JUANIS 13:19 - Tanou Moonsoi Timugon

¹⁹ Balain takamin raino ra kalo poyo masugut baal ragitio, maa' raginio ra io masauk ra maagu no, mangintopot kau ra ‘Aku noyo AKU’.

JUANIS 13:19 ပူးပေါင်းရင်းမြစ်များ

JISAYA 41:23

Panala' noyo ra baal-baal ondo' masauk ra maagu no, maa' raginio makapandai akai ra akau no topot-topot matulai! Baalo' min atan ondo' moonsoi, kapoam atan ondo' malaat; maa' raginio mangimuag akai am malaa'!

JISAYA 43:10

“Akau ulun ru Israil, akau noyo sasi' Kuno; pinili' Takamin masauk ra ulipon Kuno maa' raginio mauligan min Aku am niayuk mangintopot kau Raki', am mangarati' kau ra Aku noyo rondo'-rondo' ayuk i Aki Kapuuno'. Suai intor Raki', kolondo' tuhan-tuhan ra bokon; intor poyo ra galing i, kapoam orou ra matong.

JISAYA 48:5

Ginio ra intor ra galing i Aku minindagu intor ra orou matong mino, pabalaan Ku baal ondo' kalo poyo nasauk; maa' raginio kalo makaindagu kau ra baal raginio binaal ru sinungkalalaing sambaan mino.

MALIAKI 3:1

Tumaam Tuhan Ondo' Maayo Kaga' Kuasa', “Atarin Ku ulun sinusub Kuno koson manampos ra ralan Kuno. Pulusat ru Tuhan ondo' uyumon min, matong ra Baloi ru Tuhan. Ulun sinusub Kuno ondo' inaanin min matong am mampatanou ra nabantuan Kuno.”

MATIUS 11:3

Konilo, “Tuan, balai' akai no, Okou kia kon ri Juanis, Io ondo' matong no, kapoam maginaa kia poyo ra ulun ra bokon?”

MATIUS 24:25

Rongogo' min! Nakaindagu Aku noyo ramuyun paat ra kalo poyo nasuku' baal ti.

LUKAS 21:13

Paat raginio boo kaluagan min mampabala' risilo ra Tanou Moonsoi no.

JUANIS 1:15

Kosongowo' ri Juanis nampaintutun Riso, kono, “Io no kon kuli ra, ‘Tumauli Io raki' kaa' maatang Io toojo intor raki', sabap ra soroi Io noyo ra aku kalo poyo inanak.’ ”

JUANIS 14:29

Pabalaan Ku ginio ramuyun raino ra kalo poyo masauk ngaangai' no, maa' raginio ra io masauk, mangintopot kau Raki'.

JUANIS 16:4

Kaa' mambala' Aku ramuyun raino, maa' raginio ra io masauk, makara' min ra binalaan takamin noyo kalalair.” “Kalo binalaan takamin raginio intor ra talimpuun i, sabap ra lakat Aku ayuk poyo nabaya' ramuyun.

JUANIS 4:26

Taam i Jisus, “Aku no kon muni, ondo' makimansunur rirun ti.”

JUANIS 8:28

Indagu i Jisus risilo, “Makainsawat min Anak ru Ulun no, bagu matutunan min ra ‘Aku noyo AKU’. Aku pana kalo boo makapambaal ra atan ayuk pana sumugut ra kasagaan Kuno galama', kaa' paraguon Kuno ayuk ondo' nangilaan ri Ama' Raki'.

JUANIS 8:58

Kon ri Jisus, “Balain takamin toojo: Ra kalo poyo inanak i Abragam, ‘Soroi Aku no’.”