JUANIS 14:13 - Tanou Moonsoi Timugon

¹³ Ginio ra atan ayuk kitaakon min ralalom inggalan Kuno, baalon Ku. Maa' raginio i Aki Kapuuno' katulayon ralalom ru Anak Nano.

JUANIS 14:13 ပူးပေါင်းရင်းမြစ်များ

MATIUS 21:22

Amon ru mangintopot kau Raki', atan ayuk kitaakon min ra akau makiasi', makaalap kau.”

MATIUS 7:7

“Pakitaak kano am aniin kau. Paguyum kano am makatuum kau. Titiko' min kulobon no am ukabin kau.

MARKUS 11:24

Ginio ra karaa' min gitio: Paat ra akau makiasi' ri Aki Kapuuno' am makitaak ra atan ayuk, pangintopot kano ra naapu min noyo kitaakon mini, am maaru' aniin kau.

LUKAS 11:9

Ginio ra mambala' Aku ramuyun: Pakitaak kano am aniin kau; paguyum kano am makaalap kau; titiko' min kulobon no am ukabin kau.

JUANIS 10:30

Aku am i Ama' no rondo' ayuk.”

JUANIS 12:44

Bagu kosongowo' ri Jisus ragu Nali, kon No, “Osoi ayuk mangintopot Raki', sala' ka Aku ayuk inintopot no, kaa' Io ondo' nanusub Raki' pana.

JUANIS 13:31

Pakaugar i Judas, indagu i Jisus, “Raino noyo Anak ru Ulun katulayon; am raino niayuk i Aki Kapuuno' katulayon ralalom Riso.

JUANIS 14:14

Amon ru makitaak kau ra atan ayuk ralalom ru inggalan Kuno, baalon Ku.”

JUANIS 14:6

Taam i Jisus riso, “Aku noyo ralan, katapatan am kaayagan. Kolondo' sangulun pana mokoongoi ri Ama', amon ru kalo mansail io Raki'.

JUANIS 15:16

Pai' ru akau nampili' Raki', kaa' Aku noyo nampili' ramuyun am inaru' takamin mongoi ra ati-ati ayuk am manangkawa' ra maawas, am kawa' mino tumilayun. Atan ayuk kitaakon min ralalom ru inggalan Kuno, aniin kau ri Ama'.

JUANIS 15:7

Amon ru rumondon kau Raki' am ragu Ku rumondon ra guang min, pakitaak kau ri Ama' ra atan ak kasagaan min am aniin kau.

JUANIS 16:23

Orou raginio, kalo boo mangkuot kau Raki' ra atan ayuk pana. Balain takamin toojo: Aniin kau ri Ama' ra atan ayuk kitaakon min ralalom ru inggalan Kuno.

JUANIS 16:26

Orou raginio, akau galama' makitaak Riso ralalom ru inggalan Kuno; am kalo pana boo makitaak Aku Riso koson akau,

JUANIS 16:7

Ondo' raguon Kutu ramuyun motopot: Moonsoi ra Aku mugar, amon ru kalo, Mangingindangan no kalo matong ramuyun. Kaa' amon ru mugar Aku, porotongon Ku boo Io ramuyun.

JUANIS 4:10

Taam i Jisus, “Amon ru nakapandai kou ra taak ri Aki Kapuuno' am osoi makitaak rirun ra inumon, maaru' makitaak kou po Riso am mangani' Io rirun ra timug ondo' mampakaayag.”

JUANIS 4:14

kaa' osoi ayuk manginum ra timug ondo' taakin Kuno, ulun no kalo igondo' boo paason. Sabap ra timug ondo' taakin Kuno koson ra taur bubuluak ondo' mangani' ra kaayagan motopot am mantilayun.”

JUANIS 5:19

Taam i Jisus risilo, “Balain takamin toojo: Kalo makapambaal Anak ra atan ayuk pana intor ra kuasa' Nano galama'. Atan ondo' makito Nano baalon ru Ama', ginio ayuk baalon Nano. Sabap ra ondo' baalon ru Ama', nogondo' niayuk ra baalon ru Anak.

JUANIS 7:37

Paat ra orou kaampusan ru pangiantakan i, ioginio orou maatang toojo, bigor i Jisus am indagu ra mosongou, “Osoi ayuk paason, polosoo' io no matong Raki' am manginum.

1 KORINTUS 14:13

Sabap raginio nai, ulun ondo' inanian ra kapandayan mindagu ra ragu imuagan, moonsoi makitaak io ri Aki Kapuuno' ra kapandayan mambala' ra arati' ru ragu raginio.

IPISUS 2:18

Sabap ra binaal ri Kristus am ru Ambiluo ri Aki Kapuuno' ulun ru Jaudi am sala' ka Jaudi niayuk makasamba ri Ama'.

IPISUS 3:12

Sabap ra pasimpungan am pangintapatan takau ri Kristus makakau' takau minggaar ri Aki Kapuuno' am intopoton noyo ra itakau rongogon No.

IPISUS 3:14

Ginio ra aku migulatur, koson makiasi' ri Ama'.

PILIPI 4:13

Am ngaangai' maalap ku kabaal ralalom ri Kristus ondo' mangani' raki' ra kaikangan.

KOLOSI 3:17

Ngaangai' ondo' baalon am raguon min sauko' no ralalom inggalan ru Tuhan Jisus ayuk. Paringkuanang kano ri Aki Kapuuno', Ama' takau ra atan ondo' binaal ri Jisus Kristus ramuyun.

IBRANI 13:15

Ginio ra ralalom inggalan ri Jisus, kasalok takano pongompor ri Aki Kapuuno'; gitio noyo koson ra taak simbalui koson paringkuanangan ondo' mangiou ra Io no Tuhan takau.

IBRANI 4:15

Sabap ra Tingganai Maayo Imam takano sala' ka sangulun ondo' kalo nakaliman ra paliso takau, kaa' sotopot no kininaman Io ralalom ngaangai' baal koson ritakau, kaa' kalo makatula Io.

IBRANI 7:25

Intor raginio makapamayag Io ra mantilayun ra ulun ondo' matong ri Aki Kapuuno' mumbaya' Riso, sabap ra maayag Io ra mantilayun koson makitaak ri Aki Kapuuno' mangindangan risilo.

JAKUBUS 1:5

Amon ru mokoondo' intor ramuyun no kalo mapintar, moonsoi ru makiasi' io ayuk ri Aki Kapuuno', maa' raginio aniin io ra kapintaran; sabap ri Aki Kapuuno' ti noyo manaak ra osoi ayuk ulun mabaya' ra asi' am kinataau ru guang Nano.

JAKUBUS 5:16

Sabap raginio, pabalaa' noyo ra rondo' am bokon tula ra binaal min am pakiasi' noyo ra Tuhan ra rondo' am bokon, maa' raginio maalap kau kababas. Pakiasian ru sangulun motopot, maayo kaga' kuasa' nano.

1 PITRUS 2:5

Akau pana mogondo' ra batu naayag. Ginio ra polosoo' noyo kaayagan min alapon ru Ambiluo ri Aki Kapuuno' mambaal ra Baloi Tuhan. Bagu masauk kau koson ra imam Nano ondo' mapasau, am sabap ri Jisus Kristus makapangani' kau ri Aki Kapuuno' ra taak ondo' iowon Nano, maya' ra indangan ru Ambiluo Nano.

1 JUANIS 3:22

Am atan ayuk kitaakon takau intor Riso makaapu takau, sabap ra gumagaya' takau ra susuban Nano am mambaal niayuk ra kaansukan ru guang Nano.

1 JUANIS 5:14

Makakau' takau muma' ri Aki Kapuuno', sabap ra mangintopot takau ra rongogon No pakiasian takau amon ru makiasi' maya' ra kasagaan Nano.