JUANIS 14:16 - Tanou Moonsoi Timugon

¹⁶ Makitaak Aku ri Ama' am mangator Io ramuyun ra Mangingindangan ra bokon, ondo' tumilayun ramuyun.

JUANIS 14:16 ပူးပေါင်းရင်းမြစ်များ

MATIUS 28:20

Ilaa' ilo ti mampagagaya' ra atan ondo' panusuban Kuli. Karaa' noyo, soroi Aku mabaya' ramuyun saboi ra orou pupus ru tana' ti.”

JUANIS 14:14

Amon ru makitaak kau ra atan ayuk ralalom ru inggalan Kuno, baalon Ku.”

JUANIS 14:18

Kalo manatang Aku ramuyun koson ra anak napatayan ra matuo. Kaa' sumaguli' Aku po ramuyun.

JUANIS 14:26

Kaa' Ambiluo ri Aki Kapuuno', Io no Mangingindangan ondo' susubon ri Ama' ralalom ru inggalan Kuno, Io noyo mangila' ramuyun ra ngaangai' no am mampakara' ramuyun ra ngaangai' ondo' rinagu Ku noyo.

JUANIS 15:26

Porotongon Ku ramuyun Mangingindangan intor ri Ama'. Io no Ambiluo ondo' mambala' ra katapatan ri Aki Kapuuno' am Io niayuk mampaintutun Raki' ramuyun.

JUANIS 16:22

Mogondo' niayuk ramuyun; raino mangiluk guang min. Kaa' makapantuum takau saguli', am maansukan kau boo toojo; am kaansukan mino kalo malanggaan ru osoi ayuk pana.

JUANIS 17:15

Kalo kitaakon Ku Rirun maa' raginio ilo paingkualon intor ra tana' ti, kaa' alungin Mu ilo intor ri Malaat no.

JUANIS 17:20

“Sala' ka ilo ti ayuk kiasiin Kuno, kaa' niayuk koson ra ngaangai' ulun ondo' mangintopot Raki' ralalom ru kaintutunan nilo ti pana.

JUANIS 4:14

kaa' osoi ayuk manginum ra timug ondo' taakin Kuno, ulun no kalo igondo' boo paason. Sabap ra timug ondo' taakin Kuno koson ra taur bubuluak ondo' mangani' ra kaayagan motopot am mantilayun.”

JUANIS 7:39

Kon Nano am Ambiluo ri Aki Kapuuno' ondo' pootoron ra osoi ayuk ondo' mangintopot Riso. Kaa' paat ragili Ambiluo ti kalo poyo pinaator sabap ra katulayan ri Jisus kalo poyo pinatalang.)

RINALATAN 1:4

Paat ra ilo nantitimung, panusub Io risilo, ragu Nano, “Pai' kau ugar intor ra Jirusalim. Paginaa kau ayuk saboi i Ama' mangani' ra ondo' binantu' Nali sumugut ra nambalaan Kuli ramuyun ragili.

RINALATAN 13:52

Kaa' naansukan niayuk ulun mangintopot ri Jisus giu' ra Antiokia, am ilo kinuasa' ru Ambiluo ri Aki Kapuuno'.

RINALATAN 9:31

Intor raginio ngaangai' pasimpungan ulun Kristian ra Judia, Galilia am Samaria kolondo' boo kapaganan. Nangurumat ilo ri Aki Kapuuno' am nabaya' ra indangan ru Ambiluo ri Aki Kapuuno' siminuang am maikang pangintapatan nilo.

ROMA 14:17

Sabap ra amon ru mamarinta i Aki Kapuuno' ra kaayagan ru sasangulun, akanon am inumon sala' ka boo maatang. Kaa' gitio noyo ondo' maatang; gumagaya' ra kasagaan Nano, katasuan ru guang am kaansukan, ondo' ringai' no pataakin ru Ambiluo ri Aki Kapuuno'.

ROMA 15:13

Gama' ru i Aki Kapuuno', puun ru kalansanan takau, mangani' ramuyun ra kaansukan am katasuan ru guang ralalom ru pangintapatan min Riso. Maa' raginio, ralalom ru kuasa' ru Ambiluo ri Aki Kapuuno', mikang poyo kalansanan mino Riso.

ROMA 5:5

Am kalansanan raginio kalo mangkinibit ritakau mangkaus, sabap ra nanaak noyo i Aki Kapuuno' ritakau ra Ambiluo Nano ondo' mampakito ritakau ra togom ri Aki Kapuuno'.

ROMA 8:34

Osoi kia mokopononsol ritakau? Maaru' kolondo'! I Kristus Jisus noyo ondo' minatoi, binayag saguli' am soroi ra pamiris ri Aki Kapuuno': Io no manaung ritakau.

GALATIA 5:22

Kaa' gitio noyo ampos amon ru ulun tingganayon ru Ambiluo ri Aki Kapuuno': montotogom ilo, maansukan, maayag ra rondo' guang ra rondo' am bokon, mataan guang, masaga' mangindangan, moonsoi guang, mampagagaya',

PILIPI 2:1

Ralalom ru kaayagan min sumimpung ri Kristus mokoondo' kano ra kaikangan. Makaansuk guang mino sabap ra tinagaman kau ri Kristus. Indanganon kau ru Ambiluo ri Aki Kapuuno' am montotogom kau ra bokon am niayuk makaasi' kau ra rondo' am bokon.

2 TISALONIKA 2:16

Gama' ru Tuhan takau, i Jisus Kristus galama', am i Aki Kapuuno', Ama' takau, ondo' nonogom ritakau am ondo' ralalom ru kataawan Nano nangani' ritakau ra guang mataan am ra kalansanan moonsoi,

IBRANI 7:25

Intor raginio makapamayag Io ra mantilayun ra ulun ondo' matong ri Aki Kapuuno' mumbaya' Riso, sabap ra maayag Io ra mantilayun koson makitaak ri Aki Kapuuno' mangindangan risilo.

1 JUANIS 2:1

Pabukat kau ngaangai'! Tulisin takamin ragitio, maa' raginio kalo boo mambaal kau ra tula. Kaa' amon ru mokoondo' poyo mambaal ra tula, mokoondo' mangingindangan ritakau, ioginio i Jisus Kristus ondo' motopot. I Jisus Kristus mangindangan ritakau makiasi' ri Aki Kapuuno'.

1 JUANIS 2:27

Kaa' akau galama', inanian noyo ri Jisus Kristus ra Ambiluo Nali. Am buoi ru Ambiluo no soroi ramuyun, kalo pana ilaan kau ru ulun. Ambiluo no mangila' ramuyun ra atan-atan ayuk am pangilaan Nano motopot, sala' ka magabau. Ginio boo ra akau musiti' gumagaya' ra pangilaan ru Ambiluo no, am maayag kau sumimpung ri Jisus Kristus.

2 JUANIS 1:2

Katapatan minayan ralalom ru guang takau am tumilayun io sumimpung ritakau ra sabuoi-buoi no.