JUANIS 13:17 - Tanou Moonsoi Timugon

¹⁷ Amon ru makapandai kau raginio, mulu' poyo bansuk min amon ru suguton min.

JUANIS 13:17 ပူးပေါင်းရင်းမြစ်များ

KASAUKAN 6:22

Binaal ngaangai' ri Nuu ondo' nanusuban ri Aki Kapuuno' riso.

MAZMUR 19:11

Sonor ru pampaguangan ru Tuhan mologo poyo intor ra mas kopoyo, am matamis poyo intor ra ruu' ru maningot.

KAINGKUALAN 40:16

Baalo' ngaangai' no ri Musa koson ra nanusuban ru Tuhan riso.

AMSAL 29:18

Bansa' ra kolondo' indangan ri Aki Kapuuno' masauk ra bansa' kumuliasou-asou. Pakaansuk noyo ulun ondo' gumagaya' ru ukum ri Aki Kapuuno'.

JIRIMIA 11:6

Tuhan pana mindagu boo raki', “Ongoi no ra bandar-bandar giu' ra Jiuda am giu' ra ralan-ralan ru Jirusalim. Potonowo' noyo tanou Kutu ra ulun ra giu' no am susubo' ilo rumongog am gumagaya' ra ragu-ragu ru nabantuan no.

YEHEZKIEL 36:27

Pasasaron Ku Ambiluo Kuno ralalom ru guang mino maa' raginio sumugut kau ra ukum Kuno am gumagaya' ra ngaangai' susuban ondo' tinaakan Ku noyo ramuyun.

MATIUS 12:50

Osoi ayuk mampagagaya' ra kasagaan ri Ama' Kuno giu' ra suruga', ulun ragitio noyo pabukat Kuno ra ungkuyon, pabukat Kuno ra ruandu' am ina' Kuno.”

LUKAS 11:28

Kaa' taam i Jisus, “Sotopot no, pakaansuk noyo ilo ondo' mangkirongog ra ragu ri Aki Kapuuno' am gumagaya'!”

JUANIS 15:14

Amon ru gumagaya' kau ra panusuban Kuno, akau no rangan Kuno.

ROMA 2:13

Sala' ka ilo ondo' mangkirongog ayuk ra Ukum ri Musa no mobonsoi saguli' ri Aki Kapuuno', kaa' ilo ondo' mambaal no.

GALATIA 5:6

Paat ra itakau sumimpung ri Kristus, baal ra sunatin kia kapoam kalo, ginio kalo boo maatang. Ondo' maatang toojo, ioginio mangintopot ri Kristus, ondo' makito intor ra motogom takau ra rondo' am bokon.

JAKUBUS 1:25

Ukum ri Aki Kapuuno' motopot am poyo makakuasa' mampalabus ra ulun. Am ulun ondo' masalok migigila' am manginsugut toojo ra ukum Nano, arati' no, sala' ka mangkirongog ayuk am lilianin boo, io no barakaton ri Aki Kapuuno' ralalom ru ngaangai' ondo' baalon nano.

JAKUBUS 4:17

Intor raginio, ulun ondo' nakapandai ra ati rondo' moonsoi baalon no, kaa' kalo niayuk suguton no baalo', ginio karaan ra makatula io.

PINAINTALANG 22:14

Pakaansuk noyo ilo ondo' mampupu' ra sukub nilono suku' mapasau, bagu no makaakan ilo ra kawa' intor ra puun ru mampakaayag am maya' ra umpasan sumubol ra bandar no.