JUANIS 14:9 - Tanou Moonsoi Timugon

⁹ Kaa' taam i Jisus, “Pilipus, nabuoi takano nababaya', kaa' lakat ayuk poyo kalo makaulig kou Raki'? Osoi ayuk nakakito Raki', nakakito io niayuk ri Ama'. Kaa' kua indagu kou po ra, ‘Pakitono' i Ama' no ramon?’

JUANIS 14:9 ပူးပေါင်းရင်းမြစ်များ

KASAUKAN 26:9

Piawo' boo ru Raja' Abimilik i Isak am indagu, “Andu' mu i Ribika, kua indagu kou ra boborok ruandu' muno?” Taam i Isak, “Guang ku potoyon aku amon ru mambala' ra io andu' kuno.”

MAZMUR 11:1

Ra tingganai ru santimungan maririmbai. Mazmur ri Daut. Malansan aku ra Tuhan noyo manindung raki'. Kolondo' noyo onong ra mindagu raki', “Pansiab no koson ra susuit mongoi ra gunung,

JIRIMIA 2:23

Ati kulaan kia okou mindagu ra kalo majamol kou, am ra okou kalo igondo' samba ra sinungkalalaing Baal? Ilai' ga binaal muno giu' ra limayak; makatula kou ra giu' no. Koson kou ra unta masigo ondo' makipaa', ondo' nagisimbul ra giu' am giti, kalo mororo',

MARKUS 9:19

Indagu boo i Jisus risilo, “Topot-topot noyo akau ti kolondo' pangintapatan! Nabuoi Aku noyo minayan ramuyun am kalo poyo mangintopot kau. Ati kulaan Aku tumaan ramuyun? Ibito' lalaing no ragiti!”

LUKAS 12:56

Akau maabau-abau! Mapandai kau magilong ra tatandu' ru limbowon am tana', kua pai' kau pakarati' ra tatandu' ra orou raiti'.”

JUANIS 1:14

Ragu no nasauk ra ulun am minayan Io ritakau. Nakito takau noyo ra Io matulai toojo, sabap ra Io no rorondo' Anak Langkuir ri Ama'. Ralalom inggalan Nano i Aki Kapuuno' galama' am togom Nano pinakito ritakau.

JUANIS 10:30

Aku am i Ama' no rondo' ayuk.”

JUANIS 12:45

Osoi ayuk makakito Raki', makakito io niayuk ra Io ondo' nanusub Raki' i.

JUANIS 14:20

Masuku' orou raginio, bagu no makapandai kau ra masimpung Aku ri Ama', am akau pana masimpung Raki', mogondo' niayuk ra Aku masimpung ramuyun.

JUANIS 14:7

Amon ru makaulig kau Raki', makaulig kau niayuk ra Ama' Kuno. Intor raino nakaulig kano am nakakito niayuk Riso.”

JUANIS 8:19

Ginio ra pangkuot ilo, “Ati i Ama' Muno?” Taam i Jisus, “Kalo makaulig kau Raki', kapoam i Ama' Kuno. Amon ru makaulig kau Raki', Ama' Kuno pana mauligan min niayuk.”

1 KORINTUS 15:12

Mampatanou akai no ra i Kristus binayag saguli' intor ra kapatayan. Kaa' kua mokoondo' poyo intor ramuyun no mindagu ra ulun ondo' minatoi noyo kalo boo bayagon saguli'?

PILIPI 2:6

Intor noyo ra talimpuun Io ti nogondo' ri Aki Kapuuno', kaa' kalo niayuk nampaguang Io ra gondo' Nano ri Aki Kapuuno' ti gonggomon No.

KOLOSI 1:15

I Jisus Kristus no mogondo' ri Aki Kapuuno' ondo' kalo maalap kakito. Io ti anak langkuir Nano ondo' maatang toojo intor ra ngaangai' ru sinauk Nano.

IBRANI 1:3

Io noyo mampakito ra kuasa' ri Aki Kapuuno' am paliso Nano mogondo' toojo ri Aki Kapuuno'. Io noyo niayuk magalung ra limbowon am tana' ti mansail ra bala' Nano ondo' makakuasa'. Mopongo Io namasau ra ulun intor ra tula nilai, nanturung Io ra takhta ra suruga' ra tampilon pamiris ri Aki Kapuuno' ondo' Maayo Kaga' Kuasa'.

1 JUANIS 5:20

Nakapandai takau ra minatong noyo Anak ri Aki Kapuuno' am nangani' ritakau ra kaintutunan koson makaulig takau ri Aki Kapuuno'. Maayag takau sumimpung ri Aki Kapuuno' am niayuk i Jisus Kristus. Io noyo i Aki Kapuuno' ondo' motopot, am gitio noyo kaayagan motopot am mantilayun.