoondo' sangulun langkaya' ondo' nantanom ra umo ru anggur. Liputo' no ra insor am pangkali io ra rondo' luang ra batu maayo, pamagaan ra anggur am niayuk nambaal io ra manara masawat pagimpalan. Pasiwai' no boo umo ru anggur i ra kukula' ngaulun, am ongoi io ra pagun ru bokon.

MARKUS 12:1

Tumalimpuun boo i Jisus mantunung ra abig ra tingganai imam Jaudi, mangingila' ra Ukum ri Musa am tingganai ru ulun ru Jaudi. Indagu i Jisus, “Mokoondo' sangulun ungkuyon nanangumo ra anggur, pagaro' no umo i. Kopongo ragili, pangkali io ra rondo' luang ra batu maayo, pamagaan ra anggur, am pambaal io ra manara masawat pagimpalan. Umo nali pana pasiwai' ra ulun bokon am ongoi io ra pagun ru bokon.

LUKAS 13:6

Tunungo' boo ri Jisus abig ragitio risilo, “Mokoondo' sampuun ara timinuu' giu' ra umo ru anggur ru sangulun. Naguyum ulun no ra kawa' ru ara no, kaa' kolondo' natuum no.

JUANIS 1:17

Pinabala' galing ra nabi Musa, pinataak ri Aki Kapuuno' ritakau Ukum ri Musa, kaa' ralalom inggalan ri Jisus Kristus, pinakito ri Aki Kapuuno' ritakau togom am pampagagayaan Nano.

JUANIS 1:9

Sinda motopot no, ondo' mampakasinda ra ngaangai' ulun, matong ra tana' ti.

JUANIS 15:2

Moonong pango Kuno ra kalo manangkawa' iruon No, am moonong pango ra manangkawa' intawangin No, maa' raginio makapangkawa' ra maawas poyo.

JUANIS 6:32

Indagu i Jisus risilo, “Balain takamin toojo: Sala' ka i Musa ondo' nangani' ramuyun ra ruti' intor ra suruga'; kaa' i Ama' Kuno ondo' mangani' ramuyun ra ruti' motopot intor ra suruga'.

JUANIS 6:55

Sabap ra inan Kutu noyo akanon ra motopot, am raraa' Kutu pana inumon ra motopot.

ROMA 11:17

Ginio ra kukula' raan intor ra puun jaitun tinanom indaanin am raan intor ra puun jaitun lumayau pangkapiton pamalit ra inindaanan no. Akau, ulun sala' ka Jaudi, koson ra raan ru puun jaitun lumayau ondo' makasia' ra barakat ru kaayagan ru ulun ru Jaudi.

1 KORINTUS 3:9

Akai masisinggau' mangandoi ri Aki Kapuuno'; am akau koson ra umo Nano. Koson ra tinambalayan kau niayuk ri Aki Kapuuno'.

1 JUANIS 2:8

Kabalu' pana koson raginio, panusuban ra tulisin kutu nakabagu niayuk. Katapatan ra panusuban ragitio makito intor ra kaayagan ri Jisus Kristus am niayuk kaayagan min. Molondom tumalimpuun noyo mairu' am binusasal ondo' motopot pabulowo.