JUANIS 10:34 - Tanou Moonsoi Timugon

³⁴ Indagu i Jisus risilo, “Kalo kia tinulisan noyo ra Ukum ri Musa, kon ri Aki Kapuuno', ‘Akau no tuhan’?

JUANIS 10:34 ပူးပေါင်းရင်းမြစ်များ

MAZMUR 138:1

Mazmur ri Daut. Iou Tuhan, maringkuanang aku Rirun ralalom intopot ru guang kuno; rimbayin Tokou ra rimbai pangamparan ra saang ru ngaangai' ilo ondo' maayag ra suruga'.

MAZMUR 82:1

Mazmur ri Asap. I Aki Kapuuno' maningganai ra pansusunuran maatang ra suruga'; saang ru ngaangai' ondo' maayag ra suruga' manaak Io ra pamatasan Nano,

KAINGKUALAN 22:28

“Pai' ibati' i Aki Kapuuno', am pai' pagulas ra tingganai mino.

KAINGKUALAN 4:16

Mindagu io ra ulun raginilo ra tayar ru bala muno. Masauk io ra mindadagu muno, am masauk kou koson ri Aki Kapuuno' ondo' mambala' atan ondo' musiti' raguon nano.

KAINGKUALAN 7:1

Indagu Tuhan ri Musa, “Iningo' noyo, mapasauk Aku rirun koson ri Aki Kapuuno' ra saang ru raja', am i Arun, pongkotob muno mindagu riso koson ra nabi muno.

JUANIS 10:35

Nakapandai takau no ra ragu ru Buuk Kitab kalo malulu'. I Aki Kapuuno' galama' nampiau risilo ra tuhan, ioginio ulun-ulun ondo' nampasukuan ra ragu Nano.

JUANIS 12:34

Taam ru ulun masuang Riso, “Sumugut ra Ukum ri Musa, Mamamayag ondo' sinusub ri Aki Kapuuno' i maayag ra mantilayun. Ati kulaan mindagu Kou ra Anak ru Ulun musiti' painsawaton intor ra tana' ti? Osoi Anak ru Ulun no?”

JUANIS 15:25

Maa' raginio masugut ondo' tinulisan ra Ukum nilo, ‘Masisang ilo Raki' kabalu' pana kolondo' sasaban.’

JUANIS 8:17

Mokoondo' tinulisan ra Ukum ri Musa: Kaintutunan ru ruo ngaulun sasi' motopot.

1 KORINTUS 14:21

Mokoondo' tinulisan ra Buuk Kitab, “Tuhan mindagu, ‘Mumbaya' ra ulun ondo' makaindagu ra ragu ondo' kalo maratian, pabalaan Ku ra ulun Kuno. Am mumbaya' ra bansa' ra bokon, mindagu Aku risilo, kaa' kabalu' pana raginio, kalo masaga' ilo mangkirongog ra ragu Kutu.’ ”