JUANIS 14:6 - Tanou Moonsoi Timugon

⁶ Taam i Jisus riso, “Aku noyo ralan, katapatan am kaayagan. Kolondo' sangulun pana mokoongoi ri Ama', amon ru kalo mansail io Raki'.

JUANIS 14:6 ပူးပေါင်းရင်းမြစ်များ

MATIUS 11:27

“Pinataakan ri Ama' ngaangai' Raki'. I Ama' ayuk sangulun nakaulig ra Anak, am Anak ayuk sangulun makaulig ra Ama' am poyo ulun ondo' kasagaan ru Anak ayuk makaulig ri Ama'.

JUANIS 1:14

Ragu no nasauk ra ulun am minayan Io ritakau. Nakito takau noyo ra Io matulai toojo, sabap ra Io no rorondo' Anak Langkuir ri Ama'. Ralalom inggalan Nano i Aki Kapuuno' galama' am togom Nano pinakito ritakau.

JUANIS 1:17

Pinabala' galing ra nabi Musa, pinataak ri Aki Kapuuno' ritakau Ukum ri Musa, kaa' ralalom inggalan ri Jisus Kristus, pinakito ri Aki Kapuuno' ritakau togom am pampagagayaan Nano.

JUANIS 1:4

Ragu ti noyo puun ru ngaangai' kaayagan, am kaayagan ti mampakasinda ra ulun.

JUANIS 10:28

Mangani' Aku risilo ra kaayagan mantilayun koson kalo mapuso ilo. Kolondo' noyo mampagaau risilo intor Raki'.

JUANIS 10:7

Ginio ra indagu poyo i Jisus, “Balain takamin toojo: Aku noyo kulobon ru domba.

JUANIS 10:9

Aku noyo kulobon. Osoi ayuk mangintopot Raki', bayagon io; mingkual am sumubol am poyo makaakanon io.

JUANIS 14:19

Sangkinolor poyo am ulun ru tana' ti kalo boo makakito Raki', kaa' makakito kau Raki'; am sabap ra Aku ti maayag, akau pana maayag.

JUANIS 15:1

“Aku noyo puun ru anggur ondo' motopot; i Ama' Ku noyo magagalung ra umo.

JUANIS 18:37

Indagu i Pilatus Riso, “Ginio poyo, Okou ti sangulun raja'?” Taam i Jisus, “Rinagu mu noyo ra Aku ti sangulun raja'. Ginio ra Aku inanak am minatong ra tana' ti, koson mampatanou ra katapatan ri Aki Kapuuno'. Osoi ayuk gumagaya' ra katapatan ti mangkirongog io Raki'.”

JUANIS 5:21

Koson i Ama' mamayag saguli' ra ulun minatoi am manaak risilo ra kaayagan, nogondo' niayuk ra Anak manaak ra kaayagan ra osoi ayuk kasagaan Nano.

JUANIS 6:33

Sabap ra ruti' ondo' taakin ri Aki Kapuuno' sotopot no Io ondo' timinuun intor ra suruga' am manaak ra kaayagan motopot ra ulun ru tana' ti.”

JUANIS 6:51

Aku noyo ruti' mampakaayag ondo' timinuun intor ra suruga'. Osoi ayuk mangakan ra ruti' ragitio, maayag io ra mantilayun. Ruti' ra pataakin Kuno, io no inan Kutu, maa' raginio ulun ru tana' ti mokoowot ra kaayagan.”

JUANIS 6:57

I Ama' ondo' maayag nanusub Raki', am makakaayagan Aku intor Riso. Koson niayuk ra osoi ayuk mangakan ra inan Kutu, makakaayagan io intor Raki'.

JUANIS 6:68

Taam i Simon Pitrus Riso, “Tuhan, osoi poyo angayan mai? Ragu Muno mangani' ra kaayagan motopot am mantilayun.

JUANIS 8:32

Mauligan min i Aki Kapuuno' ondo' motopot am ginio mampalabus ramuyun.”

JUANIS 8:51

Balain takamin toojo: Osoi ayuk gumagaya' ra pangilaan Kuno, ulun no kalo makaili' ra kapatayan.”

RINALATAN 3:15

Akau namatoi Riso, Io ondo' manaak ra kaayagan motopot ra ngaangai' ulun. Kaa' binayag Io saguli' ri Aki Kapuuno' intor ra kapatayan am akai noyo sasi' ra baal raginio.

RINALATAN 4:12

Ralalom inggalan ri Jisus ulun bayagon, sabap ra giti ra tana' ti kolondo' ulun ra bokon makaalap ra kuasa' intor ri Aki Kapuuno' koson mamayag ritakau.”

RINALATAN 9:2

am nakitaak ra surat kuasa' koson patalangon ra tingganai ru baloi sambayangan ru ulun ru Jaudi giu' ra Damsyik. Koson ragino, amon ru makatuum io ra maamaya' ru Tuhan, ungkuyon kapoam ruandu', rokopon no am ibiton ilo ra Jirusalim.

ROMA 15:16

Pinili' No aku masauk ra ulipon ri Kristus Jisus koson mangindangan ra ulun sala' ka Jaudi. Mampaugar aku ra kandoi koson sangulun imam ondo' mampabala' ra Tanou Moonsoi intor ri Aki Kapuuno'. Maa' raginio, ulun sala' ka Jaudi patimpokon ri Aki Kapuuno' ru Ambiluo Nano koson rondo' taak ondo' mapabansuk Riso.

ROMA 5:2

Sabap ra pangintapatan takau ri Kristus, nagibit Io ritakau mimong ra barakat ri Aki Kapuuno' ondo' malimanan takau raino. Sabap raginio maansukan takau am malansan ra magapu takau ra katulayan ri Aki Kapuuno'.

ROMA 5:21

Intor raginio, koson niayuk ra tula nangkinibit ra ngaangai' ulun matoi, kataawan ri Aki Kapuuno' pana mangkinibit ritakau mobonsoi saguli' Riso, saboi mokoowot takau ra kaayagan motopot am mantilayun sabap ri Jisus Kristus, Tuhan takau.

1 KORINTUS 15:45

Koson ra tinulisan ra Buuk Kitab, “I Adam noyo ulun kasaa' inangun ra makapainawo”, kaa' i Adam ra pupus no, ioginio Ambiluo ondo' mampakaayag.

IPISUS 2:18

Sabap ra binaal ri Kristus am ru Ambiluo ri Aki Kapuuno' ulun ru Jaudi am sala' ka Jaudi niayuk makasamba ri Ama'.

KOLOSI 2:17

Ngaangai' aturan no kalo boo pana suguton takau sabap ra nakasimpung takano ri Kristus.

KOLOSI 2:9

Sabap ra ngaangai' paliso ri Aki Kapuuno' rumondon ri Kristus, paat ra Io naayag ra tana' ti pana.

KOLOSI 3:4

Ginio nai ra i Kristus noyo puun ru kaayagan bagu mino. Am paat ra Io paintalangon saguli', makapasimpung kau Riso ra katulayan Nano.

IBRANI 7:25

Intor raginio makapamayag Io ra mantilayun ra ulun ondo' matong ri Aki Kapuuno' mumbaya' Riso, sabap ra maayag Io ra mantilayun koson makitaak ri Aki Kapuuno' mangindangan risilo.

IBRANI 9:8

Intor raginio, Ambiluo ri Aki Kapuuno' mambala' ritakau ra umpasan mongoi ra Intok Matulai Kaga' ti kalo poyo maukab, paat ra lakat ayuk poyo soroi lamin ra saang ru kim no.

1 PITRUS 1:21

Mansail Riso ti noyo makapangintopot kau ri Aki Kapuuno'. Io no ondo' namayag saguli' ri Kristus intor ra kapatayan am nangurumat boo Riso. Ginio ri Aki Kapuuno' ti boo puun ru pangintapatan am kalansanan min.

1 PITRUS 2:4

Intor poyo raginio, ibok am ratong kano ra Tuhan. Io ti mogondo' ra batu naayag, ondo' pinatiran noyo ru ulun ra kolondo' onong; kaa' Io no ondo' pinili' ri Aki Kapuuno' ra mokologo toojo.

1 PITRUS 3:18

Sabap ri Kristus galama' igondo' ayuk patoi sabap ra tula ru ulun am ginio sama' ra sabuoi-buoi no. Sangulun motopot minatoi koson ra alig ru ulun makasala, koson mompoongoi Io ramuyun ri Aki Kapuuno'. Pinatoi Io ru ulun, kaa' binayag Io saguli' ri Aki Kapuuno'.

1 JUANIS 1:8

Amon ru mindagu takau ra kolondo' tula takau, ragu ragitio abau ayuk, am kolondo' katapatan soroi ra guang takau.

1 JUANIS 2:23

Ulun ondo' kalo mangapu ra Anak, arati' no kalo niayuk mangapu io ra Ama'. Am ulun ondo' mangapu ra Anak, arati' no mangapu io niayuk ra Ama'.

1 JUANIS 5:20

Nakapandai takau ra minatong noyo Anak ri Aki Kapuuno' am nangani' ritakau ra kaintutunan koson makaulig takau ri Aki Kapuuno'. Maayag takau sumimpung ri Aki Kapuuno' am niayuk i Jisus Kristus. Io noyo i Aki Kapuuno' ondo' motopot, am gitio noyo kaayagan motopot am mantilayun.

1 JUANIS 5:6

I Jisus Kristus noyo ondo' minatong ra tana' ti nabaya' ra timug pinampariu' Riso am raraa' ru pinatayan Nali. Minatong Io sala' ka nabaya' ra timug, kaa' nabaya' ra timug am raraa'. Ambiluo ri Aki Kapuuno' galama' mapaintutun ragitio motopot, sabap ra Ambiluo raginio niayuk motopot.

2 JUANIS 1:9

Osoi ondo' kalo gumagaya' ra pangilaan ri Jisus Kristus am tumalansiang ra nangilaan Nano, ulun raginio kalo nakaulig ri Aki Kapuuno' am i Aki Kapuuno' sala' ka io tatangan. Osoi ondo' lumayun ayuk ra nangilaan ri Jisus Kristus, arati' no, i Aki Kapuuno' am niayuk i Jisus Kristus io tatangan.

PINAINTALANG 1:5

Intor ri Jisus Kristus, sasi' ondo' lansanin, Io no kasaa' ondo' binayag intor ra kapatayan am ondo' niayuk mamarinta ra raja'-raja' ru tana' ti. Motogom i Jisus ritakau am ra pinatayan Nali pinalabus takau noyo intor ra tula takau.

PINAINTALANG 19:11

Kakito ku boo suruga' no naukab am mokoondo' sanginan kuda mapulak. Ondo' nangura' no ininggalanan i Mampagagaya' am i Motopot. Matimpok Io ra mangukum am mangayou ra bokon.

PINAINTALANG 20:15

Osoi ayuk ondo' inggalan nano kalo tinulisan ra ralalom ru kitab ru Ulun Mokoowot ra Kaayagan Motopot, patirin io ra tasik ru apui.

PINAINTALANG 22:1

Malaikat no niayuk nanulu' raki' ra sungoi ondo' mampakaayag. Sungoi no manguliat koson ra kristal am mugar intor ra takhta ri Aki Kapuuno' am Anak Domba no ra tatanga' ralan ru bandar no. Sapapa'-mansapapa' ra kiing ru sungoi no, mokoondo' puun ru mampakaayag ondo' mangkawa' inggopor am ruo sambilor, ioginio igondo' sambulan. Raun nano alapon pamabas ra bansa'-bansa'.

PINAINTALANG 22:17

Ambiluo ri Aki Kapuuno' am Ruandu' Uoton ru Anak Domba mindagu, “Ibok no.” Moonong ulun ondo' mangining ragitio musiti' mindagu, “Ibok no.” Osoi ayuk pinaason am osoi ayuk masaga', ibok am apuo' noyo timug ondo' mampakaayag ra kalo kilagain.

PINAINTALANG 3:14

“Tulisi' koson ragitio ra malaikat ru pasimpungan ulun Kristian ra bandar Laodikia: “Gitio noyo bilin intor Riso ondo' sabiton ra Amin, ioginio sasi' ondo' malansanan am motopot, Io no puun ru ngaangai' ondo' sinauk ri Aki Kapuuno'.

PINAINTALANG 3:7

“Tulisi' koson ragitio ra malaikat ru pasimpungan ulun Kristian giu' ra bandar Piladilpia: “Gitio noyo bilin intor Riso ondo' matulai am motopot, am kunsi' ru raja' Daut soroi Riso; paat ra ukabin No kulobon no, angabin ru osoi ayuk pana kalo maangaban, am paat ra angabin No, ukabin ru osoi ayuk pana kalo maukaban.