JUANIS 12:42 - Tanou Moonsoi Timugon

⁴² Kabalu' pana raginio, masuang niayuk tingganai ru ulun ru Jaudi nangintopot ri Jisus. Kaa' kalo makakau' ilo mangiou raginio, sabap ra malaa' ilo mapandayan ru ulun ru Parisi am inggalarin ilo mumpos ra baloi sambayangan.

JUANIS 12:42 ပူးပေါင်းရင်းမြစ်များ

AMSAL 29:25

Malaa' ra guangon ru ulun bokon mangkinibit ra kapaganan. Pangintopot no ra Tuhan, am bayagon kau.

JISAYA 51:7

“Rongogo' Aku, akau bansa' Kuno, makapandai kau ra atan motopot, pangilaan Kuno nakauli ra ralalom ru guang mino. Pai' kalaa' amon asabin kau ru ulun, pai' pagalabo amon magasab ilo ramuyun.

JISAYA 57:11

Mindagu Tuhan, “Osoi kia dewa-dewa ondo' mangilalaa' ramuyun saboi magabau kau Raki' am lumingon mampalilian Raki'? Kalo kia boo mangurumat kau Raki' sabap nabuoi Aku nongkoror?

JISAYA 66:5

Rongogo' noyo ragu ru Tuhan, akau ngai' ondo' malaa' am gumagaya' Riso: “Sabap ra akau gumagaya' Raki', santayaran intor ra bansa' mino galama' masisang am mangimpai ramuyun. Magasab ilo ramuyun am mindagu, ‘Polosoon noyo Tuhan mapaintalang ra katulayan Nano am mamayag ramuyun, maa' raginio makakito akai ra akau maansukan.’ Kaa' ilo galama' tauyuon.

JIRIMIA 38:19

Kaa' taam ru raja', “Malaa' aku ra mamagun kuno ondo' minaya' ra ulun ru Babilonia. Maaru' lair pataakon aku risilo am imboloon.”

MATIUS 10:32

“Osoi ayuk mangiou ra saang ru ulun ra io maamaya' Raki', Aku pana mangiou niayuk riso ra saang ru Ama' Kuno giu' ra suruga'.

LUKAS 12:8

“Mindagu Aku ramuyun, osoi mangiou ra saang ru ulun ra mangintopot io Raki', Anak ru Ulun pana mangiou ra ulun no ra saang ru malaikat-malaikat ri Aki Kapuuno'.

LUKAS 23:13

Piawo' ri Pilatus ngaangai' tingganai imam Jaudi, tingganai ru ulun ru Jaudi am ulun masuang.

LUKAS 6:22

“Pakaansuk kano ondo' kasisangin, kalo apuon, asabin am raguon ra ulun malaat sabap ra mangintopot kau ra Anak ru Ulun!

JUANIS 11:45

Masuang ulun ru Jaudi ondo' minatong ra intok ri Maria am nakakito ra nasauk ni, nangintopot ri Jisus.

JUANIS 12:11

Sabap ra io ti noyo nangkinibit ra masuang ulun ru Jaudi nangiruan risilo am nangintopot ri Jisus.

JUANIS 16:2

Inggalarin kau mumpos ra baloi sambayangan. Masuku' niayuk paat ra osoi ayuk mamatoi ramuyun mangkara' ilo raginio mangandoi ri Aki Kapuuno'.

JUANIS 19:38

Kopongo ragili, i Jusup, intor ra bandar Arimatia, nakitaak ra baangkai ri Jisus intor ri Pilatus. (I Jusup sangulun maamaya' ri Jisus, kaa' ginio kalo napandayan ru ulun sabap ra nalaa' io ra tingganai ru ulun ru Jaudi.) Iniou ri Pilatus kitaakon nali, am ongoyo' no boo alapo' baangkai i.

JUANIS 3:2

Sarandaman ragili ongoi io tuum ri Jisus am indagu, “Mangingila', makapandai akai ra Okou no sinusub ri Aki Kapuuno' mongoi pangila'. Sabap ra kolondo' sangulun pana makapambaal ra kaimuagan koson ra baalon Muno, amon ru kalo indanganon io ri Aki Kapuuno'.”

JUANIS 7:13

Kaa' kolondo' sangulun pana makakau' mansunur Riso ra bolos mosongou, sabap ra nalaa' ilo ra tingganai ru ulun ru Jaudi.

JUANIS 7:31

Kaa' masuang intor ra ulun masuang no nangintopot Riso. Konilo, “Paat ra Mamamayag ondo' sinusub ri Aki Kapuuno' i matong, kalo lair makapambaal Io ra masuang poyo kaimuagan intor ra ulun ti.”

JUANIS 9:22

Matuo nano minindagu koson raginio sabap ra nalaa' ilo ra tingganai ru ulun ru Jaudi no, sabap ra nakapaguguum ilo noyo ra osoi ayuk mangiou ra i Jisus noyo Mamamayag ondo' sinusub ri Aki Kapuuno', inggalarin ulun no mumpos ra baloi sambayangan.

JUANIS 9:34

Konilo riso, “Okou ti makatula noyo intor ra okou inanak ayuk poyo; am mangila' kou boo kia ramon?” Ininggalaran nilo boo io mumpos ra baloi sambayangan i.

RINALATAN 5:41

Naansukan rasul-rasul no ra ilo miningkual ra Majlis Ugama, sabap ra ilo ti kinara' noyo ri Aki Kapuuno' maaya' imboloon sabap ra inggalan ri Jisus.

ROMA 10:10

Sabap ra pangintapatan takau ra mapiot no, itakau pobonsoyon saguli' ri Aki Kapuuno', am intor ra pangakunan, itakau bayagon.

1 JUANIS 4:15

Osoi ayuk mangintopot ri Jisus no Anak ri Aki Kapuuno', i Aki Kapuuno' maayag sumimpung ra ulun no am niayuk ulun no maayag sumimpung ri Aki Kapuuno'.

1 JUANIS 4:2

Gitio ralan min koson mangulig ra Ambiluo ri Aki Kapuuno': Ulun ondo' mindagu ra i Jisus Kristus minatong intor ri Aki Kapuuno' am siminauk ra ulun, ulun no mokoondo' ra Ambiluo ri Aki Kapuuno'.