JUANIS 11:25 - Tanou Moonsoi Timugon

²⁵ Indagu i Jisus, “Aku noyo mampakaayag ra ulun minatoi am manaak ra kaayagan. Osoi ayuk mangintopot Raki', kabalu' pana matoi ulun no, maayag Io saguli'.

JUANIS 11:25 ပူးပေါင်းရင်းမြစ်များ

MAZMUR 36:9

Naasug ilo ra akanon giu' ra Baloi Muno; pinainum Mu ilo intor ra sungoi moonsoi Muno.

JISAYA 26:19

Ulun Muno ra minatoi maayag saguli'! Baangkai nilono tumirong saguli'. Ngaangai' ondo' linobong ra kalabangan, tumirong am marimbai ralalom kaansukan. Koson ra bolobou mamasa' ra tana', koson raginio niayuk ra Tuhan mamayag risilo ondo' nabuoi noyo minatoi.

JISAYA 38:16

Iou Tuhan, makakau' aku maayag ra koson Rirun, am Okou ayuk. Babaso' aku no am polosoo' aku no maayag.

LUKAS 23:43

Indagu i Jisus riso, “Balain tokou: Sotopot no, orou raiti' niayuk mababaya' kou Raki' giu' ra Pirdaus.”

JUANIS 1:4

Ragu ti noyo puun ru ngaangai' kaayagan, am kaayagan ti mampakasinda ra ulun.

JUANIS 14:19

Sangkinolor poyo am ulun ru tana' ti kalo boo makakito Raki', kaa' makakito kau Raki'; am sabap ra Aku ti maayag, akau pana maayag.

JUANIS 14:6

Taam i Jisus riso, “Aku noyo ralan, katapatan am kaayagan. Kolondo' sangulun pana mokoongoi ri Ama', amon ru kalo mansail io Raki'.

JUANIS 3:16

Sabap ra maayo kaga' guang ri Aki Kapuuno' ra ulun ru tana' ti, saboi nanaak Io ra Anak Langkuir Nano, maa' raginio moonong ulun ondo' mangintopot Riso kalo mapuso, kaa' mokoowot ra kaayagan mantilayun.

JUANIS 3:36

Maa' raginio osoi ayuk mangintopot ra Anak no mokoowot ra kaayagan motopot am mantilayun. Kaa' osoi ayuk kalo gumagaya' Riso no, kalo mokoowot ra kaayagan no, kaa' mantilayun i Aki Kapuuno' masisang riso.

JUANIS 5:21

Koson i Ama' mamayag saguli' ra ulun minatoi am manaak risilo ra kaayagan, nogondo' niayuk ra Anak manaak ra kaayagan ra osoi ayuk kasagaan Nano.

JUANIS 5:26

Koson i Ama' noyo intaran ru kaayagan, nogondo' niayuk ra Anak inanian No ra kuasa' koson Io ti pana intaran ru kaayagan.

JUANIS 6:35

Indagu poyo i Jisus risilo, “Aku noyo ruti' ondo' mampakaayag. Osoi ayuk matong Raki', kalo boo maitilan, am osoi ayuk mangintopot Raki', kalo boo paason.

JUANIS 6:44

Kolondo' sangulun pana makaratong Raki', amon ru kalo kimaitin io ri Ama' ondo' nanusub Raki' i; am ulun no bayagon Ku paat ra Orou Pupus no.

RINALATAN 3:15

Akau namatoi Riso, Io ondo' manaak ra kaayagan motopot ra ngaangai' ulun. Kaa' binayag Io saguli' ri Aki Kapuuno' intor ra kapatayan am akai noyo sasi' ra baal raginio.

ROMA 4:17

Koson ra tinulisan noyo ra Buuk Kitab, “Inaru' tokou no masauk ra ama' ru masuang bansa'.” Koson raginio nambantu' i Aki Kapuuno' ri Abragam am nangintopot i Abragam Riso: Io no ondo' mampakaayag ra ulun minatoi am ondo' ralalom ru ragu Nano mampasauk ra atan ondo' kalo poyo igondo' kasauk.

ROMA 8:2

Sabap ra ukum ru Ambiluo ri Aki Kapuuno' ondo' mangani' ra kaayagan ra pasimpungan takau ri Kristus Jisus, nampalabus noyo raki' intor ra ukum ondo' mangkinibit ra tula am kapatayan.

1 KORINTUS 15:18

Arati' no poyo ra ulun Kristian ondo' minatoi pana kolondo' boo kalansanan.

1 KORINTUS 15:29

Raino, amon ru ulun minatoi kalo bayagon saguli', kua mokoondo' nai ulun makiriu' koson ra alig ru ulun ondo' minatoi noyo? Atan onong ru ginio? Amon ru motopot ulun minatoi kalo boo bayagon saguli', atan onong makiriu' ilo koson raginio?

2 KORINTUS 4:14

Nakapandai akai ri Aki Kapuuno', ondo' namayag saguli' ra Tuhan Jisus i, mamayag saguli' ramon mabaya' ri Jisus am niayuk magibit ritakau ngaangai' masisimpung Riso.

PILIPI 1:23

Karuo-ruo ti mampakabunduk ra guang kutu. Masaga' aku niayuk mangiruan ra painawo kutu am makasimpung ri Kristus, sabap ra ginio noyo moonsoi no.

PILIPI 3:10

Am raino rorondo' ayuk gogoton kutu, ioginio maayag mintutun ri Kristus am makaliman ra kuasa' ondo' namayag Riso intor ra kapatayan, am masaga' poyo imboloon am potoyon koson Riso.

1 TISALONIKA 4:14

Mangintopot takau ri Jisus minatoi am naayag saguli'. Mangintopot takau niayuk ra bayagon saguli' ri Aki Kapuuno' ulun namagatoi ondo' nangintopot ri Jisus, koson masisimpung ilo Riso.

PINAINTALANG 1:18

Aku noyo kaayagan! Minatoi Aku noyo, kaa' ilai', maayag Aku ra mantilayun. Makakuasa' Aku ra kapatayan am intok ru ulun-ulun namagatoi.

PINAINTALANG 20:5

Gitio noyo kaayagan saguli' ra kasaa'. (Kaa' ulun-ulun namagatoi ra bokon kalo bayagon saguli' buoi saribu ngambilor ti.)

PINAINTALANG 21:4

Mampiir Io ra ngaangai' lomou intor ra mato nilono. Kolondo' boo kapatayan, guang mangiluk, pantangian kapoam karualan pana. Ngaangai' baal ondo' nakalair naliom noyo.”

PINAINTALANG 22:1

Malaikat no niayuk nanulu' raki' ra sungoi ondo' mampakaayag. Sungoi no manguliat koson ra kristal am mugar intor ra takhta ri Aki Kapuuno' am Anak Domba no ra tatanga' ralan ru bandar no. Sapapa'-mansapapa' ra kiing ru sungoi no, mokoondo' puun ru mampakaayag ondo' mangkawa' inggopor am ruo sambilor, ioginio igondo' sambulan. Raun nano alapon pamabas ra bansa'-bansa'.

PINAINTALANG 22:17

Ambiluo ri Aki Kapuuno' am Ruandu' Uoton ru Anak Domba mindagu, “Ibok no.” Moonong ulun ondo' mangining ragitio musiti' mindagu, “Ibok no.” Osoi ayuk pinaason am osoi ayuk masaga', ibok am apuo' noyo timug ondo' mampakaayag ra kalo kilagain.