JUANIS 11:19 - Tanou Moonsoi Timugon

¹⁹ Masuang ulun ru Jaudi minongoi panimayo ri Maria am i Marta sabap ra pinatayan ru pagaka' nilai, i Lajarus.

JUANIS 11:19 ပူးပေါင်းရင်းမြစ်များ

KASAUKAN 37:35

Ngaangai' anak ungkuyon am anak ruandu' nano minongoi panimayo riso, kaa' marara' io simoyoon. Indagu io, “Mangulir aku ra anak kuli saboi ra aku matoi.” Pangungulir io ra anak nali i Jusup.

2 SAMUIL 10:2

Kon ru Raja' Daut, “Raja' Nagas no rangan kuno ondo' gumagaya'. Ginio ra aku pana musiti' rumangan ra Raja' Ganun anak ungkuyon nano.” Pangator boo Raja' Daut ra kukula' ngaulun ulun sinusub koson mampasaboi ra ragu mangiluk ra Raja' Ganun. Paat ra ulun-ulun sinusub no nakasaboi giu' ra Amon,

1 TUNUNG RU BANSA' ISRAIL 10:12

kukula' ngaulun risilo ondo' baani kaga' minongoi pangalap ra baangkai ru Raja' Saul am anak-anak ungkuyon nano. Inibit nilo baangkai-baangkai no ra Jabis, am linobong baangkai raginilo giu' ra saau ru puun makalu. Kopongo raginio nampapali ilo buoi tulu' ngoorou.

AYUP 2:11

Talu ngaulun rangan ri Ayup iono i Ialipas intor ra bandar Timan, i Bildad intor ra pagun Sua, am i Jopar intor ra pagun Naama nokorongog intor ra kaimbalaan ri Ayup. Ilo pana namatas boo koson tumimung am mongoi panimayo ri Ayup.

AYUP 42:11

Ngaangai' pabukat ra ungkuyon am ruandu' ri Ayup, am niayuk ngaangai' rangan nakaulig riso ondo' nakalair minatong pagilong riso am nagagakan nababaya' ri Ayup giu' ra baloi nano. Ilo niayuk minaya' nangiluk guang ri Ayup sabap ra ngaangai' kapaganan ondo' pinaratong ru Tuhan riso, am nanimayo ilo riso. Moonong ulun intor risilo nangani' riso ra sampila' ruit pirok am rondo' sinsing mas.

MAMPATANOU 7:2

Moonsoi poyo mongoi pagilong ra sambaloi ondo' mangulir intor ra sambaloi ondo' makabunsag, sabap ulun maayag musiti' mangkara' ra patayan ondo' masalok maginaa ritakau ngai'.

JISAYA 51:19

Nalumpa' kou ru ruo karaat; kinibit ru pangayawan pagun muno natutuk am napuso am ulun muno matoi ra naitilan. Kolondo' makaasi' am mapabansuk rirun.

SULABOI 1:16

“Ginio sabap ra lomou kuno rumatu'. Kolondo' osoi pana makabansuk ra guang kuno, kapoam makaikang ra guang kuno. Pantula' nangala raki'; mamagun kuno natatakan ra ngaangai' no.

SULABOI 1:2

Nosorondom io nantangi', lomou nano tumilisan ra pingas. Kolondo' sangulun pana intor ra rangan nano masaga' mapabansuk riso. Ngaangai' rangan nano liminaat am nantula' riso.

SULABOI 1:21

“Rongog kano ra laa kuti; kolondo' osoi pana makabansuk ra guang kuno. Pantula' kuno maansayan sabap namparatong Kou ra karaat ti raki'. Porotongo' orou ondo' binantu' Muno, maa' raginio pantula' kuno maimbolo' koson raki'.

SULABOI 1:9

Jamol nano nakito kaga' kaa' kalo lioon no. Nalunsayan nano makalalaa', kolondo' osoi pana makabansuk ra guang nano. Pantula' nano namanang am nantangi' io makimasi' intor ra Tuhan.

SULABOI 2:13

Okou Jirusalim, bandar ru Sion ondo' tagamin kaga', atan kia paraguon kuno? Kalo makapangansuk aku rirun. Osoi pana kalo poyo igondo' naimbolo' koson rirun. Karaat maayo koson ra raat malangka' am malandom lumumpa' rirun; kolondo' boo kalansanan ra tayar muno.

LUKAS 10:39

I Marta ti mokoondo' sangulun pongkotob ra ruandu' makainggalan ri Maria. Nanturung i Maria ra tuma' ru kalayam ru Tuhan Jisus mangkirongog ra pangilaan Nali.

LUKAS 10:42

Kaa' sotopot no rondo' ayuk maaru' baalon muno. Ondo' pinili' ri Maria ti motopot, am tumilayun ginio riso.”

JUANIS 1:19

Tingganai ru ulun ru Jaudi giu' ra Jirusalim nanusub ra imam-imam Jaudi am ulun-ulun papag ru Liwi no, mongoi pangkuot ri Juanis, “Osoi kou?”

JUANIS 11:1

Mokoondo' sangulun ungkuyon makainggalan ri Lajarus ondo' marualan. Io ti intor ra pamagunan Bitania am pagaka' io ri Maria am i Marta. I Maria ti noyo ondo' nampabuur ra umau maamis owou ra kalayam ru Tuhan, am piiri' no ra abuk nali.

JUANIS 11:31

Ulun-ulun ru Jaudi ondo' namparangan ri Maria ra baloi i, nakakito riso nagindibok miningkakat am ingkual, sunu' ilo boo riso. Indos nilai mongoi io pantangi' ra kalabangan ri Lajarus.

JUANIS 11:33

Paat ri Jisus nakakito riso nantangi', am niayuk ulun-ulun ru Jaudi ondo' nababaya' riso i nantatangi', mangiluk toojo guang Nali am makaasi' Io.

JUANIS 11:36

Indagu ulun-ulun ru Jaudi, “Ilai', mumpara' boo togom Nano ri Lajarus!”

JUANIS 11:45

Masuang ulun ru Jaudi ondo' minatong ra intok ri Maria am nakakito ra nasauk ni, nangintopot ri Jisus.

JUANIS 11:8

Taam maamaya' Nano, “Mangingila', kalo poyo nabuoi ra bobolon kou raan ra batu ru ulun ru Jaudi am raino rumuli' kou po kia ra giu' i?”

ROMA 12:15

Baya' kano pakaansuk risilo ondo' maansukan, am baya' kano pantangi' risilo ondo' mangiluk guang.

2 KORINTUS 1:4

Mangindangan Io ramon ralalom ru ngaangai' kapaganan mai, maa' raginio ralalom ru kaindangan ondo' maapu mai intor ri Aki Kapuuno', akai pana makapangindangan ra ngaangai' ulun ondo' makakapaganan.

1 TISALONIKA 4:18

Ginio ra kaikango' noyo guang mino ra rondo' am bokon ra ragu ragitio.

1 TISALONIKA 5:11

Ginio ra kaikango' am pangindangan kano ra rondo' am bokon mogondo' ra baalon min raino ti.

1 SAMUIL 31:13

Kopongo raginio inumung nilo ngaangai' bungul no am linobong ginilo ra saau ru puun tamariska giu' ra bandar Jabis, am nampali ilo ra buoi katuluan.