JUANIS 11:52 - Tanou Moonsoi Timugon

⁵² Sala' ka kaatangan ra ulun ru Jaudi ayuk, kaa' koson manimung ra ngaangai' anak ri Aki Kapuuno' ondo' nantutuliar.

JUANIS 11:52 ပူးပေါင်းရင်းမြစ်များ

KASAUKAN 49:10

Mampaguut i Jiuda ra susukur ru parinta. Papag nano magail mamarinta. Bansa'-bansa' magibit ra upiti riso, am migulatur ra guang gumagaya' ra saang nano.

MAZMUR 22:15

Kolondo' boo lulu' kuno, natatak koson ra timug nasasar. Ngaangai' ru bungul kuno naukuk; guang kuno timinanu' koson ra dian.

MAZMUR 22:27

Ulun balabag mangkan am maasug; ilo ondo' matong ra Tuhan mongompor Riso. Gama' lumangkaya' ilo ra sabubuoi no!

MAZMUR 72:19

Omporo' noyo inggalan Nano ra matulai ra sabuoi-buoi no, gama' ru titikop ru tana' natikop ra katulayan Nano! Amin! Amin!

JISAYA 49:18

Ilai' noyo am tantangi' noyo libung muno, ulun muno timinimung am matong rirun. Sabap ra Aku, i Aki Kapuuno' ondo' maayag, mindagu Aku, maansukan kou kaga' sabap namagun muno, koson ra ruandu' inuot maantak guang ra io pinampakai.

JISAYA 49:6

Tuhan mindagu raki', “Kandoi ra maayo kaga' maginaa rirun, okou ulipon Kuno; okou sala' ka mapasaguli' ayuk ra suwo ru papag ri Jakub am mapatapuli' ra kinaayo ru bansa'-bansa' ru Israil, kaa' saukon Ku poyo okou ra sinda ru bansa'-bansa' maa' raginio titikop ru tana' ti bayagon.”

JISAYA 55:5

Piawon min bansa'-bansa' suai, am magindibok ilo matong ramuyun, sabap ra Aku, Tuhan i Aki Kapuuno' min, i Aki Kapuuno' matulai ru Israil, sabap ra Aku manulai ramuyun.”

JISAYA 56:8

Gitio noyo ragu ru Tuhan Ondo' Masawat Kaga' ondo' nangator ra Israil muli' intor ra namatiran, “Ibiton Ku ulun-ulun ra bokon koson sumimpung risilo ondo' nakatampos noyo timung.”

JISAYA 60:4

Ilai' noyo atan masauk ra libung muno; ulun muno timinimung koson muli' rirun. Anak ungkuyon muno minuli' intor ra pagun maalur, am anak ruandu' muno kinubibil.

YEHEZKIEL 34:12

koson ra sangulun magagalung maguyum am manimung ra domba-domba nano ondo' nantutuliar. Timungon Ku ilo intor ra intok ilo pinatutuliar paat ra rondom ondo' molondom am karaat no.

GOSIA 1:10

Ulun ru Israil masauk ra masuang koson ra kinasuang ru agis giu' ra raat, kalo maalap kauntob kapoam tukuon. Raino mindagu i Aki Kapuuno' risilo, “Akau sala' ka ulun Kuno, kaa' masaboi paat no ra mindagu Io risilo, “Aku noyo i Aki Kapuuno' ondo' naayag am akau noyo anak-anak Kuno.”

LUKAS 15:8

“Kapoam amon ru sangulun ruandu' mokoondo' mopor ngampila' ruit pirok am matatak sampila', atan baalon nano? Mansikit io ra lampung, alusin no baloi nano am uyumon no boo toojo saboi matuum.

LUKAS 2:32

Koson ra sinda mapakatawang ra ralan manulu' Io ra ulun sala' ka Jaudi rumatong Rirun. Io niayuk sinda ondo' mampasauk ra ulun Muno Israil urumaton.”

JUANIS 1:12

Kaa' osoi ayuk mangapu Riso, ioginio mangintopot Riso, pasaukon No ilo ra anak ri Aki Kapuuno'.

JUANIS 1:29

Io suabon ragili, nakito ri Juanis i Jisus minatong riso, am indagu io, “Ilai' min, gitio noyo Anak Domba ri Aki Kapuuno' ondo' mamuso ra tula ru ulun ru tana' ti!

JUANIS 10:16

Mokoondo' Aku poyo ra domba-domba ra bokon ondo' kalo nakaaya' ra tayar ragitio. Ilo pana musiti' Ku ibiton, am mokorongog ilo boo ra bolos Kuno. Ilo ti simpungon Ku am rondo' ayuk magagalung risilo.

JUANIS 12:32

Paat ra Aku ti painsawaton intor ra tana', poongoyon Ku ngaangai' ulun Raki'.”

RINALATAN 18:10

sabap ra mabaya' Aku rirun. Kolondo' sangulun pana mampakaruol rirun sabap ra masuang ulun Kuno ra bandar ti.”

ROMA 3:29

Ginio ra i Aki Kapuuno' intopoton ru ulun ru Jaudi ayuk kia? Maaru' kalo! Intopoton Io niayuk ru ulun sala' ka Jaudi.

ROMA 4:17

Koson ra tinulisan noyo ra Buuk Kitab, “Inaru' tokou no masauk ra ama' ru masuang bansa'.” Koson raginio nambantu' i Aki Kapuuno' ri Abragam am nangintopot i Abragam Riso: Io no ondo' mampakaayag ra ulun minatoi am ondo' ralalom ru ragu Nano mampasauk ra atan ondo' kalo poyo igondo' kasauk.

IPISUS 1:5

Sabap ra togom Nano, inaru' noyo ri Aki Kapuuno' ra ralalom ri Jisus Kristus itakau saukon ra anak-anak Nano. Gitio noyo sotopot no kasagaan Nali.

IPISUS 3:11

Am gitio binaal ri Aki Kapuuno' sumugut ra atan ondo' inatang No kalalair i ralalom ri Jisus Kristus, Tuhan takau.

JAKUBUS 1:1

Aku i Jakubus, sangulun ulipon ri Aki Kapuuno' am niayuk ulipon ru Tuhan Jisus Kristus. Kaansayan ku ra ngaangai' ulun ri Aki Kapuuno' ondo' soroi ra titikop ru tana' ti.

1 PITRUS 1:1

Aku i Pitrus, sangulun rasul ri Jisus Kristus. Posoboyon ku gitio ra ulun Kristian ondo' nakapansusuai giu' ra libung ru Pontus, Galatia, Kapadokia, Asia am Bitinia!

1 JUANIS 2:2

I Jisus galama' pabansayan ra tula takau. Sala' ka tula takau ayuk, kaa' tula ru ngaangai' ulun.

1 JUANIS 3:1

Ilai'! Mumpara' piboo gayo ru togom ri Ama' saboi piawon takau ra anak ri Aki Kapuuno'. Am sotopot no, itakau ti anak ri Aki Kapuuno'. Ginio sabap ra ulun ru tana' ti kalo makaulig ritakau, sabap ra kalo makaulig ilo ri Aki Kapuuno'.

1 JUANIS 3:10

Gitio ra kalo nogondo' anak ri Aki Kapuuno' am anak ru Tingganai ru riwato. Osoi kalo mambaal ra motopot, kapoam kalo motogom ra pabukat-pabukat nano, io ti sala' ka anak ri Aki Kapuuno'.

1 JUANIS 3:2

Pabukat kau ngaangai' ondo' tagamin ku! Itakau raino ti anak ri Aki Kapuuno'. Kaa' kalo poyo natutunan toojo atan masauk ritakau ra tauli no. Kaa' nakapandai takau, paat i Jisus Kristus matong saguli', masauk takau koson Riso, sabap ra itakau makakito ra baal ru inan Nano toojo.

PINAINTALANG 5:9

Narimbai ilo ra rimbai bagu: “Okou no maaya' mangalap ra naskhah rinulun no am mampalungkab ra segel no, sabap ra pinatoi Kou noyo ra pinatayan Muno namayag Kou ra ulun intor ra moonong papag, ragu, bansa' am pagun, koson ilo ti pataakon ri Aki Kapuuno'.