JUANIS 13:13 - Tanou Moonsoi Timugon

¹³ Mampiau kau Raki' ra Mangingila' am Tuhan. Motopot noyo pampiawan mino, sabap ra Aku no Mangingila' am Tuhan.

JUANIS 13:13 ပူးပေါင်းရင်းမြစ်များ

JIRIMIA 1:12

Indagu Tuhan, “Motopot. Tatanga' Aku manutun maa' raginio ngaangai' ondo' raguon Kuno masauk toojo.”

MATIUS 20:28

Koson niayuk ra Anak ru Ulun minatong sala' ka makiindangan, kaa' mangindangan, am mampataak ra painawo Nano am mamayag ra masuang ulun.”

LUKAS 10:28

Indagu i Jisus riso, “Motopot taam muno. Baalo' noyo ginio, am maayag kou.”

LUKAS 6:46

“Kua piawo' min Aku ra, ‘Tuhan, Tuhan,’ kaa' kalo gagayaan min panusuban Kuno ramuyun?

LUKAS 7:43

Taam i Simon, “Guang ku ulun ondo' masuang toojo pinuso ra ira' i!” Taam i Jisus, “Motopot ragu muni.”

JUANIS 11:28

Karagu ri Marta gini, ongoyo' no sinoko' piawo' pongkotob nano i Maria. Kon ri Marta riso, “Sumuku' noyo Mangingila' am mompoongoi Io rirun.”

JUANIS 11:3

Magaka' ra ruandu' ti nampasaboi ra bilin ri Jisus ra; “Tuhan, rangan ra tagamin Muno marualan.”

1 KORINTUS 12:3

Musiti' kau makapandai ra ulun ondo' kinuasa' ru Ambiluo ri Aki Kapuuno' kalo makaindagu ra, “Kaluus i Jisus!” Koson niayuk ra kolondo' sangulun pana makaindagu ra, “I Jisus noyo Tuhan!” amon ru kalo kuasaan ulun no ru Ambiluo ri Aki Kapuuno'.

1 KORINTUS 8:6

kaa' itakau mangintopot ra rondo' ayuk i Aki Kapuuno', i Ama' ondo' namangun ra ngaangai' no, am intor Riso itakau naayag. Am niayuk rondo' ayuk Tuhan takau, ioginio i Jisus Kristus. Ralalom inggalan Nano noyo ngaangai' no nasauk am intor Riso niayuk itakau naayag.

IPISUS 6:9

Tuan kau ngai', akau pana musiti' mampakito ra paliso matanda' ra ulipon mino. Karaa' min ra akau am ulipon mino mokoondo' sangulun Tuhan giu' ra suruga', am Io kalo mampili' ra ulun.

PILIPI 2:11

Am ngaangai' nilo pana mangiou ra i Jisus Kristus noyo Tuhan; Intor raginio katulayon boo i Aki Kapuuno', Ama' takau.

PILIPI 3:8

Am sala' ka ginio ayuk. Kaa' sotopot no ngaangai' karaan ku koson ra kolondo' boo onong sabap ra kalo noyo mokopogondo' ra ati kulaan kinologo ru intutun kuno koson ri Kristus, Tuhan kuno. Ngaangai' no tinatang ku noyo sabap ra Io, am karaan ku ginio koson ra ginsamol ayuk, maa' raginio mulu' piboo aku makaintutun ri Kristus am makasimpung Riso.

JAKUBUS 2:19

Mangintopot kou no alia ra rondo' ayuk i Aki Kapuuno'. Motopot! Riwato-riwato pana mangintopot ragitio am malaa' ilo Riso, suku' ra monontol.