JUANIS 10:10 - Tanou Moonsoi Timugon

¹⁰ Mantatakou matong mongoi pantakou, mamatoi am mampalunsai. Kaa' aku minatong koson ilo ondo' mangkirongog Raki' mokoowot ra kaayagan, io no kaayagan ondo' malabaan.

JUANIS 10:10 ပူးပေါင်းရင်းမြစ်များ

JISAYA 56:11

Koson ilo ra uku' moroot ondo' kalo maasug-asug. Tingganai-tingganai raginio kalo makarati'. Sigagama' mambaal ra kasagaan ru guang am maguyum ra kalabaan nano galama'.

GOSIA 7:1

Indagu Tuhan, “Pogonong ra Aku mamabas ra ulun Kuno Israil am mamuna' ra baal nilo, makito Ku ayuk kalaatan-kalaatan ondo' binaal nilo. Mamparuung ilo ra rondo' am bokon, sumubol ra baloi ru ulun koson mantakou, am mantakou ilo ra ulun giu' ra ralan-ralan.

MATIUS 18:10

“Ilalai'! Pai' kau pagasab ra ulun ondo' mangintopot Raki' koson ra lalaing. Balain takamin: Malaikat ondo' magalung risilo ti masalok maining ru Ama' Kuno giu' ra suruga'. [

MATIUS 18:11

Sabap ra Anak ru Ulun minatong mamayag ra ulun timinanggau.]

MATIUS 20:28

Koson niayuk ra Anak ru Ulun minatong sala' ka makiindangan, kaa' mangindangan, am mampataak ra painawo Nano am mamayag ra masuang ulun.”

MATIUS 21:13

Indagu i Jisus risilo, “Mokoondo' tinulisan ra Buuk Kitab ra i Aki Kapuuno' minindagu, ‘Baloi Kuno inggalanin ra intok pakiasian.’ Kaa' raino baalon min ra pansibunian ru mantatakou!”

MATIUS 23:13

“Aibui boo ramuyun, mangingila' ra Ukum ri Musa am ulun-ulun ru Parisi! Maabau-abau kau kaga', akau galama' kalo masaga' masauk ra ulun ri Aki Kapuuno', am niayuk mongompong kau ra ulun bokon ondo' masaga' masauk ra ulun ri Aki Kapuuno'. [

MARKUS 11:17

Pangila' Io boo ra ulun ondo' soroi ra giu' i. Indagu Io, “Tinulisan noyo ralalom ru Buuk Kitab koson ragitio: I Aki Kapuuno' minindagu, ‘Baloi Kuno sabiton ra intok pakiasian ru ngaangai' bansa'!’ Kaa' binaal min boo Baloi Tuhan ti ra pansibunian ru mantatakou!”

LUKAS 19:10

Anak ru Ulun no minatong maguyum am mamayag ra ulun nakalayau.”

JUANIS 10:1

“Balain takamin toojo: Ulun ondo' sumubol ra kandang ru domba kalo maya' ra kulobon, kaa' mangkiwa' ayuk ra timbok, io no sangulun mantatakou am mampapagaau.

JUANIS 10:11

Aku noyo magagalung ra moonsoi, am magagalung ra moonsoi mampataak ra painawo Nano ra domba Nano.

JUANIS 12:47

Osoi ayuk mangkirongog ra ragu Kutu kaa' kalo gumagaya', kalo ukumin Ku io. Aku minatong sala' ka mangakim ra ulun ru tana' ti, kaa' mamayag risilo.

JUANIS 12:6

Rinagu no ginio sala' ka sabap ra masaga' io mangindangan ra ulun musikin, kaa' sotopot no io sangulun mantatakou. Io ti mampaguut ra rumpit nilai, am maindalom io noyo mantakou ra ruit ondo' pinabulian riso.

JUANIS 3:17

Sabap ra i Aki Kapuuno' nanusub ra Anak Nano mongoi ra tana' ti sala' ka mongoi pangakim ra ulun, kaa' mongoi pamayag risilo.

JUANIS 5:40

kaa' marara' kau matong Raki' koson mokoowot ra kaayagan motopot.

JUANIS 6:33

Sabap ra ruti' ondo' taakin ri Aki Kapuuno' sotopot no Io ondo' timinuun intor ra suruga' am manaak ra kaayagan motopot ra ulun ru tana' ti.”

JUANIS 6:51

Aku noyo ruti' mampakaayag ondo' timinuun intor ra suruga'. Osoi ayuk mangakan ra ruti' ragitio, maayag io ra mantilayun. Ruti' ra pataakin Kuno, io no inan Kutu, maa' raginio ulun ru tana' ti mokoowot ra kaayagan.”

ROMA 2:21

Mangila' kau poyo ra ulun ra bokon, kaa' akau galama' kalo gumagaya' ra pangilaan no. Ilaan min, “Pai' pantakou,” kaa' akau boo galama' mantatakou.

1 TIMOTIUS 1:15

Motopot ragu ragitio koson maapu am maintopot toojo ra, “I Jisus Kristus minatong ra tana' ti minongoi pamayag ra ulun makatula.” Am aku ti noyo maayo kaga' tula intor ra ngaangai' ulun.

IBRANI 6:17

Sabap ra maayo guang ri Aki Kapuuno' mampainono' ra ulun bantuin Nano ra kalo kulawon No bantu' Nano, rinuangan No bantu' i ra nagibot Io ra atan ondo' baalon Nano totopot masauk.

IBRANI 7:25

Intor raginio makapamayag Io ra mantilayun ra ulun ondo' matong ri Aki Kapuuno' mumbaya' Riso, sabap ra maayag Io ra mantilayun koson makitaak ri Aki Kapuuno' mangindangan risilo.

2 PITRUS 1:11

Koson raginio noyo ra iowon kau niayuk mumpos ra suruga', ioginio pamarintaan ru Tuhan am Mamamayag takau, i Jisus Kristus.