JUANIS 10:29 - Tanou Moonsoi Timugon

²⁹ I Ama' Kuno ondo' nampataak risilo Raki', maayo poyo intor ra ngaangai'. Ginio ra kolondo' noyo mampagaau risilo intor ri Ama'.

JUANIS 10:29 ပူးပေါင်းရင်းမြစ်များ

MAZMUR 145:3

Tuhan no matulai am maaya' omporon toojo, katulayan Nano kalo maratian takau.

KAINGKUALAN 18:11

Nakapandai aku ra Tuhan maayo poyo intor ra ngaangai' tuhan, sabap ra nambaal Io ra ngaangai' no paat ra liminaat ulun ru Misir ra ulun ru Israil.”

DANIL 4:3

“Mapara' kia gayo ru kaimuagan ondo' pinakito ri Aki Kapuuno'! Mapara' kia' gayo ru kaimuagan ondo' binaal Nano! I Aki Kapuuno' noyo raja' ra sabuoi-buoi no; mamarinta Io ra kolondo' pupus.

MALIAKI 1:14

Kaulas noyo ulun mamparuung ondo' nampataak ra bibiag ondo' kolondo' onong Raki', kaa' mokoondo' io ra bibiag ondo' moonsoi ra ngaangai' ru bibiag tinambiag nano ondo' binantu' nano Raki'; Aku noyo Raja' ondo' maayo, Tuhan Ondo' Maayo Kaga' Kuasa', am ngaangai' bansa' mangurumat Raki'.”

JUANIS 10:28

Mangani' Aku risilo ra kaayagan mantilayun koson kalo mapuso ilo. Kolondo' noyo mampagaau risilo intor Raki'.

JUANIS 10:30

Aku am i Ama' no rondo' ayuk.”

JUANIS 14:28

Nokorongog kano ra ragu Kuli, ‘Mugar Aku, kaa' sumaguli' Aku poyo ramuyun.’ Amon ru motogom kau Raki', akau pana maansukan ra Aku mongoi ri Ama', sabap ra maatang poyo i Ama' ka Aku.

JUANIS 17:11

Raino sumaguli' Aku Rirun. Kalo boo mayan Aku ra tana' ti; kaa' ilo lakat poyo soroi ra tana' ti. Ama' ra matulai! Alungi' ilo noyo ralalom ru kuasa' ru inggalan Mu, ioginio inggalan ondo' pinataak Muno Raki', maa' raginio rondo' guang nilo, nogondo' Rito.

JUANIS 17:2

Iniou Mu noyo Anak manguasa' ra ngaangai' ulun, maa' raginio makapangani' Anak Mutu ra kaayagan motopot am mantilayun ra ngaangai' ulun ondo' pinataak Mutu Riso.

JUANIS 17:6

“Pinaulig Tokou noyo ra ulun-ulun ti ondo' pinataak Muno Raki'. Ilo ti longgom Muno, kaa' pinataak Mu ilo Raki' am siminugut ilo ra ragu Muno.

JUANIS 17:9

“Ama', ilo kiasiin ku. Kalo kiasiin ku ulun ru tana' ti, kaa' ilo ondo' pinataak Mutu Raki', sabap ra ilo longgom Muno.

JUANIS 6:37

Moonong ulun ondo' taakin ri Ama' Raki', makaratong Raki'. Kalo inggalarin Ku osoi ayuk pana ondo' matong Raki'.