JUANIS 11:47 - Tanou Moonsoi Timugon

⁴⁷ Ginio ra ulun ru Parisi am tingganai imam Jaudi miting ra Majlis Ugama. Konilo, “Atan nua' baalon takau? Ilai', masuang kaimuagan binaal ru ulun ti!

JUANIS 11:47 ပူးပေါင်းရင်းမြစ်များ

MATIUS 26:3

Tingganai-tingganai imam Jaudi am tingganai ru ulun ru Jaudi pana timinimung boo am magindagu giu' ra istana ru Tingganai Maayo Imam Jaudi, i Kayapas.

MATIUS 5:22

Kaa' raino ti balain takamin: Osoi ayuk pana sumangit ra pabukat nano, io ti ibiton ra saang ru akim; am osoi ayuk pana magulas ra pabukat nano, io ti ibiton ra Majlis Ugama; am osoi ayuk pana mampiau ra pabukat nano ra ‘malaat’, io ti pasubolon ra naraka.

MARKUS 14:1

Pangiantakan ra Ruti' Kalo Linatakan ra Ragi am Pangiantakan ra Paska, karuaan poyo am tumalimpuun. Tingganai imam Jaudi am mangingila' ra Ukum ri Musa maguyum ra ralan koson mamparakop am mamatoi ri Jisus, koson kalo mapandayan ru ulun ra bokon.

LUKAS 22:2

Tingganai imam Jaudi am mangingila' ra Ukum ri Musa no maguyum ra kaluagan mamatoi ri Jisus ra kalo mapandayan ru ulun, sabap ra nalaa' ilo ra ulun masuang.

JUANIS 11:57

Sabap ra mokoondo' noyo susuban intor ra tingganai imam am ulun-ulun ru Parisi, ra osoi ayuk makapandai ra ati i Jisus, musiti' mambala' maa' raginio marakop nilo Io.

JUANIS 12:19

Ulun-ulun ru Parisi nagindagu ra rondo' am bokon, konilo, “Ilai', ngaangai' ulun ru tana' ti maya' boo Riso. Banangan takau ayuk!”

JUANIS 2:11

Ondo' binaal ri Jisus ra Kana, libung ru Galilia, kaimuagan kasaa' Nali. Ginio ra nampakito Io ra Io ti matulai am nangintopot maamaya' Nano Riso.

JUANIS 6:2

Masuang ulun saguguluyur minaya' Riso, sabap ra nakakito ilo ra kaimuagan binaal Nano paat ra Io namabas ra ulun marualan.

JUANIS 7:32

Ulun ru Parisi nokorongog ra ati kulaan ulun-ulun no posokonos mansunur ri Jisus. Gili boo ra ilo am tingganai imam Jaudi nanusub ra kukula' ngaulun pulis ru Baloi Tuhan mongoi pamparakop Riso.

JUANIS 7:45

Paat ra siminaguli' pulis-pulis ru Baloi Tuhan ondo' sinusub mamparakop ri Jisus, pangkuot tingganai imam am ulun-ulun ru Parisi risilo, “Kua, kalio nai inibit min Io?”

RINALATAN 5:21

Rasul-rasul no giminagaya' ra bilin ru malaikat i. Riminondom ilo minongoi ra Baloi Tuhan no am timinalimpuun ilo mangila'. Tingganai Maayo Imam Jaudi am maamaya' nano nampiau ra ngaangai' tingganai ru ulun ru Jaudi matong ra miting ru Majlis Ugama. Panusub ilo boo koson ibiton rasul-rasul no intor ra lamin pangaputan paumaan risilo.

RINALATAN 5:24

Pakaining tingganai magagalung ra Baloi Tuhan am tingganai imam Jaudi ra ragu raginio, naliangan ilo ra atan kinua' nasauk ra rasul-rasul no.