JUANIS 14:1 - Tanou Moonsoi Timugon

¹ Indagu i Jisus ra maamaya' Nano, “Pai' kau kaimamang. Pangintopot kano ri Aki Kapuuno' am pangintopot kau niayuk Raki'.

JUANIS 14:1 ပူးပေါင်းရင်းမြစ်များ

MAZMUR 43:5

Kua kia pangiluk guang kuno? Kua kia pagalabo aku? Malansan aku ri Aki Kapuuno', am igondo' poyo aku mongompor Riso, i Aki Kapuuno' kuno am mamamayag raki'.

MAZMUR 77:10

Nalilianan kia ri Aki Kapuuno' makaasi' ritakau? Siminangit Io kia, saboi kalo boo makaasi'?”

JISAYA 26:3

Okou, Tuhan, mangani' ra pababansayan am kaansukan ra ulun ondo' maikang guang, sabap ra mangintopot ilo Rirun.

JIRIMIA 8:18

Guang kutu mangiluk am mapari', kangilukan kuno kalo maalap kapali'.

JUANIS 11:33

Paat ri Jisus nakakito riso nantangi', am niayuk ulun-ulun ru Jaudi ondo' nababaya' riso i nantatangi', mangiluk toojo guang Nali am makaasi' Io.

JUANIS 12:27

“Maimamang Aku raino. Atan nua' raguon Kutu? Raguon Ku kia, ‘Ama', pai' Aku paintumaa' ragitio’? Kalo, gitio ra aku minatong, koson makaili' aku ra kaimbalaan ti.

JUANIS 12:44

Bagu kosongowo' ri Jisus ragu Nali, kon No, “Osoi ayuk mangintopot Raki', sala' ka Aku ayuk inintopot no, kaa' Io ondo' nanusub Raki' pana.

JUANIS 13:19

Balain takamin raino ra kalo poyo masugut baal ragitio, maa' raginio ra io masauk ra maagu no, mangintopot kau ra ‘Aku noyo AKU’.

JUANIS 16:24

Saboi raino ti kolondo' poyo kinitaak min ralalom ru inggalan Kuno. Pakitaak kano am moowot min, maa' raginio maansukan kau toojo.”

JUANIS 16:3

Ginio baalon nilo ramuyun sabap ra kalo nakaulig ilo ra Ama' Kuno kapoam Aku galama'.

JUANIS 16:6

Raino mangiluk guang min sabap ra binalaan takamin noyo.

JUANIS 5:23

Ginio sinauk No koson ngaangai' ulun mangurumat ra Anak nogondo' ra ilo mangurumat ra Ama'. Osoi ayuk kalo mangurumat ra Anak, kalo niayuk mangurumat ra Ama' ondo' nanusub Riso.

JUANIS 6:40

Sabap ra gitio noyo kasagaan ri Ama': moonong ulun ondo' makaulig ra Anak Nano am mangintopot Riso, mokoowot ra kaayagan motopot am mantilayun am mampakaayag Aku risilo paat ra Orou Pupus.”

2 KORINTUS 2:7

Raino akau musiti' mangampun riso am paikango' min io, maa' raginio kalo mangiluk guang no suku' mairu' kalansanan nano.

IPISUS 1:15

Sabap raginio, intor aku nakaining ra ati kulaan pangintapatan min ra Tuhan Jisus, am niayuk ra togom min ra ngaangai' ulun ri Aki Kapuuno',

2 TISALONIKA 2:2

Pai' kano kataki' kalingou kapoam magalabo sabap ra nakaining kau ra nasuku' kon noyo Orou ratangan ru Tuhan Jisus. Mokoondo' lair mindagu, ginio sinabit mai paat ra kinuasa' akai ru Ambiluo ri Aki Kapuuno', kapoam ralalom pangilaan kapoam tinulisan mai.

1 PITRUS 1:21

Mansail Riso ti noyo makapangintopot kau ri Aki Kapuuno'. Io no ondo' namayag saguli' ri Kristus intor ra kapatayan am nangurumat boo Riso. Ginio ri Aki Kapuuno' ti boo puun ru pangintapatan am kalansanan min.