JUANIS 12:43 - Tanou Moonsoi Timugon

⁴³ Sabap ra maansayan ilo poyo makiurumat ra ulun kaa' makiurumat ri Aki Kapuuno'.

JUANIS 12:43 ပူးပေါင်းရင်းမြစ်များ

MAZMUR 22:29

Tuhan noyo Raja' am Io namarinta ra ngaangai' bansa'.

AMSAL 29:25

Malaa' ra guangon ru ulun bokon mangkinibit ra kapaganan. Pangintopot no ra Tuhan, am bayagon kau.

MATIUS 6:2

“Paat ra akau manaak, pai' min sisiraa' baal ragitio koson ondo' baalon ru ulun maabau-abau giu' ra baloi sambayangan am niayuk giu' ra lilisangon ru ralan, sabap ra makiompor ilo ra ulun. Karaa' min, ilo ti nakaalap noyo ra ampos nilono.

LUKAS 16:15

Indagu i Jisus risilo, “Paliso mino koson moonsoi ayuk ra pagilangan ru ulun, kaa' suang ru guang mino napandayan ri Aki Kapuuno'. Atan ondo' kinara' ru ulun ra mokologo, kolondo' logo ra pagilangan ri Aki Kapuuno'.

LUKAS 19:17

‘Moonsoi toojo,’ kono, ‘Okou no ulipon ra matanda'! Malansanan kou ra kandoi ondo' kalo kula' maatang, paalungin ku rirun mopor ngabandar.’

JUANIS 12:26

Osoi ayuk mangandoi Raki' musiti' io maya' Raki', maa' raginio ati ayuk angayan Kuno, soroi mangangandoi Kuno. I Ama' Kuno mangurumat ra osoi ayuk ondo' mangandoi Raki'.”

JUANIS 5:41

“Kalo makiompor Aku ra ulun.

JUANIS 5:44

Ati kulaan kau makapangintopot Raki', amon ru makiompor kau ayuk ra ulun am kalo makiompor kau ri Aki Kapuuno' ondo' rondo' ayuk.

JUANIS 7:18

Ulun ondo' mangila' sumugut ra pangkaraan nano galama', io no makiompor ayuk. Kaa' ulun ondo' mongompor Riso ondo' nanusub riso, io ti motopot am kalo magabau.

JUANIS 8:54

Taam i Jisus, “Amon ru makiompor Aku, ginio kolondo' onong. Ondo' mongompor Raki', am i Ama' Kuno. Io noyo iowon min ra i Aki Kapuuno' mino.

ROMA 2:29

Kaa', ulun ondo' sotopot no ulun ru Jaudi, ioginio ulun ondo' guang nano nakai' ra ulun ru Jaudi. Sunat ra sotopot no, ioginio guang ondo' kinulau ru Ambiluo ri Aki Kapuuno', am sala' ka ondo' tinulisan ra Ukum no. Am poyo sala' ka ulun, kaa' i Aki Kapuuno' galama', ondo' mongompor ra ulun koson raginio.

ROMA 2:7

Ilo ondo' masalok mambaal ra moonsoi, ioginio malansan ra katulayan, urumat am kaayagan mantilayun intor ri Aki Kapuuno', ilo noyo aniin No ra kaayagan motopot am mantilayun.

1 KORINTUS 4:5

Ginio ra pai' kau pangakim ra osoi ayuk pana ru kalo poyo masaboi paat ra orou inaru' no. Pangukuman ra pupus inaanin takau saboi Tuhan matong saguli'. Io noyo mambala' ra ngaangai' ondo' nakasibuni ra kalandaman, am mapaingkual ra ngaangai' suang ru guang ru ulun. Paat raginio bagu no moonong ulun mangapu ra ompor intor ri Aki Kapuuno' sumugut ra binaal nilono sigagama'.

2 KORINTUS 10:18

Sabap ra pai' ru ulun ondo' lumimbau no iowon ru Tuhan, kaa' ulun ondo' omporon ru Tuhan no.

1 TISALONIKA 2:6

Kalo noyo igondo' akai pakiompor ra osoi ayuk pana, intor kia ramuyun kapoam ulun ra bokon,

1 PITRUS 3:4

Kaa' kataluran ondo' sotopot no, ioginio guang min, ra makapaliso kau ra molomoi am guang pantataan. Gitio nai boo ondo' mantilayun no am mokologo toojo ra pagilangan ri Aki Kapuuno'.

1 SAMUIL 15:30

Taam Raja' Saul, “Makatula aku noyo. Kaa' pangindangan no, baya' no raki' sumaguli' maa' raginio makasambayang aku ra Tuhan, i Aki Kapuuno' muno. Kon raginio ra okou mangurumat raki' ra saang ru tingganai-tingganai ru mamagun am ngaangai' ulun ru Israil.”

1 SAMUIL 2:30

Aku Tuhan, i Aki Kapuuno' ru Israil, ragili nambantu' ra sasambaloi am bansa' muno mangandoi Raki' koson ra imam ra mantilayun. Kaa' raino kalo boo masaga' Aku raginio! Ilo ondo' mangurumat Raki' no urumaton Ku, am ilo ondo' magasab Raki' no asabin.