JUANIS 1:6 - Tanou Moonsoi Timugon

⁶ Mokoondo' sangulun sinusub ri Aki Kapuuno', inggalan nano i Juanis.

JUANIS 1:6 ပူးပေါင်းရင်းမြစ်များ

MALIAKI 3:1

Tumaam Tuhan Ondo' Maayo Kaga' Kuasa', “Atarin Ku ulun sinusub Kuno koson manampos ra ralan Kuno. Pulusat ru Tuhan ondo' uyumon min, matong ra Baloi ru Tuhan. Ulun sinusub Kuno ondo' inaanin min matong am mampatanou ra nabantuan Kuno.”

MATIUS 11:10

Sabap ra io noyo ondo' rinagu ralalom ru Buuk Kitab: ‘Indagu i Aki Kapuuno': Io noyo sinusub Kuno. Susubon Ku io magulu intor Rirun koson momongo ra ralan Muno.’

MATIUS 21:25

I Juanis Mampariu' kuasa' ru osoi? I Aki Kapuuno' kia kapoam ulun?” Tingganai imam Jaudi am tingganai ru ulun ru Jaudi tumalimpuun mindagu ra ilo ayuk ngaangai', “Amon ru balain takau, ‘Kuasa' ri Aki Kapuuno',’ maaru' tumaam Io, ‘Amon ru i Aki Kapuuno', kua pai' kau pangintopot riso?’

LUKAS 1:13

Kaa' indagu malaikat no, “Pai' kalaa', Jakaria! Norongog noyo ri Aki Kapuuno' pinakiasian muli. I Ilisabit, andu' muno maganak ra sangulun anak ra ungkuyon. Inggalani' io ri Juanis.

LUKAS 1:76

Okou anak kuno, piawon ra nabi ri Aki Kapuuno' Ondo' Masawat Kaga'. Sumigulu kou ra Tuhan koson momongo ra ralan Nano.

JUANIS 1:33

Ragili, kalo nakatutun aku osoi Io ti. Kaa' i Aki Kapuuno' ondo' nanusub raki' mampariu' ra timug no minindagu raki', kono, ‘Makito mu Ambiluo ri Aki Kapuuno' tumuun ra sangulun am sumoroi riso. Ulun raginio noyo ondo' mampariu' ramuyun ra Ambiluo ri Aki Kapuuno'.’

JUANIS 3:28

Akau galama' sasi' ra mokoondo' ragu kuno ramuyun ra, ‘Aku ti sala' ka Mamamayag ondo' sinusub ri Aki Kapuuno' i, kaa' aku ti sinusub ayuk sumigulu Riso.’

RINALATAN 13:24

Paat ri Jisus kalo poyo nakatalimpuun ra kandoi Nali, i Juanis nanusub ra ngaangai' ulun ru Israil koson tumalikur ilo intor ra tula nilo am riwon.