JUANIS 12:48 - Tanou Moonsoi Timugon

⁴⁸ Osoi ayuk manginggi' Raki' am ragu Kuno, mokoondo' noyo mangakim riso. Ragu ondo' pinasaboi Kuli mangakim riso ra Orou Pupus.

JUANIS 12:48 ပူးပေါင်းရင်းမြစ်များ

JISAYA 53:3

Asabin am minggalur takau riso, ulun ondo' nototop ra imbolo' am maubas magiba' ra karualan. Kolondo' sangulun pana masaga' magilong riso, am kalo lioon takau io.

MATIUS 10:15

Karaa' min! Paat ra Orou Pupus, i Aki Kapuuno' makaasi' ra ulun ru Sodom am Gomora, ka ulun ru pekan raginio!”

MATIUS 21:42

Indagu i Jisus risilo, “Kalo poyo kia igondo' kau nakabasa' ra atan tinulisan ra Buuk Kitab? ‘Batu ondo' kinara' ru ulun-ulun manambaloi ra kolondo' onong nasauk ra batu maatang kaga'. Gitio noyo binaal ru Tuhan; mumpara' boo bonsoi no!’ ”

MATIUS 25:31

“Paat ra Anak ru Ulun sumaguli' koson ra raja' mabaya' ra ngaangai' malaikat Nano, manturung Io ra takhta matulai Nano.

MARKUS 12:10

Kalo kia igondo' kau pambasa' ragu ragitio ralalom ru Buuk Kitab? ‘Batu ondo' pinatiran ru ulun-ulun manambaloi nasauk noyo ra batu maatang.

MARKUS 16:16

Osoi ayuk mangintopot am riwon, io no bayagon; kaa' osoi ayuk kalo mangintopot, io no ukumin.

MARKUS 8:31

I Jisus pana tumalimpuun mangila' ra maamaya' Nano, “Anak ru Ulun maaru' masuang imbolo', anggalon Io ru tingganai ru ulun ru Jaudi, tingganai imam Jaudi am mangingila' ra Ukum ri Musa. Potoyon Io, kaa' malupus kataluan, bayagon Io saguli'.”

LUKAS 10:16

Indagu i Jisus ra maamaya' Nano, “Osoi ayuk mangkirongog ra raguon mino, mangkirongog niayuk Raki'. Kaa' osoi ayuk manggal ramuyun, manggal niayuk Raki'. Osoi ayuk manggal Raki', manggal niayuk Riso ondo' nanusub Raki'.”

LUKAS 17:25

Kaa' imboloon Io toojo galing am kalo apuon Io ru ulun ra raiti'.

LUKAS 20:17

Ponontong i Jisus risilo am pangkuot, “Atan guat arati' ragu ru Buuk Kitab ragitio? ‘Batu ondo' inimpayan ru manambaloi nasauk noyo ra batu ondo' maatang kaga'.’

LUKAS 7:30

Kaa' ulun-ulun ru Parisi am mangingila' ra Ukum ri Musa, kalo inapu nilo pamaguangan ri Aki Kapuuno' am kalo nakiriu' ilo ri Juanis.

LUKAS 9:22

Tungguli' ri Jisus, “Anak ru Ulun musiti' maimbolo' toojo am anggalon ru tingganai ru ulun ru Jaudi, tingganai imam Jaudi am mangingila' ra Ukum ri Musa. Potoyon io, kaa' malupus kataluan bayagon Io saguli'.”

LUKAS 9:26

Osoi ayuk mauyu' mangiou Raki' am pangilaan Kuno, Anak ru Ulun pana mauyu' mangiou ra ulun no paat ra Io matong ra tauli no. Matong Io mabaya' ra katulayan Nano am niayuk Ama' Nano am poyo katulayan ru malaikat-malaikat ondo' matulai kaga'!

JUANIS 11:24

Kon ri Marta, “Iou, makapandai aku i Lajarus bayagon saguli' paat ra ulun namagatoi paluaton ra Orou Pupus.”

JUANIS 5:45

Pai' kau pangkara' ra Aku manguu' ramuyun ra saang ru Ama' Kuno. I nabi Musa ondo' manguu' ramuyun, io no ondo' lalansanin min.

JUANIS 6:39

Gitio noyo kasagaan ru Io ondo' nanusub Raki': kalo matatakan Aku ra sangulun pana intor risilo ngai' ondo' pinataak Raki', kaa' mampakaayag Aku risilo paat ra Orou Pupus.

JUANIS 8:47

Osoi ayuk intor ri Aki Kapuuno', mangkirongog ra ragu Nano. Kaa' akau sala' ka intor ri Aki Kapuuno', ginio sabap boo ra akau kalo mangkirongog Riso.”

RINALATAN 17:31

Sabap ra inaru' No noyo rondo' orou koson mangukum ra ngaangai' ulun ru tana' ti ra matanda'. Ginio saukon No ralalom ru sangulun ondo' inaru' noyo Riso, am gitio noyo tatandu' no ra ngaangai' ulun; Ulun no binayag saguli' ri Aki Kapuuno' intor ra kapatayan.”

RINALATAN 3:23

Osoi ayuk kalo gumagaya' ra raguon ru nabi no, ulun no suayon intor ra ulun ri Aki Kapuuno' am pusoon.’

ROMA 2:16

Ginio ra, maya' ra Tanou Moonsoi ondo' posoboyon kuno, gitio noyo sauk nano ra Orou Pupus no; ralalom inggalan ri Jisus Kristus mangakim i Aki Kapuuno' ra ngaangai' ondo' nasibuni ra guang ru ulun.

2 KORINTUS 4:3

Amon ru nakasibuni Tanou Moonsoi ondo' posoboyon maiti, ginio nakasibuni ayuk ra ulun ondo' makalayau.

2 TISALONIKA 1:8

am mabaya' ra simbula' ru apui. Mangukum Io ra ulun ondo' kalo masaga' mintutun ri Aki Kapuuno' am ondo' kalo gumagaya' ra Tanou Moonsoi ri Jisus, Tuhan takau.

IBRANI 10:25

Pai' takano impayi' mantitimung koson ra kaindalaman ru santayaran ulun. Pampakara' takano ra rondo' am bokon intor ra baal raginio, sabap ra mapandayan takau noyo ra kalo boo mabuoi ratangan saguli' ru Tuhan.

IBRANI 12:25

Ilalai' noyo ra kasalok kano mangkirongog Riso ondo' mindagu. Sabap ra ilo ondo' kalo nangkirongog Riso ondo' nampasaboi ra bala' ri Aki Kapuuno' ra tana' ti, kalo noyo nakapagiru' ilo. Mulu' piboo ritakau, ra kalo makapagiru' takau amon ru kalo mangkirongog Riso ondo' minindagu intor ra suruga'.

IBRANI 2:3

Ginio ra ati kulaan makapagiru' takau intor ra pangukuman amon ru impayin takau pamayagan maayo no. Sabap ra Tuhan no galama' ondo' kasaa' nampabala' ra pamayagan no, am ulun-ulun ondo' nokorongog kasaa' napaintopot ritakau raginio.

IBRANI 4:12

Bala' ri Aki Kapuuno' makakuasa' am maayag koson Riso. Mogondo' ra ilang ondo' inasa' ruo larom manguntas saboi bungul am utok nano suayon, koson niayuk ra bala' ri Aki Kapuuno' tumunsok ra salibuor am ambiluo saboi mampatalang ra kasagaan am pamaguangan ru ulun.

1 PITRUS 1:5

Sabap ra pangintapatan minti noyo akau maalungan ru kuasa' ri Aki Kapuuno'. Ginio boo ra mokoowot kau boo ra pamayagan ondo' pinatampos noyo kalalair i, kaa' ondo' paintalangon ayuk ra Orou Pupus no.

2 PITRUS 3:3

Kasaa' ti, pakarati' kano ra orou pupus no mokoondo' sumalula' ulun ondo' kuasaan ru guang mansasawa' nilai am mangiis ilo poyo ramuyun.

2 PITRUS 3:7

Kaa' alungin No limbowon am tana' ondo' soroi ra raino ti, suku' ra Orou Pangukuman, ioginio paat ra ilo solobon ra apui am ulun malaat pusoon.

1 SAMUIL 10:19

Aku noyo i Aki Kapuuno' min ondo' napalabus ramuyun intor ra ngaangai' kaimbalaan am kapaganan. Kaa' raino nangimpai kau Raki', i Aki Kapuuno' min, sabap ra nakipili' kau Raki' ra sangulun raja' min. Iou noyo, timung kano ra saang Kutu, Tuhan min, lumili' maya' ra bansa' mino.’ ”

1 SAMUIL 8:7

Indagu Tuhan riso, “Suguto' noyo ngaangai' ru kitaakon nilono. Sala' ka okou ondo' impayin nilono; sotopot no, Aku ti noyo raja' nilo ondo' impayin nilono.