JUANIS 10:36 - Tanou Moonsoi Timugon

³⁶ Aku pinili' am sinusub ri Ama' matong ra tana' ti. Kua indagu kau ra magasab Aku ri Aki Kapuuno' ra ragu Kuli, ‘Aku ti Anak ri Aki Kapuuno'’?

JUANIS 10:36 ပူးပေါင်းရင်းမြစ်များ

MAZMUR 2:2

Raja'-raja' ru tana' ti nagagampan giminuor, am ngaangai' namarinta maguguum guang tumula' ra Tuhan am raja' pinili' Nano.

JISAYA 42:1

Indagu Tuhan, “Gitio noyo ulipon Kutu, ondo' pinaikang Kuli; sangulun noyo pinili' Kuli, am mapabansuk ra guang Kutu. Kuasa' Kuno pinataak Ku noyo riso, magibit Io ra katimpakan ra moonong bansa'.

JISAYA 42:3

Bulu' ra liminonot kalo pandakon no, kapoam mampalasa' ra pilasut ra boboot. Ngaangai' ulun makaalap ra katimpakan ondo' ibiton nano.

JISAYA 55:4

Sotopot no, sinauk Ku io ra tingganai am panglima, sasi' intor ra kuasa' Kuno ra bansa'-bansa'.

JIRIMIA 1:5

“Ra Aku kalo poyo nampasauk rirun ra okou tinayon ru ina' muno, am ra kalo poyo inanak, pinili' am linantik Ku noyo okou masauk ra nabi tayar ra bansa'-bansa'.”

MATIUS 27:43

Io ti malansan ri Aki Kapuuno' am rokoon no, ‘Anak Aku ri Aki Kapuuno'’. Moonsoi ilai' takau bayagon Io nua' ri Aki Kapuuno' raino.”

MATIUS 27:54

Tingganai ru saujor am saujor-saujor ondo' nantamung ri Jisus ni nalaa' ilo kaga' paat ra ilo nakakito ra tana' ti nauyog am ngaangai' ondo' nasauk ni am indagu, “Motopot toojo Io ti Anak ri Aki Kapuuno'!”

LUKAS 1:35

Taam malaikat no, “Matong Ambiluo ri Aki Kapuuno' rirun am kuasa' ri Aki Kapuuno' sumoroi rirun. Ginio sabap ra anak ondo' anakon muno sabiton Anak ri Aki Kapuuno' ondo' matulai.

JUANIS 10:35

Nakapandai takau no ra ragu ru Buuk Kitab kalo malulu'. I Aki Kapuuno' galama' nampiau risilo ra tuhan, ioginio ulun-ulun ondo' nampasukuan ra ragu Nano.

JUANIS 17:18

Sinusub Ku ilo mampatanou ra ulun ru tana' ti, koson Aku sinusub Mu.

JUANIS 17:21

Ama', makiasi' Aku gama' ru ilo ngaangai' rondo' guang. Koson Okou masimpung Raki', am Aku masimpung Rirun. Gama' ru masimpung ilo Rito, maa' raginio mangintopot boo ulun ru tana' ti ra Okou noyo nanusub Raki'.

JUANIS 17:8

Pinasaboi Ku noyo risilo nangilaan Muli Raki' am inapu nilo. Nakapandai ilo no ra totopot Aku minatong intor Rirun am mangintopot ilo poyo ra Okou no nanusub Raki'.

JUANIS 19:7

Taam ulun-ulun ru Jaudi no, “Sumugut ra ukum mai, Io ti musiti' ukumin ra potoyon sabap ra rokoon Nano ra Anak Io ri Aki Kapuuno'.”

JUANIS 20:28

Indagu i Tomas ri Jisus, “Okou no Tuhan kuno am i Aki Kapuuno' kuno.”

JUANIS 20:31

Kaa' ngaangai' ti tinulisan noyo, maa' raginio mangintopot kau ri Jisus noyo Mamamayag ondo' sinusub ri Aki Kapuuno' i, ioginio Anak ri Aki Kapuuno'. Sabap ra pangintapatan mino Riso, mokoowot kau ra kaayagan motopot.

JUANIS 3:17

Sabap ra i Aki Kapuuno' nanusub ra Anak Nano mongoi ra tana' ti sala' ka mongoi pangakim ra ulun, kaa' mongoi pamayag risilo.

JUANIS 3:34

Io ondo' sinusub ri Aki Kapuuno' mampasaboi ra ragu Nano, sabap ra kalo palasin i Aki Kapuuno' mangani' Riso ra Ambiluo Nano.

JUANIS 5:30

“Kalo makapambaal Aku ra atan ayuk pana maya' ra kuasa' Kuno galama'. Kaa' mangakim Aku ra ulun sumugut ra nambalaan ri Ama' Raki'. Matimpok toojo pangakiman Kutu, sabap ra kalo maguyum Aku ra kasagaan galama', kaa' kasagaan Nali ondo' nanusub Raki' i ayuk.

JUANIS 6:27

Pai' kano paguyum ra akanon ondo' mataki' malaat. Kaa' paguyum kano ra akanon ondo' tumaan, ioginio mangani' ra kaayagan motopot am mantilayun. Anak ru Ulun noyo mangani' ramuyun ra akanon ragitio, sabap ra i Aki Kapuuno' noyo galama' nangiou Riso.”

JUANIS 6:38

Sabap ra Aku ti timinuun intor ra suruga' sala' ka mambaal ra kasagaan Kuno galama', kaa' mambaal ra kasagaan ru Io ondo' nanusub Raki'.

JUANIS 6:57

I Ama' ondo' maayag nanusub Raki', am makakaayagan Aku intor Riso. Koson niayuk ra osoi ayuk mangakan ra inan Kutu, makakaayagan io intor Raki'.

JUANIS 6:69

Raino mangintopot akai toojo ra Okou no Matulai ondo' sinusub ri Aki Kapuuno'.”

JUANIS 8:42

Kon ri Jisus risilo, “Amon ru totopot i Aki Kapuuno' no Ama' min, tagamin min Aku, sabap ra minatong Aku intor ri Aki Kapuuno' am raino soroi Aku. Kalo minatong Aku maya' ra kasagaan Kuno galama', kaa' sinusub No Aku.

ROMA 1:4

kaa' maya' ra papag Nano ra suruga', nampakito i Aki Kapuuno' ra Io no Anak Nano, am ralalom ru kuasa' maayo binayag Io intor ra kapatayan.

ROMA 8:3

Atan ondo' kalo nabaal ru Ukum ri Musa sabap ra paliso ru ulun no ondo' malawo, binaal noyo ri Aki Kapuuno'. Koson mamuso ra kuasa' ru tula ralalom paliso ru ulun, nangator i Aki Kapuuno' ra Anak Nano galama'. Minayag Io koson ra ulun, ioginio baal ru ulun ondo' makatula am intor raginio kinala No kuasa' ru tula.

ROMA 9:5

Ilo ti papag ru kinamatuaan takali ra nauligan, am intor ra papag ri Kristus ra ulun no, inanak Io sangulun Israil. Gama' ru i Aki Kapuuno' ondo' manguasa' ra ngaangai', omporon ra sabuoi-buoi no. Amin.

GALATIA 4:4

Kaa' paat ra nasuku' nangaruan Nali, nangator i Aki Kapuuno' ra Anak Nano galama'. Io ti inanak ru sangulun ruandu' am giminagaya' Io niayuk ra Ukum ri Musa,