JUANIS 11:24 - Tanou Moonsoi Timugon

²⁴ Kon ri Marta, “Iou, makapandai aku i Lajarus bayagon saguli' paat ra ulun namagatoi paluaton ra Orou Pupus.”

JUANIS 11:24 ပူးပေါင်းရင်းမြစ်များ

MAZMUR 17:15

Magilong aku Rirun sabap ra kolondo' sala kuno; bulintok ra aku makarat, ratangan Muno makaantak ra guang kuno.

JISAYA 25:8

Pusoon ru Tuhan Raja' no kapatayan ra sabuoi-buoi no! Pusoon No lomou intor ra moonong bulos, am liomon No pagasaban ondo' limanin ru ulun Nano ra titikop ru tana' ti. Tuhan minindagu noyo.

JISAYA 26:19

Ulun Muno ra minatoi maayag saguli'! Baangkai nilono tumirong saguli'. Ngaangai' ondo' linobong ra kalabangan, tumirong am marimbai ralalom kaansukan. Koson ra bolobou mamasa' ra tana', koson raginio niayuk ra Tuhan mamayag risilo ondo' nabuoi noyo minatoi.

GOSIA 13:14

Kalo bayagon Ku ulun ragitio intor ra intok ru ulun namagatoi kapoam intor ra kuasa' ru kapatayan. Okou kapatayan, porotongo' noyo kapusaan! Kalo boo makaasi' Aku ra ulun ragitio.

GOSIA 6:2

Mopongo ruo kapoam talu ngoorou babason No itakau am maayag takau giu' ra saang Nano.

LUKAS 14:14

Barakaton kou boo sabap ra ulun ragitilo kalo makabalos rirun, kaa' i Aki Kapuuno' mambalos rirun paat ra ulun motopot bayagon saguli'.”

JUANIS 11:23

Taam i Jisus, “Pagaka' muno bayagon saguli'.”

JUANIS 6:39

Gitio noyo kasagaan ru Io ondo' nanusub Raki': kalo matatakan Aku ra sangulun pana intor risilo ngai' ondo' pinataak Raki', kaa' mampakaayag Aku risilo paat ra Orou Pupus.

JUANIS 6:40

Sabap ra gitio noyo kasagaan ri Ama': moonong ulun ondo' makaulig ra Anak Nano am mangintopot Riso, mokoowot ra kaayagan motopot am mantilayun am mampakaayag Aku risilo paat ra Orou Pupus.”

RINALATAN 24:15

Nogondo' koson risilo, aku niayuk malansan ri Aki Kapuuno' ra ngaangai' ulun maayag saguli' intor ra kapatayan, io no ulun moonsoi kapoam niayuk ulun malaat.

IBRANI 11:35

Sabap ra pangintapatan noyo, mokoondo' ruandu' napulian ra pabukat nilo ondo' minatoi noyo, sabap ra binayag saguli' ri Aki Kapuuno'. Kaa' mokoondo' poyo nangintopot ondo' inimbolo' saboi minatoi, sabap ra marara' ilo palabuson, maa' raginio bayagon ilo saguli' ra kaayagan ondo' moonsoi poyo.