JUANIS 1:45 - Tanou Moonsoi Timugon

⁴⁵ Katuum ri Pilipus i Natanil am indagu io riso, “Natuum mai noyo Io ondo' tinulisan ri Musa ra Ukum am kon ru nabi-nabi. Io no i Jisus anak ri Jusup intor ra Nasarit.”

JUANIS 1:45 ပူးပေါင်းရင်းမြစ်များ

KASAUKAN 22:18

Ngaangai' bansa' ra tana' ti makibarakat ilo Raki' koson niayuk ra Aku nambarakat ra papag muno, sabap ra ginagaya' mu susuban Kuli.”

KASAUKAN 3:15

Okou am ruandu' raginio mansisang, papag nano am papag muno magail mantutula'. Papag nano mamabak ra ulu muno am okou maninduk ra tunob nilono.”

KASAUKAN 49:10

Mampaguut i Jiuda ra susukur ru parinta. Papag nano magail mamarinta. Bansa'-bansa' magibit ra upiti riso, am migulatur ra guang gumagaya' ra saang nano.

JISAYA 4:2

Bulintok no matong amon Tuhan mampatuu' ra moonong tutuu' am puun ru tataun ra pagun ti ra masawat am moonsoi pagilayan. Ngaangai' ulun ru Israil ondo' naayag maansukan am maringkuanang ra ampos ru tana' ru pagun no.

JISAYA 53:2

Kasaga' ru Tuhan ulipon Nano gumayo koson ra samul ondo' tumuu' giu' ra tana' mapua'. Kolondo' makaantak paat ra ilain; kolondo' makabunduk koson ra kasagain.

JISAYA 7:14

Raino, Tuhan galama' manaak rirun ra tatandu': sangulun ralaa ondo' maapang maganak ra sangulun anak ungkuyon ondo' inggalanin ri ‘Imanuil’.

JISAYA 9:6

Kuasa' Nano marayus rumuang; pamarintaan Nano kalinuos ayuk. Mamarinta Io koson suali ru Raja' Daut, pamarintaan Nano mimpuun ra ukum am katimpakan intor ragino saboi ra pupus ru tana' ti. Ngaangai' kasaukan raginio maaru' baalon ru Tuhan Ondo' Maayo Kaga' Kuasa'.

MIKA 5:2

Ginio ra nompoloso Tuhan ra ulun Nano kinuasa' ru pantula' saboi ruandu' ondo' maganak no makapaganak ra anak ungkuyon nano. Kopongo raginio ulun ralalom pamatiran tumimung saguli' mabaya' ra bansa' nilo.

JAKARIA 6:12

Balai' io ra Aku, Tuhan Ondo' Maayo Kaga' Kuasa' mindagu, ‘Ulun ondo' sabiton ri Talantar nakasugut giu' ra intok sinarayan nano, am mambaal io saguli' ra Baloi ru Tuhan.

JAKARIA 9:9

Pakaansuk kano, akau mamagun ru Sion! Pagitapap kano, akau mamagun ru Jirusalim! Ilai', raja' min matong! Matong io ra katulayan am kamanangan, kaa' ra minggana' guang, matong io nangura' ra kaladai, am nangura' ra anak kaladai ondo' mamulok.

MATIUS 10:3

i Pilipus am i Bartolomius; i Tomas, am i Matius mampalulur ra cukai no; i Jakubus anak ri Alpius, am i Tadius;

MATIUS 13:55

Sala' ka kia Io ti anak ru sangulun manambaloi ayuk? Sala' ka kia i Maria no ina' Nano, am pabukat Nano i Jakub, i Jusup, i Simon am i Judas?

MATIUS 2:23

am mayan ra pekan Nasarit. Koson raginio nasauk ondo' rinagu ru nabi-nabi, “Io ti piawon ra ulun ru Nasarit.”

MATIUS 21:11

Taam ulun-ulun siminunu' ri Jisus no, “Gitio noyo nabi Jisus, intor ra pekan Nasarit, libung ru Galilia.”

MARKUS 14:67

Kakito no i Pitrus riminarang ra giu' i, uligi' no toojo bulos ri Pitrus am indagu, “Okou niayuk masalok maya' ri Jisus, ulun ru Nasarit no.”

MARKUS 6:3

Sala' ka kia Io ti sangulun manambaloi, anak ri Maria, pabukat ri Jakubus, i Josis, i Judas am i Simon? Sala' ka kia pabukat-pabukat ruandu' Nano soroi ritakau?” Ginio ra kalo boo nangapu ilo Riso.

LUKAS 18:37

Pambala' ilo, “I Jisus, ulun ru Nasarit no sumail.”

LUKAS 2:4

Pintor boo i Jusup intor ra pekan Nasarit, giu' ra libung ru Galilia, am minongoi ra rondo' pekan makainggalan ra Bitligim ra pagun ru Judia, intok i raja' Daut inanak ra galing i. Minongoi io ra giu' no sabap ra io galama' papag ri Daut.

LUKAS 2:48

Matuo Nali pana nangimuag nagilong Riso. Indagu ina' Nali Riso, “Lagang, kua guat Kou koson raginio? Akai mangkatuo maimamang kaga' Rirun!”

LUKAS 24:27

Pambala' boo i Jisus risilo ra atan ondo' tinulisan intor Riso ralalom ru ngaangai' ru Buuk Kitab, tumalimpuun intor ra tayar ru kitab ri Musa am niayuk ngaangai' nabi.

LUKAS 24:44

Kopongo ragili indagu Io risilo, “Gitio noyo rinagu Kuli ramuyun paat ra Aku lakat ayuk poyo soroi ramuyun i; ra moonong baal ondo' tinulisan intor Raki' ralalom Ukum ri Musa, kitab ru Nabi-Nabi am kitab Mazmur, gitio musiti' ukopon.”

LUKAS 3:23

I Jisus nanalimpuun ra kandoi Nano ra Io talu ngoopor ngambilor. Sumugut ra tunung ru ulun, anak Io ri Jusup. I Jusup anak ri Ili.

LUKAS 4:22

Moonsoi kaga' rinagu Nali, saboi nangimuag am nangiou ulun Riso, konilo, “Anak alia gitio ri Jusup.”

JUANIS 1:44

Intor i Pilipus ra pekan Bitsaida, ioginio pamagunan ri Andrias am i Pitrus.)

JUANIS 12:21

Minongoi ilo uma' ri Pilipus am konilo, “Tuan, masaga' akai toojo tumuum ri Jisus.” (I Pilipus ti intor ra pamagunan Bitsaida, libung ru Galilia.)

JUANIS 14:8

Indagu i Pilipus ri Jisus, “Tuhan, pakitono' i Ama' no ramon. Ginio sama' noyo ramon.”

JUANIS 18:5

Taam ilo, “I Jisus, ulun ru Nasarit.” Kon ri Jisus risilo, “Aku no Io.” I Judas, ondo' nampataak Riso ra pantula' Nano, minigor niayuk nabaya' risilo.

JUANIS 18:7

Pangkuot Io poyo risilo, “Osoi uyumon min?” Taam ilo, “I Jisus, ulun ru Nasarit.”

JUANIS 19:19

Nanusub i Pilatus mamaku' ra rondo' papan rasawat ru salip Nano, ondo' tinulisan ra; “I Jisus, ulun ru Nasarit, raja' ru ulun ru Jaudi”.

JUANIS 21:2

Timinimung poyo i Simon Pitrus, i Tomas (ondo' sabiton ri Nagapir), i Natanil (intor ra pamagunan Kana ra libung Galilia), anak-anak ri Jibidius, am niayuk ruo ngaulun maamaya' ri Jisus ra bokon i.

JUANIS 6:42

Indagu ilo, “Io ti i Jisus, anak ri Jusup. Mauligan mai ama' am ina' Nano. Ati kulaan Io makaindagu ra timinuun Io intor ra suruga'?”

JUANIS 6:5

Pampulolou i Jisus am pakakito ra ulun saguguluyur matong Riso. Ginio ra pangkuot Io ri Pilipus, “Ati nua' pambalian takau ra akanon koson mapaakan ra ngaangai' ulun ti?” (

JUANIS 6:7

Taam i Pilipus, “Ruti' ra mokologo ruo ngaatus ruit pirok pana kalo makaukop ra kinasuang ru ulun no, kabalu' pana sanganu ayuk maalap ru moonong ulun.”

RINALATAN 10:38

Nakapandai kau poyo ra i Aki Kapuuno' nampili' noyo ri Jisus, ulun Nasarit i, am inanian No ra Ambiluo ri Aki Kapuuno' am niayuk kuasa'. Minongoi Io ra ati ayuk intok koson mambaal ra moonsoi am mamabas ra ulun masuang ondo' kinuasa' ru Tingganai ru riwato, sabap ra mabaya' i Aki Kapuuno' ri Jisus.

RINALATAN 2:22

“Pabukat kau ngaangai' ulun ru Israil, rongogo' min ragu kuti: I Jisus ulun ru Nasarit i sinusub ri Aki Kapuuno'. Ginio pinakito ramuyun ralalom kaimuagan am tatandu' ondo' binaal ri Aki Kapuuno' ralalom ru Inggalan Nano. Akau ngaangai' makatutun noyo raginio, sabap ra ginio nasauk noyo ra tatanga' min.

RINALATAN 22:8

Nangkuot aku ra bolos i, ‘Osoi kou, Tuhan?’ Taam ru bolos no, ‘Aku ti i Jisus, ulun ru Nasarit ondo' imboloon mu.’

RINALATAN 26:9

“Kaa' mogondo' niayuk raki' ragili, ra aku pana nampaguang ra i Jisus, ulun Nasarit i, musiti' anggalon ku toojo.

RINALATAN 3:6

Kaa' indagu i Pitrus riso, “Kolondo' ruit kutu. Kaa' atan ondo' mokoondo' raki' ti, ginio pataakin kuno rirun: ra kuasa' ru Tuhan Jisus Kristus, ulun Nasarit, igugar no!”