JUANIS 12:15 - Tanou Moonsoi Timugon

¹⁵ “Pai' kalaa' mamagun ru bandar Sion! Ilai', mokoondo' raja' min matong nangura' ra sanginan kaladai mamulok!”

JUANIS 12:15 ပူးပေါင်းရင်းမြစ်များ

2 SAMUIL 15:1

Kopongo raginio napatampos i Absalom ra rondo' kuda am kukula' ngainan kuda ra tayar nano, am niayuk ra limo ngoopor ngaulun magalung riso.

2 SAMUIL 16:2

Pangkuot Raja' Daut riso, “Atan pakuan ru ngaangai' ru gitio?” Taam i Jiba, “Kaladai-kaladai ti pakurain ra sasambaloi muno; ruti' am kikinawa' ti pataakon ra ulipon-ulipon muno, am wain ti painumin risilo paat maagui giu' ra tana' kaagisan ra maagu no.”

1 RAJA'-RAJA' 1:33

kon ru Raja' Daut risilo, “Ibito' i Salomo, anak ungkuyon kuno, mongoi ra taur ru timug giu' ra Gigon. Polosoon io mangura' ra baghal kuno am ibito' min pagawai-pagawai ru istana mababaya' ramuyun.

JISAYA 41:14

Tuhan mindagu, “Kabalu' pana akau boborok am lamuoi, akau Israil, pai' kalaa', indanganon Takamin. Aku i Aki Kapuuno' ru Israil, i Aki Kapuuno' ondo' matulai, Aku noyo namayag ramuyun.

JISAYA 62:11

ra Tuhan mapabala' ra baal raginio ra titikop ru tana' ti, “Balai' noyo namagun ru Jirusalim, Tuhan matong koson mamayag ramuyun. Ulun ondo' binayag Nano inibit No mababaya' Riso.”

MIKA 4:8

Okou Jirusalim, intok ri Aki Kapuuno' mantamung ra ulun Nano koson sangulun magagalung, sumaguli' ra pusor bandar ru pamarintaan muno koson ragili.

JAKARIA 9:9

Pakaansuk kano, akau mamagun ru Sion! Pagitapap kano, akau mamagun ru Jirusalim! Ilai', raja' min matong! Matong io ra katulayan am kamanangan, kaa' ra minggana' guang, matong io nangura' ra kaladai, am nangura' ra anak kaladai ondo' mamulok.

MATIUS 21:5

“Balai' mamagun ru bandar Sion, ilai' raja' mino matong ra raino ti rirun. Io no minggana' guang am siminakoi ra kaladai, am ra sanginan anak kaladai ondo' mamulok.”

JUANIS 12:14

Paat ragili natuum ri Jisus sanginan kaladai mamulok am kurai' no kaladai i, koson tinulisan noyo ra Buuk Kitab;

SAGULION 17:16

Kalo iowon raja' no mokoondo' ra pulalai mangkuda ondo' masuang kaga' no. Kalo iowon raja' no mangator ra ulun mongoi ra Misir mambali ra kuda, sabap ra minindagu noyo Tuhan ra kalo iowon ulun Nano sumaguli' ra Misir.

TINGGANAI RU BANSA' 12:14

Mokoondo' io apat ngoopor anak ungkuyon am talu ngoopor akupu ra ungkuyon. Mokoondo' io tulu' ngoopor ngainan kaladai sakayin. Naningganai i Abdon ra Israil buoi balu' ngambilor.

TINGGANAI RU BANSA' 5:10

Potonowo' noyo baal raginio, akau ngai' ondo' nangura' ra kaladai mapulak, akau ondo' nanturung ra tampak ru palana, am akau ondo' nantatana'.