JUANIS 10:28 - Tanou Moonsoi Timugon

²⁸ Mangani' Aku risilo ra kaayagan mantilayun koson kalo mapuso ilo. Kolondo' noyo mampagaau risilo intor Raki'.

JUANIS 10:28 ပူးပေါင်းရင်းမြစ်များ

AYUP 17:9

Ulun ondo' moonsoi am kolondo' sala, gumaai mangintopot ra i Aki Kapuuno' mangiou risilo.

MAZMUR 31:5

Palabuso' aku no intor ra jajaling ondo' inatang nilo mamatoi raki'; Okou noyo intok kuno sumindung.

MAZMUR 37:28

sabap ra Tuhan masaga' ra ondo' motopot, am kalo manatang ra ulun Nano ondo' gumagaya'. Sindungin No ilo ra sabuoi-buoi no, kaa' sayat ru ulun malaat inggalarin.

AMSAL 24:16

Kabalu' pana ulun mabanis guang ruruli' maratu', tumirong ilo saguli'. Kaa' ulun malaat matutuk ru karaat.

AMSAL 4:18

Kaayagan ru ulun moonsoi koson ayuk ra sirang ru mato ru orou, buoi kabuoi matawang kaga' saboi mamai'.

JISAYA 27:3

“Magalung Aku ra umo no am masalok Ku uasin. Orou rondom Aku mantamung maa' raginio kolondo' sangulun pana mampalipok.

JISAYA 45:17

Kaa' Israil bayagon ru Tuhan; pamayagan riso no mantilayun. Kalo tauyuon kau am asabin saboi ra sabuoi-buoi no.’ ”

JISAYA 54:17

Kaa' moonong kinandoi mangayou ondo' tinitip koson gumula' rirun, kalo masauk. Ra am moonong panguwan ralalom pangakiman mampainono' kou ra kalo motopot. Pataakon Ku kamanangan koson tangguang ra ulipon-ulipon Kuno.” Ginio noyo ragu ru Tuhan.

JISAYA 55:3

Rongogo' noyo akau bansa' Kuno, ratong kano Raki', aniin Takamin ra kaayagan moonsoi. Sabap ra togom am gagaya' ondo' binantu' Ku ri Daut, Timbakasanin Ku bantu' mantilayun Kuno ramuyun.

JIRIMIA 23:4

Lantikon Ku panguasa' koson magalung risilo. Ulun Kuno kalo boo malaa' kapoam monontol; Aku pana kalo boo mangukum risilo. Aku, Tuhan nakaindagu noyo.”

JIRIMIA 31:3

intor ra maalur minintalang Aku risilo. Ulun kau ru Israil, intor ragili masalok Aku motogom ramuyun, am parayuson Ku mampakito ra masalok Aku motogom ramuyun.

JIRIMIA 31:34

Kolondo' sangulun pana risilo musiti' mangila' ra ulun pogondo' nano koson mulig ra Tuhan, sabap ra ilo ngaangai', maayo boborok, makaulig Raki'. Lilianin Ku kasalaan nilo am mangampun ra tula nilo. Aku, Tuhan, nakaindagu noyo.”

JIRIMIA 32:40

Mambaal Aku ra nabantuan ondo' mantilayun risilo. Kalo lumonggo' Aku mambaal ra moonsoi risilo. Mangkinibit Aku risilo malaa' am mangurumat Raki' ra sotopot ru guang maa' raginio kalo mangiruan ilo Raki'.

MARKUS 13:22

Sabap ra ilo mamamayag magabau am ilo migiangku ra nabi rumatong. Mambaal ilo ra kaimuagan koson mamparuung ra ulun ri Aki Kapuuno' amon ru maalap.

LUKAS 23:46

Golok i Jisus ra mosongou, “Ama', pataakin Ku painawo Kutu Rirun!” Kopongo Io minindagu raginio, patoi Io no.

JUANIS 10:29

I Ama' Kuno ondo' nampataak risilo Raki', maayo poyo intor ra ngaangai'. Ginio ra kolondo' noyo mampagaau risilo intor ri Ama'.

JUANIS 11:25

Indagu i Jisus, “Aku noyo mampakaayag ra ulun minatoi am manaak ra kaayagan. Osoi ayuk mangintopot Raki', kabalu' pana matoi ulun no, maayag Io saguli'.

JUANIS 14:19

Sangkinolor poyo am ulun ru tana' ti kalo boo makakito Raki', kaa' makakito kau Raki'; am sabap ra Aku ti maayag, akau pana maayag.

JUANIS 17:2

Iniou Mu noyo Anak manguasa' ra ngaangai' ulun, maa' raginio makapangani' Anak Mutu ra kaayagan motopot am mantilayun ra ngaangai' ulun ondo' pinataak Mutu Riso.

JUANIS 18:9

Minindagu Io raginio, koson nasugut boo ondo' rinagu Nano ragili; ‘Ama', intor ra ulun-ulun ragitio ondo' pinataak Muti Raki', kolondo' sangulun pana maluus.’)

JUANIS 3:36

Maa' raginio osoi ayuk mangintopot ra Anak no mokoowot ra kaayagan motopot am mantilayun. Kaa' osoi ayuk kalo gumagaya' Riso no, kalo mokoowot ra kaayagan no, kaa' mantilayun i Aki Kapuuno' masisang riso.

JUANIS 4:14

kaa' osoi ayuk manginum ra timug ondo' taakin Kuno, ulun no kalo igondo' boo paason. Sabap ra timug ondo' taakin Kuno koson ra taur bubuluak ondo' mangani' ra kaayagan motopot am mantilayun.”

JUANIS 5:24

“Balain takamin toojo: Osoi ayuk mangkirongog ra ragu Kutu am mangintopot Riso ondo' nanusub Raki', mokoowot ulun no ra kaayagan motopot am mantilayun. Kalo ukumin io, kaa' nakalabus io noyo intor ra kapatayan am nakatalimpuun noyo maayag.

JUANIS 6:27

Pai' kano paguyum ra akanon ondo' mataki' malaat. Kaa' paguyum kano ra akanon ondo' tumaan, ioginio mangani' ra kaayagan motopot am mantilayun. Anak ru Ulun noyo mangani' ramuyun ra akanon ragitio, sabap ra i Aki Kapuuno' noyo galama' nangiou Riso.”

JUANIS 6:37

Moonong ulun ondo' taakin ri Ama' Raki', makaratong Raki'. Kalo inggalarin Ku osoi ayuk pana ondo' matong Raki'.

JUANIS 6:47

Balain takamin toojo: Osoi ayuk mangintopot, mokoowot io ra kaayagan motopot am mantilayun.

JUANIS 6:68

Taam i Simon Pitrus Riso, “Tuhan, osoi poyo angayan mai? Ragu Muno mangani' ra kaayagan motopot am mantilayun.

RINALATAN 7:59

Paat ilo nomomobol i, pakiasi' i Stipanus, kono, “Tuhan Jisus, apuo' noyo ambiluo kutu!”

ROMA 5:17

Motopot, mansail ra tula ru sangulun i, ngaangai' ulun minatoi sabap ra sangulun i, kaa' mulu' poyo sonor ru binaal ru sangulun ra bokon, Io no i Jisus Kristus. Mansail Riso noyo boo, ngaangai' ondo' mangapu ra barakat ri Aki Kapuuno' ondo' kalo mauntob am ra taak Nano, ilo mobonsoi saguli' Riso am maayag am mamarinta ilo sabap ri Kristus.

ROMA 5:2

Sabap ra pangintapatan takau ri Kristus, nagibit Io ritakau mimong ra barakat ri Aki Kapuuno' ondo' malimanan takau raino. Sabap raginio maansukan takau am malansan ra magapu takau ra katulayan ri Aki Kapuuno'.

ROMA 5:21

Intor raginio, koson niayuk ra tula nangkinibit ra ngaangai' ulun matoi, kataawan ri Aki Kapuuno' pana mangkinibit ritakau mobonsoi saguli' Riso, saboi mokoowot takau ra kaayagan motopot am mantilayun sabap ri Jisus Kristus, Tuhan takau.

ROMA 5:9

Raino itakau mobonsoi saguli' ri Aki Kapuuno' mansail ra pinatayan ri Kristus. Intor raginio maaru' bayagon takau ri Kristus intor ra sangit am ukum ri Aki Kapuuno'.

ROMA 6:23

Sabap ra tula no mangkinibit ra kapatayan, kaa' taak ri Aki Kapuuno' no kaayagan motopot am mantilayun mababaya' ri Kristus Jisus, Tuhan takau.

ROMA 8:1

Intor raginio, raino kalo boo ukumin ri Aki Kapuuno' ilo ondo' siminimpung ri Kristus Jisus.

ROMA 8:29

Ilo ondo' pinili' noyo ri Aki Kapuuno', inaru' niayuk intor ra talimpuun i masauk koson ra Anak Nano, i Jisus Kristus, am koson raginio Anak Nano masauk ra katuaan ru masuang pabukat.

SAGULION 33:3

Motogom Tuhan ra ulun Nano; Mangampin Io ra ngaangai' ulun ondo' masauk ra longgom Nano. Ginio sabap ra kumubu takau ra saang Nano, am gumagaya' ra susuban Nano.

PILIPI 1:6

I Aki Kapuuno' noyo galama' nanalimpuun ra kandoi moonsoi ralalom ru kaayagan min. Am makakalansanan aku toojo ra Io po niayuk mamparayus ra kandoi ragitio saboi mopongo, suku' ri Jisus Kristus matong saguli'.

2 TISALONIKA 2:13

Pabukat ku ngai' ondo' tagamin ru Tuhan, musiti' akai masalok maringkuanang ri Aki Kapuuno' sabap ra akau, sabap ra pinili' kano ri Aki Kapuuno' ra kasaa' ra bayagon kau. Ralalom ru Ambiluo Nano am pangintapatan min ra katapatan intor ri Aki Kapuuno', sinauk kau ri Aki Kapuuno' ra ulun Nano ondo' mapasau.

1 TIMOTIUS 1:16

Kaa' nakaasi' i Aki Kapuuno' raki', maa' raginio i Jisus Kristus mampakito ra ngaangai' guang mataan Nano raki', aku ondo' maayo kaga' tula ti intor ra ngaangai' ulun. Ginio nasauk ra rondo' tiluan ra ngaangai' ulun ondo' mangintopot boo Riso am mokoowot ra kaayagan mantilayun.

2 TIMOTIUS 1:12

Ginio boo puun ru aku maimbolo' ra ngaangai' ti, kaa' kalo lumawo pangintapatan kuno sabap ra naintutunan ku toojo osoi Io ondo' inintopot kuli. Am mangintopot aku toojo ra mampalayun Io ra kandoi ondo' pinalansan Nano raki' i, saboi ra Orou Pupus no.

IBRANI 7:25

Intor raginio makapamayag Io ra mantilayun ra ulun ondo' matong ri Aki Kapuuno' mumbaya' Riso, sabap ra maayag Io ra mantilayun koson makitaak ri Aki Kapuuno' mangindangan risilo.

1 PITRUS 1:5

Sabap ra pangintapatan minti noyo akau maalungan ru kuasa' ri Aki Kapuuno'. Ginio boo ra mokoowot kau boo ra pamayagan ondo' pinatampos noyo kalalair i, kaa' ondo' paintalangon ayuk ra Orou Pupus no.

1 JUANIS 1:2

Paat ra kaayagan no pinabala', nakakito akai Riso. Ginio nai ra akai mantunung ra ondo' nakito mai intor Riso, koson ra kaayagan mantilayun ondo' soroi nabaya' ri Ama', am ondo' pinabala' ramon.

1 JUANIS 2:19

Pantula' ri Jisus Kristus ondo' nangiruan ritakau, sotopot no sala' ka itakau po ngai'. Amon ru ulun ilo ru itakau, maaru' sumimpung ilo ritakau. Kaa' ilo ti nangiruan ritakau. Gitio mampakito ra kolondo' sangulun pana intor risilo topot-topot ulun takau.

1 JUANIS 2:25

Am gitio binantu' galama' ri Jisus Kristus ritakau, io no kaayagan mantilayun.

1 JUANIS 5:11

Gitio noyo kaintutunan i: nangani' noyo i Aki Kapuuno' ritakau ra kaayagan motopot am mantilayun am Anak Nano puun ru kaayagan ti.

JUDAS 1:1

Aku i Judas, sangulun ulipon ri Jisus Kristus am pabukat niayuk ri Jakubus. Pabukat kau ondo' piniau am ondo' tagamin ri Aki Kapuuno', Ama' takau, am ondo' alungin ri Jisus Kristus:

JUDAS 1:21

Porondon kano ra kinotogom ri Aki Kapuuno' buoi ra akau maginaa ra i Jisus Kristus Tuhan takau, mangani' ramuyun ra kaayagan motopot am mantilayun ralalom ru asi' Nano.

JUDAS 1:24

Gama' ru i Aki Kapuuno' ondo' makakuasa' magalung ramuyun intor ra kinibit ru tula, am poyo mompoongoi ramuyun ra katulayan Nano mabaya' ra kaansukan ru guang,

1 SAMUIL 2:9

“Manindung Io ra kaayagan ru ulun Nano ondo' gumagaya', kaa' ulun malaat mapuso ralalom ru molondom kaga'. Ra kaikangan galama', ulun kalo makasugut.