JUANIS 1:48 - Tanou Moonsoi Timugon

⁴⁸ Pangkuot i Natanil Riso, “Ati kulaan Okou nakaulig raki'?” Taam i Jisus, “Kalo poyo piniau kou ri Pilipus, nakakito Aku no rirun siminindung ra puun ru ara no.”

JUANIS 1:48 ပူးပေါင်းရင်းမြစ်များ

JISAYA 65:24

Ra kalo poyo mopongo ilo makiasi', iniou Ku noyo pakiasian nilono.

MATIUS 10:3

i Pilipus am i Bartolomius; i Tomas, am i Matius mampalulur ra cukai no; i Jakubus anak ri Alpius, am i Tadius;

MATIUS 6:6

Kaa' paat ra akau makiasi' subol no ra lamin mino am angabi', am pakiasi' no ri Ama' mino ondo' kalo makito no. I Ama' mino ondo' makapandai ra baal moonsoi mino ra makasibuni no, mangatang ra barakat no ramuyun.

JUANIS 1:44

Intor i Pilipus ra pekan Bitsaida, ioginio pamagunan ri Andrias am i Pitrus.)

JUANIS 12:21

Minongoi ilo uma' ri Pilipus am konilo, “Tuan, masaga' akai toojo tumuum ri Jisus.” (I Pilipus ti intor ra pamagunan Bitsaida, libung ru Galilia.)

JUANIS 14:8

Indagu i Pilipus ri Jisus, “Tuhan, pakitono' i Ama' no ramon. Ginio sama' noyo ramon.”

JUANIS 2:25

Kalo pana paintutunon Io ra osoi ayuk pana, sabap ra Io galama' nakatutun noyo ra ngaangai' guangon ru ulun.

JUANIS 6:5

Pampulolou i Jisus am pakakito ra ulun saguguluyur matong Riso. Ginio ra pangkuot Io ri Pilipus, “Ati nua' pambalian takau ra akanon koson mapaakan ra ngaangai' ulun ti?” (

JUANIS 6:7

Taam i Pilipus, “Ruti' ra mokologo ruo ngaatus ruit pirok pana kalo makaukop ra kinasuang ru ulun no, kabalu' pana sanganu ayuk maalap ru moonong ulun.”

1 KORINTUS 14:25

Ginio boo ra atan ondo' soroi ra guang nano makasalula', saboi sumamba io ri Aki Kapuuno' mabaya' ra guang minggana' am mangiou ra, “I Aki Kapuuno' topot-topot soroi ramuyun.”

1 KORINTUS 4:5

Ginio ra pai' kau pangakim ra osoi ayuk pana ru kalo poyo masaboi paat ra orou inaru' no. Pangukuman ra pupus inaanin takau saboi Tuhan matong saguli'. Io noyo mambala' ra ngaangai' ondo' nakasibuni ra kalandaman, am mapaingkual ra ngaangai' suang ru guang ru ulun. Paat raginio bagu no moonong ulun mangapu ra ompor intor ri Aki Kapuuno' sumugut ra binaal nilono sigagama'.