JUANIS 10:33 - Tanou Moonsoi Timugon

³³ Taam ru ulun ru Jaudi no, “Sala' ka binaal Muno ra moonsoi pamabalan mai Rirun, kaa' sabap ra nagasab Kou tupo ri Aki Kapuuno'. Okou ti ulun ayuk, kaa' makimogondo' Kou boo ri Aki Kapuuno'.”

JUANIS 10:33 ပူးပေါင်းရင်းမြစ်များ

1 RAJA'-RAJA' 21:10

Mopongo raginio susubo' ruo ngaulun malaat manturung mantaluma' ri Nabot am manguu' riso ra nagulas io ri Aki Kapuuno' am raja'. Mopongo raginio ibito' io mingkual ra bandar am bobolo' io saboi matoi.”

MAZMUR 82:6

Mindagu Aku ra akau noyo ulun mapasau guang, ra akau ngaangai' anak ru Io Ondo' Masawat Kaga'.

IMAMAT 24:14

“Ibito' noyo ulun no giu' ra liwar ru pangkiman. Polosoon noyo moonong ulun ondo' nakaining riso nagulas ri Aki Kapuuno', mapabanta' ra kalindu' ra tampak ru ulu ru ulun no ra mangani' ra kaintutunan ra makasala io. Mopongo raginio musiti' ngaangai' ulun ru Israil momobol riso saboi matoi.

IMAMAT 24:16

Musiti' ulun no ukumin ra matoi. Osoi ayuk magulas ra Tuhan, iou ra ulun ru Israil am niayuk ulun bansa' ru bokon ondo' minayan ra pagun ru Israil, musiti' bobolon ru ngaangai' ulun ru Israil saboi matoi.

JUANIS 10:24

Ginio ra tingganai ru ulun ru Jaudi liminimpu ri Jisus, indagu ilo Riso, “Kula' poyo buoi ru kaimamangan mai ti? Pambala' no toojo ramon; motopot kia ra Okou no Mamamayag ondo' sinusub ri Aki Kapuuno'?”

JUANIS 10:30

Aku am i Ama' no rondo' ayuk.”

JUANIS 10:32

Kaa' indagu i Jisus risilo, “Masuang binaal Kuno ra moonsoi maya' ra nanusuban ri Ama'; ati kia rondo' binaal Kuli ra akau momobol boo Raki'?”

JUANIS 19:7

Taam ulun-ulun ru Jaudi no, “Sumugut ra ukum mai, Io ti musiti' ukumin ra potoyon sabap ra rokoon Nano ra Anak Io ri Aki Kapuuno'.”

JUANIS 5:18

Ragu raginio nangkinibit ra tingganai ru ulun ru Jaudi gumogot poyo mamatoi Riso. Sabap ra sala' ka minanggal Io ayuk ra Ukum ri Musa ra orou Sabat, kaa' minindagu Io poyo ra i Aki Kapuuno' noyo Ama' Nano; arati' no Io galama' mogondo' ri Aki Kapuuno'.

ROMA 13:1

Moonong ulun musiti' gumagaya' ra parinta, sabap ra ngaangai' kuasa' nilono intor ri Aki Kapuuno' am parinta ra raino ti pana inaru' noyo ri Aki Kapuuno'.

PILIPI 2:6

Intor noyo ra talimpuun Io ti nogondo' ri Aki Kapuuno', kaa' kalo niayuk nampaguang Io ra gondo' Nano ri Aki Kapuuno' ti gonggomon No.