JUANIS 10:32 - Tanou Moonsoi Timugon

³² Kaa' indagu i Jisus risilo, “Masuang binaal Kuno ra moonsoi maya' ra nanusuban ri Ama'; ati kia rondo' binaal Kuli ra akau momobol boo Raki'?”

JUANIS 10:32 ပူးပေါင်းရင်းမြစ်များ

MAZMUR 35:12

Baal-baal ra moonsoi balasin nilo ra kalaatan, am malawo guang kuno.

MAMPATANOU 4:4

Nakapandai aku niayuk ra ulun gumogot toojo mangandoi; sabap ra ilo mangusolon amon makakito ra sambalayan nilo. Kaa ginio ngai' kolondo' onong. Paliso raginio koson ra ulun ondo' mangilou ra angin.

JIRIMIA 37:18

Pangkuot aku boo riso, “Atan kia kasalaan kuno rirun raja', pagawai-pagawai muno, am mamagun, saboi pinasubol mu aku ra ralalom ru pangaputan?

MATIUS 11:5

Ulun nobolou makakito, ulun kalo makalulu' makaugar, ulun makamaruol ra kungkung ondo' maaja' mababas; ulun barat mokorongog, ulun minatoi maayag saguli', am Tanou Moonsoi no pinatanou ra ulun musikin.

JUANIS 10:25

Taam i Jisus, “Nambala' Aku noyo ramuyun, kaa' kalo nangintopot kau. Ondo' baalon Kuno ralalom inggalan Ama' Kuno, ginio noyo mampaintutun Raki'.

JUANIS 10:31

Sabap raginio, tingganai ru ulun ru Jaudi no nanganam ra batu koson momobol ri Jisus.

JUANIS 10:33

Taam ru ulun ru Jaudi no, “Sala' ka binaal Muno ra moonsoi pamabalan mai Rirun, kaa' sabap ra nagasab Kou tupo ri Aki Kapuuno'. Okou ti ulun ayuk, kaa' makimogondo' Kou boo ri Aki Kapuuno'.”

JUANIS 10:37

Amon ru kalo mambaal Aku ra kandoi ri Ama', pai' kano pangintopot Raki'.

JUANIS 5:36

Kaa' mokoondo' kaintutunan ra bokon ondo' maatang poyo intor ra kaintutunan ri Juanis i. Io ginio atan ondo' baalon Kutu, ondo' pinalansan ri Ama' Raki', ngaangai' ti mampainono' ra i Ama' noyo nanusub Raki'.

RINALATAN 10:38

Nakapandai kau poyo ra i Aki Kapuuno' nampili' noyo ri Jisus, ulun Nasarit i, am inanian No ra Ambiluo ri Aki Kapuuno' am niayuk kuasa'. Minongoi Io ra ati ayuk intok koson mambaal ra moonsoi am mamabas ra ulun masuang ondo' kinuasa' ru Tingganai ru riwato, sabap ra mabaya' i Aki Kapuuno' ri Jisus.

RINALATAN 2:22

“Pabukat kau ngaangai' ulun ru Israil, rongogo' min ragu kuti: I Jisus ulun ru Nasarit i sinusub ri Aki Kapuuno'. Ginio pinakito ramuyun ralalom kaimuagan am tatandu' ondo' binaal ri Aki Kapuuno' ralalom ru Inggalan Nano. Akau ngaangai' makatutun noyo raginio, sabap ra ginio nasauk noyo ra tatanga' min.

1 JUANIS 3:12

Pai' takau tiluo' paliso ri Kain. Nakaaya' io ra Tingganai ru riwato am namatoi io ra boborok nano galama' ondo' ininggalanan ri Abil. Kua potoyo' ri Kain boborok nali? Sabap ra ondo' binaal nali kalo motopot kaa' ondo' binaal ru boborok nali motopot.