JUANIS 1:38 - Tanou Moonsoi Timugon

³⁸ Pangkaili i Jisus am kakito No ra siminunu' ilo Riso am kuati' No ilo, “Atan uyumon min?” Taam ilo, “Rabbi, ati inayanan Mu?” (‘Rabbi’, arati' no ‘mangingila'’.)

JUANIS 1:38 ပူးပေါင်းရင်းမြစ်များ

1 RAJA'-RAJA' 10:8

Pakaansuk noyo andu'-andu' muno! Pakaansuk noyo ilo mangngandoi ondo' magail mangandoi rirun, sabap ra makakaluagan ilo mangkirongog ra ragu-ragu mapintar ondo' raguon muno!

MAZMUR 27:4

Rondo' pinakiasian kuno ra Tuhan; rondo' ayuk kinitaak kuno; ioginio mayan ra Baloi ru Tuhan polos ru painawo kuno, koson tumainu ra ondo' nansalinut moonsoi Riso, am makiila' Riso.

AMSAL 13:20

Ulun ondo' lumatok ra ulun mapintar masauk io mapintar; ulun makimangkubayau ra ulun sasambungon maaru' io makakapaganan.

AMSAL 3:18

Ulun ondo' masauk mapintar pamalimanan nano makaansuk, am makaalap ra kaayagan motopot.

AMSAL 8:34

Pakaansuk noyo ulun ondo' mangkirongog raki', ondo' moonong orou manturung maginaa ra kulobon ru baloi kuno, am ondo' maginaa ra garabang ru baloi kuno.

SULABOI 5:19

Kaa' Okou, iou Tuhan, raja' ra sabuoi-buoi no, mamarinta Kou ra kolondo' pupus.

LUKAS 10:39

I Marta ti mokoondo' sangulun pongkotob ra ruandu' makainggalan ri Maria. Nanturung i Maria ra tuma' ru kalayam ru Tuhan Jisus mangkirongog ra pangilaan Nali.

LUKAS 14:25

Sasusunu' ulun masuang ri Jisus ralalom pangkiralanan Nali. Pangkaili i Jisus risilo am indagu,

LUKAS 15:20

Io pana minuli' ra ama' nali. Lakat io ayuk poyo maalur ra baloi, nakito io noyo ru ama' nali. Makaasi' kaga' ama' nali saboi nasimbul uma' riso, ganggali' am alaki' no io.

LUKAS 19:5

Pakasuku' i Jisus ra tuma' ru puun tataun i, katingaa' No am indagu riso, “Jakius, ribaki' tuun! Sabap ra raiti' niayuk mongoi Aku ra baloi muno.”

LUKAS 22:61

Pangkaili am ponontong Tuhan ri Pitrus. Kakara' boo ri Pitrus ragu ru Tuhan i riso, “Ra kalo poyo maningkuluuk manuk tandaa' no rondom raiti', intalu kono magali' ra okou makaulig Raki'.”

LUKAS 8:38

Ulun iniruanan ru riwato no masaga' maya' ri Jisus. Kaa' kalo pinaaya' io.

JUANIS 1:37

Korongog ru ruo ngaulun maamaya' ri Juanis ragu nali, ugar boo ilo ruo baya' ri Jisus.

JUANIS 1:39

Indagu i Jisus, “Ibok, ongoyo' min ilai'.” (Paat ragili olo'-olo' jam kaapat ra iomamai'.) Baya' ilo boo Riso am kakito nilo intok Nali, soroi ilo ra giu' i orou raginio.

JUANIS 1:49

Indagu i Natanil, “Mangingila', Okou no Anak ri Aki Kapuuno' am raja' ru ulun ru Israil!”

JUANIS 12:21

Minongoi ilo uma' ri Pilipus am konilo, “Tuan, masaga' akai toojo tumuum ri Jisus.” (I Pilipus ti intor ra pamagunan Bitsaida, libung ru Galilia.)

JUANIS 18:4

Nakapandai i Jisus ra ngaangai' ondo' masauk Riso no. Ginio ra inggaari' No ilo am pangkuot, “Osoi uyumon min?”

JUANIS 18:7

Pangkuot Io poyo risilo, “Osoi uyumon min?” Taam ilo, “I Jisus, ulun ru Nasarit.”

JUANIS 3:2

Sarandaman ragili ongoi io tuum ri Jisus am indagu, “Mangingila', makapandai akai ra Okou no sinusub ri Aki Kapuuno' mongoi pangila'. Sabap ra kolondo' sangulun pana makapambaal ra kaimuagan koson ra baalon Muno, amon ru kalo indanganon io ri Aki Kapuuno'.”

JUANIS 3:26

Ongoi ilo boo ri Juanis am indagu, “Mangingila', Io ondo' nababaya' rirun am pinaintutun muno ramon giu' ra sandaup ru Sungoi Jordan i, raino Io pana mampariu' am ngaangai' ulun mongoi boo Riso.”

JUANIS 4:31

Liliwa' ragili kimaiti' Io ru maamaya' Nano, “Mangingila', pangakan!”

JUANIS 6:25

Katuum ru ulun masuang no i Jisus giu' ra sandaup i, pangkuot ilo Riso, “Mangingila', sanggilan Kou pakasuku' ragiti?”

RINALATAN 10:21

I Pitrus pana tuun ra gana' i am indagu ra ulun-ulun no, “Aku no ondo' uyumon min. Atan ongoyon min raiti?”

RINALATAN 10:29

Ginio sabap ra paat aku pinoongoi, minaya' aku ayuk. Raino, pambala' boo raki', atan guat napaangayan mutu raki' ragiti?”

RUT 1:16

Kaa' taam i Rut, “Pai' aku susubo' muli'. Iowo' aku no maya' rirun. Ati ayuk angayan muno, maya' aku ayuk. Ati ayuk ayanan muno, giu' no niayuk ayanan kuno. Bansa' muno, bansa' ku niayuk, am i Aki Kapuuno' ondo' sambaan muno, sambaan ku niayuk.