JUANIS 12:29 - Tanou Moonsoi Timugon

²⁹ Ulun masuang ondo' soroi ra giu' i nakaining ra bolos i. Gili ra konilo, “Tingkalur.” Kaa' mokoondo' niayuk minindagu, “Malaikat minindagu Riso.”

JUANIS 12:29 ပူးပေါင်းရင်းမြစ်များ

AYUP 40:9

Maikang kou kia koson Raki'? Maalap kia bolos muno maningkalur koson ra kinapuor ru bolos Kuno?

KAINGKUALAN 19:16

Paat ra orou ra katalu, ra iosusuab, makatimpalak am makaganit ra rasawat ru gunung. Makito gaun makapal ra giu' no, am maining bolos ru bujung ondo' mosongou kaga'. Moonong ulun ra pangkiman no nonontol ra malaa'.

KAINGKUALAN 20:18

Pakaining ulun ru Israil ra bolos ru tingkalur am bujung, am niayuk nakakito ra ganit am gunung makalisun, nonontol ilo nangalaa' am mininggalur intor ra giu' no.

YEHEZKIEL 10:5

Bolos ru kawo ru kirub-kirub no morongog saboi ra liliut ra liwar. Bolos no koson ra bolos ri Aki Kapuuno' Ondo' Maayo Kaga' Kuasa'.

RINALATAN 9:7

Ulun-ulun ondo' minaya' ri Saulus pana nakauog am nokopongkoror. Nakaining ilo toojo ra bolos i, kaa' kolondo' nakito nilo.

PINAINTALANG 11:19

Kaukab Baloi ri Aki Kapuuno' no giu' ra suruga' am Kaban Nabantuan i pana makito ra ralalom no. Nampaganit boo, nanimpalak, tana' ti mogonggon am riminasam ais batu ra maawas.

PINAINTALANG 14:2

Giu' boo ra limbowon korongog ku bolos koson ra kinapuor ru bosoi maayo am koson ra timpalak mapuor. Bolos nano morongog koson ra bolos ru jitor paat ra kulion.

PINAINTALANG 6:1

Kakito ku boo Anak Domba no namalungkab ra segel kasaa' intor ra tulu' segel no. Korongog ku boo sangulun intor ra kaapat ilo ondo' maayag no, ondo' bolos nano koson ra timpalak, minindagu, “Ibok!”

PINAINTALANG 8:5

Kopongo raginio alapo' boo ru malaikat no pambulian ra kaminyan no; suangi' no ra baa ru apui ondo' inalap intor ra panalaban no am papatiro' no ra tana' ti. Am mokoondo' boo bolos ru timpalak, nabaya' ra ganit am tana' ti mogonggon.