JUANIS 14:28 - Tanou Moonsoi Timugon

²⁸ Nokorongog kano ra ragu Kuli, ‘Mugar Aku, kaa' sumaguli' Aku poyo ramuyun.’ Amon ru motogom kau Raki', akau pana maansukan ra Aku mongoi ri Ama', sabap ra maatang poyo i Ama' ka Aku.

JUANIS 14:28 ပူးပေါင်းရင်းမြစ်များ

MAZMUR 68:18

Ralalom kaaparan ribu ru kurita' kuda Nano ra maayo, matong Tuhan intor ra Sinai mongoi ra intok ondo' matulai no.

MAZMUR 68:9

tana' ti mapuyu' am limbowon maparatu' ra rasam, sabap ra saang Muno, minindagu i Aki Kapuuno' giu' ra Sinai, saang ri Aki Kapuuno' ru ulun ru Israil.

JISAYA 42:1

Indagu Tuhan, “Gitio noyo ulipon Kutu, ondo' pinaikang Kuli; sangulun noyo pinili' Kuli, am mapabansuk ra guang Kutu. Kuasa' Kuno pinataak Ku noyo riso, magibit Io ra katimpakan ra moonong bansa'.

JISAYA 53:11

Mopongo maimbolo', maansukan io saguli'; makapandai io ra kaimbalaan nano mokoonong toojo. Ulipon Kuno, ondo' gumagaya' am ondo' iowon Kuno, Magiba' ra ukuman ru ulun masuang; am sabap io, Aku mangampun risilo.

MATIUS 12:18

“Gitio noyo ulipon Kutu ondo' pinili' Kutu, sangulun ondo' tagamin Kuno am mapakatasu' ra guang Kuno. Pataakin Ku Ambiluo Kuno Riso, am mampatanou Io ra ngaangai' bansa' ra Aku ti motopot.

JUANIS 10:38

Kaa' amon ru baalon Ku, am kalo mangintopot kau ra ragu Kutu, pangintopot kano Raki' ra binaal Kuli. Bagu no makapandai am makarati' kau ra i Ama' masimpung Raki', am Aku pana masimpung ri Ama'.”

JUANIS 13:16

Balain takamin toojo: Sangulun ulipon kalo maatang poyo intor ra tuan nano. Mogondo' niayuk ra sangulun sinusub kalo maatang poyo intor ra nanusub riso.

JUANIS 14:12

Ondo' raguon Kutu motopot: Osoi ayuk mangintopot Raki', mambaal ra kandoi mogondo' ra binaal Kuli. Mulu' poyo baalon no ka Aku, sabap ra sumaguli' Aku ri Ama'.

JUANIS 14:18

Kalo manatang Aku ramuyun koson ra anak napatayan ra matuo. Kaa' sumaguli' Aku po ramuyun.

JUANIS 16:7

Ondo' raguon Kutu ramuyun motopot: Moonsoi ra Aku mugar, amon ru kalo, Mangingindangan no kalo matong ramuyun. Kaa' amon ru mugar Aku, porotongon Ku boo Io ramuyun.

JUANIS 20:17

Kaa' indagu i Jisus riso, “Pai' Aku guuto'! Sabap ra kalo poyo nokoongoi Aku ri Ama'. Kaa' ongoi no ra maamaya' Kuno am balai' ilo ra raino sumaguli' Aku ri Ama' Kuno am i Ama' min, ioginio i Aki Kapuuno' Kuno am i Aki Kapuuno' min.”

JUANIS 20:21

Indagu poyo i Jisus risilo, “Kaansayan ramuyun. Koson ri Ama' nanusub Raki', Aku pana manusub ramuyun.”

JUANIS 5:18

Ragu raginio nangkinibit ra tingganai ru ulun ru Jaudi gumogot poyo mamatoi Riso. Sabap ra sala' ka minanggal Io ayuk ra Ukum ri Musa ra orou Sabat, kaa' minindagu Io poyo ra i Aki Kapuuno' noyo Ama' Nano; arati' no Io galama' mogondo' ri Aki Kapuuno'.

JUANIS 7:33

Kaa' indagu i Jisus, “Kalo boo mabuoi Aku soroi ramuyun am sumaguli' Aku Riso ondo' nanusub Raki'.

1 KORINTUS 11:3

Kaa' masaga' aku ra akau makarati' ra i Kristus noyo maningganai ra moonong ungkuyon, ralaki maningganai ra andu', am i Aki Kapuuno' no maningganai ri Kristus.

1 PITRUS 1:8

Motogom kau Riso, iou pana kalo poyo nakakito kau Riso. Mangintopot kau Riso, kabalu' ra kalo makakito kau Riso raino. Am maansukan kau kaga' mabaya' ra bansuk ondo' kalo noyo maalap karagu.

PINAINTALANG 1:11

Kono, “Tulisi' noyo ondo' makito muno, am paatari' surat no ra tulu' pasimpungan ulun Kristian giu' ra bandar Ipisus, bandar Simirna, bandar Pirgamum, bandar Tiatira, bandar Sardis, bandar Piladilpia am bandar Laodikia.”