JUANIS 11:55 - Tanou Moonsoi Timugon

⁵⁵ Paat ragili Pangiantakan ra Paska mamaar noyo, am masuang ulun intor ra moonong pamagunan minongoi ra Jirusalim. Maya' ilo ra kaulayan pambaguan ra kalo poyo masaboi pangiantakan no.

JUANIS 11:55 ပူးပေါင်းရင်းမြစ်များ

KASAUKAN 35:2

Indagu boo i Jakub ra ulun ru baloi nano am ra ngaangai' ulun nababaya' riso no, “Patiri' min noyo sinungkalalaing intor ra bansa' ru bokon ondo' binulian min, kapasawo' min guang am pambayang kano ra bayang moonsoi.

AYUP 1:5

Mopongo moonong bunsag, suabon no ra iosusuab, sumukal i Ayup am mampataak ra taak simbalui ra tayar ru moonong anak nano koson mapakapasau risilo. Magail io mambaal koon raginio sabap ra pangkaraan nano, maaru' lair sangulun ra anak nano makatula am magasab ri Aki Kapuuno' ra kalo singonon.

MAZMUR 26:6

Iou Tuhan, mambagu' aku ra kalindu' tatandu' ra aku kolondo' sala, am lumiput aku ra altar Muno koson sumamba Rirun.

KAINGKUALAN 19:10

Indagu Tuhan riso, “Ongoi noyo tuum ra ulun raginilo am susubo' ilo migimpasau ra orou raiti' am susuab no. Musiti' ilo mampupu' ra bayang nilo

UNTABAN 9:10

mambala' ra ulun ru Israil, “Paat ra mokoondo' sasangulun ra popolos min kapoam papag min ondo' majamol sabap ra nangambong ra baangkai, kapoam ralalom pangkiralanan ra maalur, kaa' lakat poyo masaga' mangiantak ra Paska,

UNTABAN 9:6

Kaa' mokoondo' kukula' ngaulun risilo ondo' majamol sabap nangambong noyo ra baangkai. Ginio sabap ra ilo kalo nakapangiantak ra Paska paat ra orou raginio. Minongoi ilo tuum ri Musa am i Arun,

MATIUS 26:1

Kakai' ayuk i Jisus nangila' ra baal ragili, indagu Io ra maamaya'-maamaya' Nano,

MATIUS 26:2

“Koson raino nakapandai kau, ruo ngoorou poyo Pangiantakan ra Paska am Anak ru Ulun pataakin ra salipon!”

MARKUS 14:1

Pangiantakan ra Ruti' Kalo Linatakan ra Ragi am Pangiantakan ra Paska, karuaan poyo am tumalimpuun. Tingganai imam Jaudi am mangingila' ra Ukum ri Musa maguyum ra ralan koson mamparakop am mamatoi ri Jisus, koson kalo mapandayan ru ulun ra bokon.

LUKAS 22:1

Mamaar noyo Pangiantakan ra Ruti' Kalo Linatakan ra Ragi ondo' sabiton ra Paska.

JUANIS 12:1

Onom ngoorou poyo Pangiantakan ra Paska, minongoi i Jisus ra Bitania, pamagunan ri Lajarus ondo' binayag Nano saguli'.

JUANIS 13:1

Songorou poyo am tumalimpuun Pangiantakan ra Paska. Nakapandai i Jisus ra masaboi noyo paat Nano mangiruan ra tana' ti sumaguli' ra Ama' Nano. Masalok Io monogom ra maamaya' Nano, am tinagaman No ilo saboi ra pupus.

JUANIS 18:28

Nokorondom ra iosusuab, ibito' nilo i Jisus intor ra baloi ri Kayapas mongoi ra istana ru gabenor. Kaa' tingganai ru Jaudi galama' kalo minumpos ra istana i, koson kalo majamol ilo sumugut ra kaulayan ru ugama nilai, sabap ra masaga' ilo gumulung ra akanon ru Pangiantakan ra Paska.

JUANIS 2:13

Maar noyo masuku' Pangiantakan ra Paska, ginio ra i Jisus minongoi ra Jirusalim.

JUANIS 2:6

Mokoondo' ra giu' i onom ngampuun sampa' pambulian ra timug pambaguan sumugut ra kaulayan ru ugama Jaudi. Moonong sampuun masuangan balu' ngoopor kapoam maatus ruo ngoopor ngalito.

JUANIS 5:1

Kopongo ragili, minongoi i Jisus ra bandar Jirusalim koson maya' ra rondo' pangiantakan ru ugama Jaudi.

JUANIS 6:4

Paat ragili maar noyo Pangiantakan ra Paska.

RINALATAN 21:24

Moonsoi ru maya' kou risilo mampaugar ra kaulayan pangimpasawan am mamalanja' kou risilo, am mabulutan ilo. Gitio noyo mampatutun ra ulun ra atan ondo' naining nilo intor rirun i kalo motopot. Sabap ra okou galama' pana gumagaya' ra Ukum ri Musa.

RINALATAN 21:26

Io suabon ragili, i Paulus nababaya' ra apat ngaulun i nampaugar ra kaulayan pangimpasawan. Subol ilo boo ra Baloi Tuhan am pambala' ra kula' poyo ngoorou am mopongo pangimpasawan, koson makapanimbalui ilo boo ra taak nilo sigagama'.

RINALATAN 24:18

Paat ra aku nambaal raginio, natuum nilo aku giu' ra Baloi Tuhan, kokopongo ayuk aku minaya' ra kaulayan pangimpasawan. Kolondo' jajajou pinasalula' kuno ra ulun masuang ragili.

1 KORINTUS 11:28

Ginio ra moonong ulun musiti' galing mangimumui ra baal ru guang nano galama', bagu no makaakan ra ruti' am makainum intor ra sangkir no.

JAKUBUS 4:8

Inggaari' noyo i Aki Kapuuno', am i Aki Kapuuno' pana minggaar ramuyun. Ulun kau ra makatula, langgai' min noyo baal ra malaat. Ulun kau ra maginduo guang, kapasawo' noyo guang mino!

1 SAMUIL 16:5

Taam i Samuil, “Iou. Aku minatong ti koson mapataak ra taak simbalui ra Tuhan. Impasawi' min inan mino am baya' kau raki'.” Nanusub io niayuk ri Isai am anak-anak nano mangimpasau ra inan, am nampiau risilo mongoi ra upacara mapataak ra taak simbalui no.