JUANIS 11:53 - Tanou Moonsoi Timugon

⁵³ Intor orou ragili niayuk tingganai ru ulun ru Jaudi nampapakat mamatoi ri Jisus.

JUANIS 11:53 ပူးပေါင်းရင်းမြစ်များ

RINALATAN 9:23

Kukula' ngoorou ragili, ulun ru Jaudi nangatang mamatoi ri Saulus.

RINALATAN 5:33

Pakaining ulun-ulun ru Majlis Ugama ra ragu ni, siminangit ilo toojo saboi masaga' ilo ra rasul-rasul no ukumin ra potoyon.

JUANIS 12:10

Ginio ra tingganai imam Jaudi gumogot mamatoi ri Lajarus poyo.

JUANIS 11:47

Ginio ra ulun ru Parisi am tingganai imam Jaudi miting ra Majlis Ugama. Konilo, “Atan nua' baalon takau? Ilai', masuang kaimuagan binaal ru ulun ti!

MARKUS 14:1

Pangiantakan ra Ruti' Kalo Linatakan ra Ragi am Pangiantakan ra Paska, karuaan poyo am tumalimpuun. Tingganai imam Jaudi am mangingila' ra Ukum ri Musa maguyum ra ralan koson mamparakop am mamatoi ri Jisus, koson kalo mapandayan ru ulun ra bokon.

MARKUS 3:6

Ingkual boo ulun ru Parisi am ongoi ilo simpung ra ulun ru Irodis mangatang koson mamatoi Riso.

MATIUS 26:59

Tingganai-tingganai imam Jaudi am ngaangai' Majlis Ugama no maguyum toojo ra sasi' koson mangkinam mamparuung ri Jisus, maa' raginio maalap nilo boo Io kapatoi.

MATIUS 22:46

Kolondo' sangulun pana makataam ri Jisus ra rondo' ragu pana. Intor ra orou raginio, kolondo' sangulun pana boo makakau' mangkuot Riso ra rondo' pangkuatan ayuk pana.

MATIUS 16:21

Intor boo raginio pambala' boo toojo i Jisus ra maamaya'-maamaya' Nano, “Mongoi Aku ra Jirusalim am imboloon Aku ru tingganai ru ulun ru Jaudi, tingganai imam ru Jaudi am mangingila' ra Ukum ri Musa. Potoyon nilo Aku, kaa' malupus kataluan bayagon Aku saguli' intor ra kapatayan!”

JIRIMIA 38:15

Taam aku, “Amon ru mambala' aku toojo, ukumin mu aku ra matoi; am amon ru mangani' aku ra pinson, kalo noyo lioon mu ginio.”

JIRIMIA 38:4

Pagawai-pagawai no pana minuma' ra raja' am indagu, “Musiti' ulun ti ukumin ra matoi. Sabap ra ragu nano, saujor ru bandar ti malawo guang, koon niayuk ra moonong ulun ondo' lakat poyo minayan ra bandar ti. Kalo nangindangan io ra mamagun; kaa' nantipagon io poyo risilo.”

MAZMUR 113:2

Musiti' noyo inggalan Nano omporon, raino am ra sabuoi-buoi no.

MAZMUR 71:10

Pantula' kuno mampatoi raki'; maguguum ilo am mampapakat gumula' raki'.

MAZMUR 31:13

Linilianan aku no koson ra minatoi aku no; aku ti koson ra ginsamol.

MAZMUR 2:2

Raja'-raja' ru tana' ti nagagampan giminuor, am ngaangai' namarinta maguguum guang tumula' ra Tuhan am raja' pinili' Nano.

NIGIMIA 13:21

Pinakara' ku ilo, “Kolondo' onong min masuaban maginaa ra giu' no. Amon ru baalon min poyo baal raginio, moporos timbalos kuno ramuyun.” Intor raginio kalo boo minatong ilo paat ra orou Sabat.

NIGIMIA 4:16

Intor raginio sampiruo intor ra ulun-ulun kuno nangandoi am sampiruo poyo nagalung am nambayang ra bayang mangayou, naukop ra tutura', perisai am panah. Tingganai-tingganai maino nanungka' toojo risilo

KASAUKAN 37:18

Kakito ru pagaka'-pagaka' no i Jusup intor ra maalur, am kalo poyo nakarapog io risilo, pangatang ilo ra mamatoi riso.

MATIUS 12:14

Kaa' ulun ru Parisi i nangiruan ra intok raginio, am maguyum ra panguyatan koson mamatoi ri Jisus.

MATIUS 26:4

Ilo ti mangatang ra pamparakapan ri Jisus ra mamatoi Riso ra sinokon ayuk.

JUANIS 7:1

Kopongo ragili, ongoi i Jisus ra ati ayuk intok ra libung ru Galilia. Marara' Io mongoi ra Judia sabap ra tingganai ru Jaudi ra giu' i gumogot mamatoi Riso.