JUANIS 10:25 - Tanou Moonsoi Timugon

²⁵ Taam i Jisus, “Nambala' Aku noyo ramuyun, kaa' kalo nangintopot kau. Ondo' baalon Kuno ralalom inggalan Ama' Kuno, ginio noyo mampaintutun Raki'.

JUANIS 10:25 ပူးပေါင်းရင်းမြစ်များ

JUANIS 10:32

Kaa' indagu i Jisus risilo, “Masuang binaal Kuno ra moonsoi maya' ra nanusuban ri Ama'; ati kia rondo' binaal Kuli ra akau momobol boo Raki'?”

JUANIS 10:37

Amon ru kalo mambaal Aku ra kandoi ri Ama', pai' kano pangintopot Raki'.

JUANIS 10:38

Kaa' amon ru baalon Ku, am kalo mangintopot kau ra ragu Kutu, pangintopot kano Raki' ra binaal Kuli. Bagu no makapandai am makarati' kau ra i Ama' masimpung Raki', am Aku pana masimpung ri Ama'.”

JUANIS 11:47

Ginio ra ulun ru Parisi am tingganai imam Jaudi miting ra Majlis Ugama. Konilo, “Atan nua' baalon takau? Ilai', masuang kaimuagan binaal ru ulun ti!

JUANIS 12:37

Kabalu' pana nambaal Io masuang kaimuagan ra saang nilai, kalo nangintopot ilo Riso,

JUANIS 14:11

Pangintopot kano ra Aku masimpung ri Ama', am i Ama' masimpung Raki'. Kaa' amon ru kalo, pangintopot kano ayuk ra binaal Kuli.

JUANIS 20:30

Masuang poyo kaimuagan ondo' binaal ri Jisus ra saang ru maamaya' Nano kalo tinulisan ra kitab ti.

JUANIS 3:2

Sarandaman ragili ongoi io tuum ri Jisus am indagu, “Mangingila', makapandai akai ra Okou no sinusub ri Aki Kapuuno' mongoi pangila'. Sabap ra kolondo' sangulun pana makapambaal ra kaimuagan koson ra baalon Muno, amon ru kalo indanganon io ri Aki Kapuuno'.”

JUANIS 7:31

Kaa' masuang intor ra ulun masuang no nangintopot Riso. Konilo, “Paat ra Mamamayag ondo' sinusub ri Aki Kapuuno' i matong, kalo lair makapambaal Io ra masuang poyo kaimuagan intor ra ulun ti.”

JUANIS 8:12

Indagu poyo i Jisus ra ulun masuang, “Aku noyo sinda ru tana' ti. Osoi ayuk maya' Raki' kalo mangkiralan ra kalandaman, kaa' mokoowot ra sinda ondo' mangani' ra kaayagan.”

JUANIS 8:24

Ginio sabap ra Aku minindagu ramuyun ra matoi kau ayuk ra tula mino. Amon ru kalo mangintopot kau ra ‘Aku noyo AKU’, matoi kau ayuk mabaya' ra tula mino.”

JUANIS 8:56

Kinamatuaan min i Abragam, naansayan ra makakito ra ratangan Kuno. Nakakito io noyo am naansukan io.”

JUANIS 8:58

Kon ri Jisus, “Balain takamin toojo: Ra kalo poyo inanak i Abragam, ‘Soroi Aku no’.”

RINALATAN 10:38

Nakapandai kau poyo ra i Aki Kapuuno' nampili' noyo ri Jisus, ulun Nasarit i, am inanian No ra Ambiluo ri Aki Kapuuno' am niayuk kuasa'. Minongoi Io ra ati ayuk intok koson mambaal ra moonsoi am mamabas ra ulun masuang ondo' kinuasa' ru Tingganai ru riwato, sabap ra mabaya' i Aki Kapuuno' ri Jisus.

RINALATAN 2:22

“Pabukat kau ngaangai' ulun ru Israil, rongogo' min ragu kuti: I Jisus ulun ru Nasarit i sinusub ri Aki Kapuuno'. Ginio pinakito ramuyun ralalom kaimuagan am tatandu' ondo' binaal ri Aki Kapuuno' ralalom ru Inggalan Nano. Akau ngaangai' makatutun noyo raginio, sabap ra ginio nasauk noyo ra tatanga' min.

IBRANI 2:3

Ginio ra ati kulaan makapagiru' takau intor ra pangukuman amon ru impayin takau pamayagan maayo no. Sabap ra Tuhan no galama' ondo' kasaa' nampabala' ra pamayagan no, am ulun-ulun ondo' nokorongog kasaa' napaintopot ritakau raginio.