JUANIS 12:49 - Tanou Moonsoi Timugon

⁴⁹ Sabap ra kalo minindagu Aku sumugut ra kuasa' Kuno galama', kaa' i Ama', ondo' nanusub Raki', nambala' ra atan ondo' raguon am posoboyon Kuno.

JUANIS 12:49 ပူးပေါင်းရင်းမြစ်များ

JUANIS 14:10

Pilipus, kalo kia mangintopot kou ra Aku ti masimpung ri Ama', am i Ama' pana masimpung Raki'? Atan ondo' rinagu Kuno ramuyun, sala' ka intor Raki' galama', kaa' i Ama' ondo' masimpung Raki', Io galama' mampasauk ra ngaangai' raginio.

JUANIS 14:24

Osoi ayuk kalo motogom Raki', kalo sumugut io ra ragu Kuno. Ragu ondo' norongog min ti, sala' ka intor Raki' kaa' intor ri Ama' ondo' nanusub Raki'.

JUANIS 14:31

Kaa' suguton Ku ngaangai' nanusuban ri Ama', maa' raginio ulun ru tana' ti makapandai ra motogom Aku ri Ama'. Ibok am iruani' takano intok ti.”

JUANIS 15:15

Kalo boo sabiton takamin ra ulipon, sabap ra ulipon kalo makapandai ra ngaangai' ondo' baalon ru tuan nano. Kaa' sabiton takamin ra rangan Kuno, sabap ra ngaangai' ondo' norongog Kuno intor ri Ama', pinabala' Ku noyo ramuyun.

JUANIS 17:8

Pinasaboi Ku noyo risilo nangilaan Muli Raki' am inapu nilo. Nakapandai ilo no ra totopot Aku minatong intor Rirun am mangintopot ilo poyo ra Okou no nanusub Raki'.

JUANIS 3:11

Balain tokou toojo: Akai ti mampaintutun ramuyun ra atan napandayan am nakito mai, kaa' marara' kau mangapu.

JUANIS 3:32

Mampaintutun Io ra norongog am nakito Nali, kaa' kolondo' sangulun pana mangintopot ra kaintutunan Nali.

JUANIS 5:19

Taam i Jisus risilo, “Balain takamin toojo: Kalo makapambaal Anak ra atan ayuk pana intor ra kuasa' Nano galama'. Atan ondo' makito Nano baalon ru Ama', ginio ayuk baalon Nano. Sabap ra ondo' baalon ru Ama', nogondo' niayuk ra baalon ru Anak.

JUANIS 5:30

“Kalo makapambaal Aku ra atan ayuk pana maya' ra kuasa' Kuno galama'. Kaa' mangakim Aku ra ulun sumugut ra nambalaan ri Ama' Raki'. Matimpok toojo pangakiman Kutu, sabap ra kalo maguyum Aku ra kasagaan galama', kaa' kasagaan Nali ondo' nanusub Raki' i ayuk.

JUANIS 6:68

Taam i Simon Pitrus Riso, “Tuhan, osoi poyo angayan mai? Ragu Muno mangani' ra kaayagan motopot am mantilayun.

JUANIS 7:16

Taam i Jisus, “Pangilaan Kutu sala' ka intor Raki', kaa' intor ri Aki Kapuuno' ondo' nanusub Raki'.

JUANIS 8:26

Masuang baal mino ondo' akimin Kuno. Kaa' Io ondo' nanusub Raki' i motopot, am mambala' Aku ra ulun ru tana' ti maya' ra atan ondo' morongog Kuno intor Riso.”

JUANIS 8:28

Indagu i Jisus risilo, “Makainsawat min Anak ru Ulun no, bagu matutunan min ra ‘Aku noyo AKU’. Aku pana kalo boo makapambaal ra atan ayuk pana sumugut ra kasagaan Kuno galama', kaa' paraguon Kuno ayuk ondo' nangilaan ri Ama' Raki'.

JUANIS 8:42

Kon ri Jisus risilo, “Amon ru totopot i Aki Kapuuno' no Ama' min, tagamin min Aku, sabap ra minatong Aku intor ri Aki Kapuuno' am raino soroi Aku. Kalo minatong Aku maya' ra kasagaan Kuno galama', kaa' sinusub No Aku.

SAGULION 18:18

Manusub Aku ra sangulun nabi risilo, nabi koson rirun, am intor ra bansa' nilo galama'. Mapasaboi Aku ra bala' Kuno riso, am io mapasaboi ra ngaangai' susuban Kuno ra ulun raginio.

PINAINTALANG 1:1

Gitio noyo ondo' pinaintalang ri Jisus ra baal ondo' masauk no. Ioginio, tinaakan ri Aki Kapuuno' ralalom inggalan ri Jisus koson mampakito ra ulun pinili' Nano ra atan ondo' saukon Nano kalo boo mabuoi tumalimpuun. Nambala' i Kristus ra baal ragitio ra ulipon Nali i Juanis, pinabala' galing ra sangulun malaikat ondo' sinusub Nano,