JUANIS 14:27 - Tanou Moonsoi Timugon

²⁷ Kaansayan patatangon Kuno ramuyun; kaansayan Kuno galama' pataakon Ku ramuyun. Kaansayan Kuno sala' ka koson ra kaansayan ondo' taakin ru tana' ti. Ginio ra pai' kano pagalabo kapoam kalaa'.

JUANIS 14:27 ပူးပေါင်းရင်းမြစ်များ

2 TUNUNG RU BANSA' ISRAIL 20:30

Koon raginio noyo Raja' Josapat nakapamarinta ra kaansayan, am nangani' i Aki Kapuuno' ra Raja' Josapat ra kamiaan giu' ra titikop ru pagun.

AYUP 34:29

Amon ru mamatas i Aki Kapuuno' koson ra mongkoror ayuk, kolondo' osoi pana mokololob Riso. Amon ru pasibunion No bulos Nano, kolondo' osoi pana makatuum Riso.

MAZMUR 11:1

Ra tingganai ru santimungan maririmbai. Mazmur ri Daut. Malansan aku ra Tuhan noyo manindung raki'. Kolondo' noyo onong ra mindagu raki', “Pansiab no koson ra susuit mongoi ra gunung,

MAZMUR 112:7

Kalo malaa' io mangapu ra tanou malaat; guang nano mingkotog sabap ra mangintopot ra Tuhan.

MAZMUR 27:1

Mazmur ri Daut. Tuhan noyo sinda am mamamayag raki'; kalo malaa' aku ra osoi-osoi ayuk pana. Tuhan manindung raki' intor ra nansalinut ondo' makalalaa'; kalo malaa' aku.

MAZMUR 28:3

Pai' aku ukumi' mababaya' ra ulun ondo' maanggal-anggal, mababaya' ra ulun ondo' mambaal ra kalaatan – ulun ra maamis kabang, kaa' guang no natikop ra sisang.

MAZMUR 29:11

Kaikangon ru Tuhan ulun Nano, am barakaton No ilo ra ralalom ru kaansayan.

MAZMUR 56:11

Mongompor aku ri Aki Kapuuno' sabap ra bantu' Nali.

MAZMUR 56:3

Monsongorou pantula' kuno mamulunsar raki'; masuang ulun gumula' raki'.

MAZMUR 72:2

maa' raginio raja' no mamarinta ra ulun Muno ra kabanisan ru guang, am matimpok pakuan ra ulun ondo' inimpayan.

MAZMUR 72:7

Gama' ru katimpakan makatanou ra buoi ru raja' maayag, am kinalangkayaan mantilayun buoi sinda ru bulan.

MAZMUR 85:10

Ulun ra mangurumat Riso no maaru' bayagon No, maa' raginio i Aki Kapuuno' ondo' matulai kaga' mayan ra pagun takau.

MAZMUR 91:5

Kalo pana malaa' kou ra karaat bulintok ra molondom, kapoam ayou mamulali' bulintok ra matawang,

AMSAL 3:25

Kalo pana magalabo kou ra karaat rumatong ra sangkuliop ayuk, koson ra rosob lumumpa' ra ulun malaat.

JISAYA 12:2

Aki Kapuuno' Mamamayag raki'; mangintopot aku Riso am kalo malaa' aku. Tuhan manaak ra kuasa' am kaikangan raki'; Io no Mamamayag raki'.

JISAYA 41:10

Pai' kalaa' sabap ra Aku minaya' ramuyun. Pai' pagalabo sabap Aku i Aki Kapuuno' min. Paikangon am indanganon Takamin; sindungin am bayagon Takamin.

JISAYA 41:14

Tuhan mindagu, “Kabalu' pana akau boborok am lamuoi, akau Israil, pai' kalaa', indanganon Takamin. Aku i Aki Kapuuno' ru Israil, i Aki Kapuuno' ondo' matulai, Aku noyo namayag ramuyun.

JISAYA 54:13

“Ngaangai' ulun muno masauk ra maamaya' Raki', lumangkaya' ilo.

JISAYA 55:12

Tatangon min Babil ra guang maantak, am inataran paingkualo' ra maayag. Gunung am bulur maansukan am magilakup, tatanom giu' ra umo magilakup.

JISAYA 57:19

Pababansayan pataakon Ku ra ngaangai' ulun, io pana mamaar kapoam maalur! Babason Ku ulun Kuno.

JISAYA 9:6

Kuasa' Nano marayus rumuang; pamarintaan Nano kalinuos ayuk. Mamarinta Io koson suali ru Raja' Daut, pamarintaan Nano mimpuun ra ukum am katimpakan intor ragino saboi ra pupus ru tana' ti. Ngaangai' kasaukan raginio maaru' baalon ru Tuhan Ondo' Maayo Kaga' Kuasa'.

JIRIMIA 1:8

Pai' no kalaa' risilo sabap ra mabaya' Aku rirun koson manindung rirun. Aku, Tuhan, nakaindagu noyo!”

SULABOI 3:17

Nalilianan ku noyo kaligagan, kaansayan am kaansukan.

YEHEZKIEL 2:6

Kaa' okou, ulun ondo' mapandai matoi, pai' kalaa' risilo kapoam atan ayuk ondo' raguon nilo. Anggalon am asabin nilo okou. Malimanan mu koson maayag ra tatanga' ru lingait. Kabalu' pana raginio, pai' kalaa' ra ulun-ulun gumuor no, kapoam atan ayuk ondo' raguon nilo.

DANIL 4:1

Nangator Raja' Nibukadnijar ra papatanawan ragitio ra ulun intor ra ngaangai' bansa' am ragu ra titikop ru tana' ti: “Kaansayan!

DANIL 6:25

Kopongo raginio nanusub raja' maa' raginio ngaangai' ulun ondo' nanguu' ri Danil, patirin ra ralalom ru luang batu ru singa' no pabayaan ra anak andu' nilo. Kalo poyo naratu' ilo intor ra lonor ru luang batu no, singa'-singa' no nansaam noyo risilo am namandak-mandak ra bungul nilo.

JAKARIA 6:13

Io noyo ondo' mambaal ra Baloi Kuno am mangapu ra urumat ondo' aniin ru raja', am mamarinta io ra mamagun nano. Sangulun imam mamaya' riso am maguyu mangandoi ra moonsoi.’

UNTABAN 6:26

Gama' ru maansayan Tuhan ramuyun am manaak ramuyun ra kaansayan.

MATIUS 10:26

“Pai' no kalaa' ra ulun raginilo sabap ra atan ondo' nolopot bungkalaron am moonong ondo' inopot pasalulaan.

LUKAS 1:79

mangani' Io ra sinda ra ulun ondo' mayan ra kalandaman am malaa' ra kapatayan, am maningganai ritakau ra ralan sumuku' ra kaansayan.”

LUKAS 10:5

Ati ayuk pana baloi umpasan min, indagu kau ra, ‘Kaansayan sumoroi ra baloi ragitio.’

LUKAS 12:4

“Pabukat kau ngaangai', karaa' min, pai' kau kalaa' risilo ondo' mamatoi ra inan, kaa' malupus raginio kolondo' kuasa' mambaal ra atan ondo' malaat poyo.

LUKAS 2:14

“Koompor toojo inggalan ri Aki Kapuuno' giu' ra rasawat! Am giti ra tana', kaansayan pataakin noyo risilo ondo' mapabansuk ra guang ru Tuhan!”

JUANIS 14:1

Indagu i Jisus ra maamaya' Nano, “Pai' kau kaimamang. Pangintopot kano ri Aki Kapuuno' am pangintopot kau niayuk Raki'.

JUANIS 16:33

Ngaangai' ti pinabala' Ku ramuyun, maa' raginio makakaansayan kau sabap ra masimpung kau Raki'. Giti ra tana' ti maimbolo' kau, kaa' paikango' noyo guang min, sabap ra kinala Ku noyo tana' ti.”

JUANIS 20:19

Orou minggu' ragili niayuk ra io palunggai', maamaya'-maamaya' ri Jisus timinimung ra rondo' baloi am nagaput ilo, sabap ra nangalaa' ilo ra tingganai ru ulun ru Jaudi. Pulusat boo ri Jisus, minigor ra tatanga' nilai am indagu, “Kaansayan ramuyun.”

JUANIS 20:21

Indagu poyo i Jisus risilo, “Kaansayan ramuyun. Koson ri Ama' nanusub Raki', Aku pana manusub ramuyun.”

JUANIS 20:26

Saminggu' boo ragili, maamaya' ri Jisus timinimung poyo ra baloi i, am soroi niayuk i Tomas ra giu' i. Ngaangai' ru kulobon piniot ra kunsi', kaa' pulusat ri Jisus, minigor ra tatanga' nilai am indagu, “Kaansayan ramuyun.”

RINALATAN 10:36

Nakapandai kau noyo ra bala' ondo' pinasaboi ri Aki Kapuuno' ra bansa' ru Israil. Ginio noyo Tanou Moonsoi intor ra pabansayan ralalom inggalan ri Jisus Kristus, Tuhan ru ngaangai' ulun.

RINALATAN 18:9

Sarandaman ragili, ralalom pagilangan minindagu Tuhan ri Paulus, kono, “Pai' kalaa'! Pai' langgai' pangilaan muno,

ROMA 1:7

Ginio ra nanulis aku ra surat ti ramuyun ngaangai' ra Roma ondo' tagamin ri Aki Kapuuno' am ondo' piniau noyo masauk ra ulun Nano. Gama' ru Ama' takau i Aki Kapuuno' am i Tuhan Jisus Kristus manaak ramuyun ra barakat am pabansayan.

ROMA 15:13

Gama' ru i Aki Kapuuno', puun ru kalansanan takau, mangani' ramuyun ra kaansukan am katasuan ru guang ralalom ru pangintapatan min Riso. Maa' raginio, ralalom ru kuasa' ru Ambiluo ri Aki Kapuuno', mikang poyo kalansanan mino Riso.

ROMA 5:1

Raino itakau mobonsoi saguli' ri Aki Kapuuno' sabap ra pangintapatan takau Riso am makapabansayan noyo Riso ralalom ru Tuhan takau, i Jisus Kristus.

ROMA 5:10

Galing i mantutula' takau ri Aki Kapuuno', kaa' itakau pinobonsoi saguli' Riso mansail ra pinatayan ru Anak Nano. Raino, ra itakau rangan ri Aki Kapuuno', maaru' bayagon takau sabap ri Kristus maayag.

ROMA 8:6

Amon ru pamaguangan ondo' kinuasa' ru paliso ru ulun ayuk, baal raginio mangkinibit ra kapatayan. Kaa' pamaguangan ondo' kinuasa' ru Ambiluo ri Aki Kapuuno' magibit ra kaayagan am pabansayan.

1 KORINTUS 1:3

Gama' ru i Aki Kapuuno', Ama' takau, am i Jisus Kristus manaak ramuyun ra barakat am pabansayan.

GALATIA 1:3

Gama' ru i Aki Kapuuno', Ama' takau, am i Tuhan Jisus Kristus manaak ramuyun ra barakat am pabansayan.

GALATIA 5:22

Kaa' gitio noyo ampos amon ru ulun tingganayon ru Ambiluo ri Aki Kapuuno': montotogom ilo, maansukan, maayag ra rondo' guang ra rondo' am bokon, mataan guang, masaga' mangindangan, moonsoi guang, mampagagaya',

GALATIA 6:16

Am ulun ondo' mampagagaya' ra panusuban ragitio, gama' ru aniin ilo ri Aki Kapuuno' ra kaansayan am asi', am niayuk ra ngaangai' ulun ri Aki Kapuuno'.

PILIPI 4:7

Bagu raginio mokoondo' kau ra kaansayan intor ri Aki Kapuuno', ondo' maalur intor ra atan ondo' karaan ru ulun. Gitio noyo magalung ra guang am pangkaraan min ralalom nasimpungan min ri Jisus Kristus.

KOLOSI 1:2

Gitio posoboyon ku ra ulun ri Aki Kapuuno' ondo' masisimpung ri Kristus giu' ra bandar Kolosi. Gama' ru i Aki Kapuuno', Ama' takau, manaak ramuyun ra barakat am pabansayan.

KOLOSI 1:20

Ralalom ru inggalan ru Anak niayuk, i Aki Kapuuno' nangaru' ra ngaangai' mobonsoi saguli' Riso, ioginio atan ayuk suang ru tana' ti kapoam atan mokoondo' giu' ra suruga'. Gitio sinauk Nano ralalom pinatayan ru Anak Nano ra salip.

KOLOSI 3:15

Pobobonsoi kano ra rondo' am bokon ralalom ra pasimpungan ulun Kristian, maya' ra pabansayan ondo' tinaakan ri Kristus ramuyun, sabap ra gitio noyo pampiawan ri Aki Kapuuno' ramuyun. Kasalok kano maringkuanang.

2 TISALONIKA 1:2

Gama' ru i Aki Kapuuno', Ama' takau am i Tuhan Jisus Kristus manaak ramuyun ra barakat am pabansayan.

2 TISALONIKA 3:16

Gama' ru Tuhan noyo galama', ondo' puun ru pabansayan, masalok manaak ramuyun ra pabansayan Nano ralalom ru ngaangai' baal. Gama' ru Tuhan mabaya' ramuyun ngai'.

2 TIMOTIUS 1:7

Sabap ra pai' ru Ambiluo ri Aki Kapuuno' magibit ra guang takau malaa', kaa' sotopot no mangani' io ritakau ra kaikangan, togom am kinataan ru guang.

IBRANI 13:20

I Aki Kapuuno', ondo' puun ru pabansayan, namayag noyo saguli' ra Tuhan takau i Jisus intor ra kapatayan. I Jisus noyo koson ra Magagalung Maayo takau domba Nano. Pinatayan Nano noyo ondo' nangaru' Io ritakau ra nabantuan mantilayun.

IBRANI 7:2

Tatayaro' ri Abragam rapu' ginaau no am mopor piatus pinataak no ri Milkisidik. (Arati' ru inggalan ri Milkisidik no ra kasaa', “Raja' ru Katimpakan”. Am poyo, sabap ra io raja' ru bandar Salim, ondo' arati' no ‘pabansayan ’, ginio ra arati' karuo ru inggalan nano, “Raja' magibit ra pabansayan”.)

PINAINTALANG 1:4

Intor raki', i Juanis, posoboyon ra tulu' pasimpungan ulun Kristian giu' ra pagun ru Asia! Gama' ru aniin kau ra barakat am pabansayan ri Aki Kapuuno', ondo' soroi raino, galing i am pupus no pana. Am intor ra tulu' ambiluo ondo' soroi ra saang ru takhta Nano.

PINAINTALANG 2:10

Pai' kano kalaa' ra kaimbalaan ondo' malimanan min ra maagu no. Karaa'! Tingganai ru riwato no mangkinam ramuyun. Mangkinibit io ra kukula' intor ramuyun pasubolon ra pangaputan am mopor ngoorou buoi ru kapaganan mino. Gagaya' ayuk toojo Raki' saboi ra potoyon kau pana, am aniin takamin ra kaayagan mantilayun koson ra ampos ru kamanangan mino.

PINAINTALANG 21:8

Kaa' ulun matalou, ulun kalo boo mangintopot, ulun homoseks am lesbian ra makauyuyu' am majamol, mamamatoi, mansasawa', ulun makakapandayan malaat, sumamba ra sinungkalalaing am ngaangai' magagabau – ampos nilono giu' ra tasik ru apui ondo' naratok ra balirang mapaang, ioginio kapatayan ra kainduo.”