JUANIS 14:26 - Tanou Moonsoi Timugon

²⁶ Kaa' Ambiluo ri Aki Kapuuno', Io no Mangingindangan ondo' susubon ri Ama' ralalom ru inggalan Kuno, Io noyo mangila' ramuyun ra ngaangai' no am mampakara' ramuyun ra ngaangai' ondo' rinagu Ku noyo.

JUANIS 14:26 ပူးပေါင်းရင်းမြစ်များ

MAZMUR 51:11

Palikaro' bulos Muno intor ra tula kuno, am pusoo' noyo ngaangai' kalaatan kuno.

JISAYA 54:13

“Ngaangai' ulun muno masauk ra maamaya' Raki', lumangkaya' ilo.

JISAYA 63:10

kaa' ilo gumuor Riso am mangkinibit ra Tuhan mangiluk guang. Ginio ra Tuhan makimantula' am manggal risilo.

MATIUS 1:18

Gitio noyo tunung ru naganakan ri Jisus Kristus. Ina' nano i Maria nakapantamung ilo no ri Jusup. Kaa' kalo poyo nasimpung ilo, i Maria ti maapang intor ra kuasa' ru Ambiluo ri Aki Kapuuno'.

MATIUS 1:20

Paat ri Jusup nampaguang koson raginio naginupi io. Pulusat boo ru sangulun malaikat am indagu io ri Jusup, “O Jusup, papag ru raja' Daut, pai' no kalaa' manangandu' ri Maria ti, sabap anak nano intor ra kuasa' ru Ambiluo ri Aki Kapuuno'.

MATIUS 28:19

Ongoi kano ra ngaangai' bansa' ra titikop ru tana' ti am sauko' ilo no ra maamaya' Kuno. Riwo' ilo no ralalom inggalan ri Ama', Anak, am Ambiluo ri Aki Kapuuno'.

MATIUS 3:11

Ginio ra riwon takamin ra timug koson ra tatandu' ra akau ti timinalikur noyo intor ra tula. Kaa' Io ondo' matong ra maagu no mampariu' ramuyun ra Ambiluo ri Aki Kapuuno' am apui. Maayo kuasa' Nano ka aku, magibit ra kasut Nano pana kalo maaya' aku.

MARKUS 12:36

Alika i raja' Daut galama' minindagu ra io binalaan ru Ambiluo ri Aki Kapuuno', kono, ‘I Aki Kapuuno' minindagu ra Tuhan kuno: Panturung no ra pamiris Kutu saboi baalon Ku pantula' Muno kumuku' ngai' Rirun.’

MARKUS 13:11

Paat ra akau rokopon am ibiton ra pamisaraan, pai' kau kalaa' ra atan raguon min, sabap ra paat raginio raguon min ayuk ondo' musiti' min raguon. Ragu ondo' sabiton mino sala' ka intor ra guang min, kaa' matong intor ra Ambiluo ri Aki Kapuuno'.

LUKAS 1:15

Masauk io ra sangulun maatang maya' ra pagilangan ru Tuhan; ginio nai ra kalo makainum io ra anggur kapoam inumon ra bokon ondo' makagauk am kuasaan io ru Ambiluo ri Aki Kapuuno' intor ra io kakaanak ayuk poyo.

LUKAS 1:35

Taam malaikat no, “Matong Ambiluo ri Aki Kapuuno' rirun am kuasa' ri Aki Kapuuno' sumoroi rirun. Ginio sabap ra anak ondo' anakon muno sabiton Anak ri Aki Kapuuno' ondo' matulai.

LUKAS 1:41

Kaining ayuk ri Ilisabit ragu ri Maria ni, lalagang tininai' nali pana minimbuir. Kinuasa' i Ilisabit ru Ambiluo ri Aki Kapuuno',

LUKAS 1:67

I Jakaria, ama' ru lalagang no, kinuasa' ru Ambiluo ri Aki Kapuuno' am nampasaboi io ra pambalaan ru Tuhan. Indagu io,

LUKAS 11:13

Kula' pana laat mino, mapandai kau mangani' ra moonsoi ra anak mino. Mulu' poyo i Ama' giu' ra suruga'! Io pana mangani' ra Ambiluo Nano risilo ondo' makitaak Riso!”

LUKAS 2:25

Paat ragili giu' ra bandar Jirusalim mokoondo' sangulun ungkuyon, makainggalan ri Simion. Io sangulun motopot ondo' gumagaya' ri Aki Kapuuno' am maginaa ra pamayagan ru Israil. Kinuasa'

LUKAS 24:49

Aku galama' mangator ramuyun ondo' binantu' ri Ama' i. Kaa' musiti' kau maginaa galing ra bandar ragitio saboi mokoowot kau ra kuasa' ti intor ri Aki Kapuuno', bagu mongoi kau pampatanou.”

LUKAS 3:22

am Ambiluo ri Aki Kapuuno' koson ra baal ru susuit asang timinuun Riso. Morongog boo bolos ri Aki Kapuuno' mambala', “Okou noyo Anak Kuno ondo' tagamin Kuno, maansayan Aku Rirun.”

JUANIS 1:33

Ragili, kalo nakatutun aku osoi Io ti. Kaa' i Aki Kapuuno' ondo' nanusub raki' mampariu' ra timug no minindagu raki', kono, ‘Makito mu Ambiluo ri Aki Kapuuno' tumuun ra sangulun am sumoroi riso. Ulun raginio noyo ondo' mampariu' ramuyun ra Ambiluo ri Aki Kapuuno'.’

JUANIS 12:16

Mamaya' Nano kalo nakarati' kua baalo' no gini. Kaa' kalupus ayuk katulayan ri Jisus pinaintalang mansail ra pinatayan am linuatan Nano, kakara' nilo boo ragu ru Buuk Kitab ra ngaangai' ti binaal nilo Riso.

JUANIS 14:16

Makitaak Aku ri Ama' am mangator Io ramuyun ra Mangingindangan ra bokon, ondo' tumilayun ramuyun.

JUANIS 14:25

Ngaangai' ti rinagu Ku ra Aku lakat ayuk poyo soroi ramuyun.

JUANIS 15:26

Porotongon Ku ramuyun Mangingindangan intor ri Ama'. Io no Ambiluo ondo' mambala' ra katapatan ri Aki Kapuuno' am Io niayuk mampaintutun Raki' ramuyun.

JUANIS 16:7

Ondo' raguon Kutu ramuyun motopot: Moonsoi ra Aku mugar, amon ru kalo, Mangingindangan no kalo matong ramuyun. Kaa' amon ru mugar Aku, porotongon Ku boo Io ramuyun.

JUANIS 2:22

Ginio ra paat ri Jisus binayag saguli' intor ra kapatayan, kakara' ru maamaya' Nano ra minindagu Io no koson ragitio. Ilo pana nangintopot boo ra tinulisan ra Buuk Kitab am niayuk ondo' rinagu ri Jisus i.

JUANIS 20:22

Sampuyo' No boo ilo am indagu, “Apuo' noyo Ambiluo ri Aki Kapuuno'.

JUANIS 6:45

Tinulisan noyo ra Kitab ru Nabi-Nabi, ‘Ngaangai' ulun ilaan ri Aki Kapuuno'.’ Moonong ulun ondo' mangkirongog ri Ama' am migigila' intor Riso matong Raki'.

JUANIS 7:39

Kon Nano am Ambiluo ri Aki Kapuuno' ondo' pootoron ra osoi ayuk ondo' mangintopot Riso. Kaa' paat ragili Ambiluo ti kalo poyo pinaator sabap ra katulayan ri Jisus kalo poyo pinatalang.)

RINALATAN 1:2

saboi ra orou nangkayangan Riso mongoi ra suruga'. Io kalo poyo minugar, mabaya' ra Ambiluo ri Aki Kapuuno' nambilin Io ra rasul-rasul ondo' pinili' Nano.

RINALATAN 1:4

Paat ra ilo nantitimung, panusub Io risilo, ragu Nano, “Pai' kau ugar intor ra Jirusalim. Paginaa kau ayuk saboi i Ama' mangani' ra ondo' binantu' Nali sumugut ra nambalaan Kuli ramuyun ragili.

RINALATAN 1:8

Kaa' akau makaalap ra kuasa' paat ra Ambiluo ri Aki Kapuuno' no matong ramuyun. Masauk kau boo ra sasi' Kuno giu' ra Jirusalim, ngaangai' ra Judia, am Samaria, am saboi ra ati ayuk intok ra tana' ti.”

RINALATAN 11:16

Kakara' ku boo rinagu ru Tuhan, ‘I Juanis nampariu' ramuyun ra timug, kaa' riwon kau poyo ra Ambiluo ri Aki Kapuuno'.’

RINALATAN 13:2

Igondo' ragili, tatanga' ilo sambayang am nampali, indagu Ambiluo ri Aki Kapuuno' no risilo, “Pasuayo' min i Barnabas am i Saulus koson mangangandoi raki' ra kandoi ondo' inaru' Ku noyo risilo.”

RINALATAN 13:4

Pakapanusub ayuk Ambiluo ri Aki Kapuuno' risilo, ongoi i Barnabas am i Saulus ra Siliukia. Intor ra giu' i siminundoi ilo ra pulu' Siprus.

RINALATAN 15:28

Ambiluo ri Aki Kapuuno' nabaya' ramon nangiou ra kalo mantipagon akai ramuyun suai poyo gitio ayuk ondo' kalo mabaal min:

RINALATAN 15:8

I Aki Kapuuno' ondo' makaintutun ra guang ru ulun, nampakito ra nangapu Io noyo risilo, ra nangani' Io risilo ra Ambiluo Nano nogondo' niayuk ra ondo' tinaakan Nano ritakau i.

RINALATAN 16:6

Tungguli' boo i Paulus am i Silas pangkiralanan nilai mansail ra pagun Prigia am Galatia sabap ra Ambiluo ri Aki Kapuuno' kalo nangiou risilo mampasaboi ra tanou ri Aki Kapuuno' giu' ra Asia.

RINALATAN 2:33

Kinayang Io mongoi ra intok makakuasa' ra tampilon pamiris ri Aki Kapuuno' am niayuk nakaapu ra Ambiluo ri Aki Kapuuno' ondo' binantu' ri Ama'. Ondo' makito am morongog min raino ti am Ambiluo no ondo' pinataak ri Jisus ramon.

RINALATAN 2:4

Ilo ngaangai' kinuasa' ru Ambiluo ri Aki Kapuuno'. Tumalimpuun ilo mindagu ralalom nansalinut ragu ra bokon maya' ra atan ondo' tinaakan ru Ambiluo ri Aki Kapuuno' no risilo.

RINALATAN 20:28

Tumoojo kau am alungi' min niayuk ngaangai' ulun Kristian ondo' pinalansan ru Ambiluo ri Aki Kapuuno' no ramuyun. Alungi' min ilo toojo koson ra domba alungin toojo ru magagalung, sabap ra pinasauk ilo ri Aki Kapuuno' ra ulun Nano ralalom pinatayan ru Anak Nali galama'.

RINALATAN 20:35

Ginio ra nanulu' aku no ramuyun ra amon ru mangandoi takau koson raginio makapangindangan takau ra ulun malawo. Karaa' min ati kulaan bala' ru Tuhan Jisus ra io minindagu, ‘Moonsoi poyo mangani' intor ra makitaak.’ ”

RINALATAN 28:25

Nantutuliar am nansasangor ilo boo ra rondo' am bokon intor ra rinagu ri Paulus ragitio, kono, “Motopot toojo rinagu ru Ambiluo ri Aki Kapuuno' ra kinamatuaan mini ondo' pinabala' galing ra Nabi Jisaya, kon Nano;

RINALATAN 5:3

Indagu i Pitrus riso, “Ananias, kua polosoo' mu Tingganai ru riwato mangkinibit rirun magabau ra Ambiluo ri Aki Kapuuno', ra inalap mu santayaran ra ruit ru tana' tinalan muli?

RINALATAN 7:51

Mapara' boo kotog ru guang min! Mapara' pagon mino mangkirongog ra bala' ri Aki Kapuuno'! Nogondo' kau ra kinamatuaan mini, masalok manggal kau ra Ambiluo ri Aki Kapuuno'!

RINALATAN 7:55

Kaa' i Stipanus ondo' inikang ru Ambiluo ri Aki Kapuuno' nantingaa' ra limbowon. Kakito no boo katulayan ri Aki Kapuuno' am i Jisus minigor ra intok makakuasa' ra tampilon pamiris ri Aki Kapuuno'.

ROMA 14:17

Sabap ra amon ru mamarinta i Aki Kapuuno' ra kaayagan ru sasangulun, akanon am inumon sala' ka boo maatang. Kaa' gitio noyo ondo' maatang; gumagaya' ra kasagaan Nano, katasuan ru guang am kaansukan, ondo' ringai' no pataakin ru Ambiluo ri Aki Kapuuno'.

ROMA 15:13

Gama' ru i Aki Kapuuno', puun ru kalansanan takau, mangani' ramuyun ra kaansukan am katasuan ru guang ralalom ru pangintapatan min Riso. Maa' raginio, ralalom ru kuasa' ru Ambiluo ri Aki Kapuuno', mikang poyo kalansanan mino Riso.

ROMA 15:16

Pinili' No aku masauk ra ulipon ri Kristus Jisus koson mangindangan ra ulun sala' ka Jaudi. Mampaugar aku ra kandoi koson sangulun imam ondo' mampabala' ra Tanou Moonsoi intor ri Aki Kapuuno'. Maa' raginio, ulun sala' ka Jaudi patimpokon ri Aki Kapuuno' ru Ambiluo Nano koson rondo' taak ondo' mapabansuk Riso.

ROMA 5:5

Am kalansanan raginio kalo mangkinibit ritakau mangkaus, sabap ra nanaak noyo i Aki Kapuuno' ritakau ra Ambiluo Nano ondo' mampakito ritakau ra togom ri Aki Kapuuno'.

1 KORINTUS 12:3

Musiti' kau makapandai ra ulun ondo' kinuasa' ru Ambiluo ri Aki Kapuuno' kalo makaindagu ra, “Kaluus i Jisus!” Koson niayuk ra kolondo' sangulun pana makaindagu ra, “I Jisus noyo Tuhan!” amon ru kalo kuasaan ulun no ru Ambiluo ri Aki Kapuuno'.

1 KORINTUS 6:19

Musiti' makapandai kau ra inan mino noyo ayanan ru Ambiluo ri Aki Kapuuno', ondo' tinaakan Nano koson paayanon ra guang min. Ginio ra inan mino sala' ka akau galama' tatangan, kaa' i Aki Kapuuno'.

2 KORINTUS 6:6

Mabaya' ra guang mapasau, kapintaran, guang mataan, guang mataau, indangan ru Ambiluo ri Aki Kapuuno' am togom ra motopot, pinakito mai noyo ra akai ti ulipon ayuk ri Aki Kapuuno'.

IPISUS 1:13

Akau niayuk nasauk noyo ra ulun ri Aki Kapuuno' paat ra akau nokorongog ra tanou ondo' motopot no, ioginio Tanou Moonsoi ondo' nagibit ra pamayagan. Nangintopot kau Riso am tinatanduan kano ri Aki Kapuuno' ra inanian kau ra Ambiluo Nano ondo' binantu' no.

IPISUS 1:17

Makiasi' aku ri Aki Kapuuno', Ama' ra kolondo' pogondo', ioginio Ama' ru Tuhan takau i Jisus Kristus, maa' raginio mangani' ramuyun ra Ambiluo Nano. Io no mampasauk ramuyun mapintar am niayuk paintalangon No ramuyun osoi Io koson totopot kau makaulig Riso.

IPISUS 4:30

Pai' noyo pangiluko' Ambiluo ri Aki Kapuuno' no, sabap ra Io sumoroi ramuyun noyo tinatanduan kau ri Aki Kapuuno' ra akau ti Io no tatangan. Ambiluo raginio noyo ondo' mapakalansan ramuyun ra matong niayuk orou pampalabusan ramuyun ri Aki Kapuuno'.

1 TISALONIKA 4:8

Ginio nai ra osoi ayuk kalo mangapu ra pangilaan ti, sala' ka ulun ayuk ondo' kalo apuon nati, kaa' i Aki Kapuuno' galama', ondo' mangani' ra Ambiluo Nano ramuyun.

2 TIMOTIUS 1:14

Mabaya' ra indangan ru Ambiluo ri Aki Kapuuno' ondo' maayag ra ralalom takau, rayuso' noyo toojo kandoi moonsoi ondo' pinalansan rirun.

TITUS 3:5

namayag Io ritakau. Ginio pai' ru intor ra binaal takau ra moonsoi, kaa' intor ra asi' Nano galama'. Mamayag i Aki Kapuuno' ritakau mansail ra Ambiluo Nano, bagu inanak takau saguli' am inanian No itakau ra kaayagan bagu mansail ra pampariwan.

IBRANI 10:15

Ambiluo ri Aki Kapuuno' niayuk mangani' ritakau ra kaintutunan, ragu Nano:

IBRANI 2:4

Am i Aki Kapuuno' nampaikang poyo ra kaintutunan ru ulun-ulun pinaaya' ra nansalinut tatandu', kaimuagan am baal makakuasa' am mansail poyo pantayaran ra taak ru Ambiluo ri Aki Kapuuno' maya' ra kasagaan Nano galama'.

IBRANI 3:7

Sabap raginio, koson ra bala' ru Ambiluo ri Aki Kapuuno', kon Nano: “Amon ru orou raiti' makaining kau ra bolos ri Aki Kapuuno',

IBRANI 9:8

Intor raginio, Ambiluo ri Aki Kapuuno' mambala' ritakau ra umpasan mongoi ra Intok Matulai Kaga' ti kalo poyo maukab, paat ra lakat ayuk poyo soroi lamin ra saang ru kim no.

1 PITRUS 1:12

Pinaintalang noyo ra nabi-nabi ra atan ondo' kinandoi nilai i, sala' ka kaatangan nilo galama' ayuk, kaa' sotopot no akau. Am ondo' pinabala' nilo ragili, mogondo' niayuk ra atan ondo' pinabala' toojo ramuyun ra raino ti ru ilo ondo' mampasaboi ra Tanou Moonsoi intor ri Jisus Kristus. Kandoi nilo ragitio mansail ra kuasa' ru Ambiluo ri Aki Kapuuno' ondo' inataran intor ra suruga'. Am malaikat-malaikat pana mompogogot niayuk toojo mintutun ra baal-baal ragitio.

2 PITRUS 1:21

Kaa' kalo noyo igondo' bala' ri Aki Kapuuno' pinasaboi maya' ra kasagaan ru guang ru ulun ayuk. Kaa' Ambiluo ri Aki Kapuuno' noyo ondo' nanguasa' ra ulun paat ra ilo nampasaboi ra bala' intor ri Aki Kapuuno' ragili.

1 JUANIS 2:20

Kaa' nakaapu kano ra Ambiluo ri Aki Kapuuno' ondo' pinataak ri Jisus Kristus. Ginio sabap ra akau nakaulig toojo ra pangilaan ri Aki Kapuuno' ondo' motopot.

1 JUANIS 2:27

Kaa' akau galama', inanian noyo ri Jisus Kristus ra Ambiluo Nali. Am buoi ru Ambiluo no soroi ramuyun, kalo pana ilaan kau ru ulun. Ambiluo no mangila' ramuyun ra atan-atan ayuk am pangilaan Nano motopot, sala' ka magabau. Ginio boo ra akau musiti' gumagaya' ra pangilaan ru Ambiluo no, am maayag kau sumimpung ri Jisus Kristus.

1 JUANIS 5:7

Mokoondo' talu kaintutunan: Ambiluo ri Aki Kapuuno', timug am raraa'. Kaintutunan ru katalu-talu ragitio rondo' ayuk.

JUDAS 1:20

Kaa' koson ramuyun, pabukat kau ngai', kaikango' ayuk pangintapatan mino ri Jisus Kristus, ondo' gitio noyo rondo'-rondo' ayuk matulai. Pakiasi' kano ralalom kuasa' ru Ambiluo ri Aki Kapuuno'.

PINAINTALANG 2:11

“Rongogo' am karaa' noyo atan kon ru Ambiluo ri Aki Kapuuno' ra pasimpungan ulun Kristian no! “Osoi ayuk mangala ra kuasa' ru kalaatan kalo makaliman ra kapatayan karuo.”