JUANIS 1:17 - Tanou Moonsoi Timugon

¹⁷ Pinabala' galing ra nabi Musa, pinataak ri Aki Kapuuno' ritakau Ukum ri Musa, kaa' ralalom inggalan ri Jisus Kristus, pinakito ri Aki Kapuuno' ritakau togom am pampagagayaan Nano.

JUANIS 1:17 ပူးပေါင်းရင်းမြစ်များ

KASAUKAN 22:18

Ngaangai' bansa' ra tana' ti makibarakat ilo Raki' koson niayuk ra Aku nambarakat ra papag muno, sabap ra ginagaya' mu susuban Kuli.”

KASAUKAN 3:15

Okou am ruandu' raginio mansisang, papag nano am papag muno magail mantutula'. Papag nano mamabak ra ulu muno am okou maninduk ra tunob nilono.”

MAZMUR 85:10

Ulun ra mangurumat Riso no maaru' bayagon No, maa' raginio i Aki Kapuuno' ondo' matulai kaga' mayan ra pagun takau.

MAZMUR 98:3

Suguton No bantu' Nano ra ulun ru Israil, ulun Nano ralalom ru katagaman am gagaya' Nano risilo. Ngaangai' bansa' ra titikop ru tana' ti nakakito noyo ra kamanangan ri Aki Kapuuno' takau.

MIKA 7:20

Mampakito Kou ra gagaya' Muno am togom Muno ondo' mantilayun ra ngaangai' ulun Muno, papag ri Abragam am Jakub, koson ondo' binantu' Muli ra kinamatuaan mai ra galing i.

JUANIS 1:14

Ragu no nasauk ra ulun am minayan Io ritakau. Nakito takau noyo ra Io matulai toojo, sabap ra Io no rorondo' Anak Langkuir ri Ama'. Ralalom inggalan Nano i Aki Kapuuno' galama' am togom Nano pinakito ritakau.

JUANIS 14:6

Taam i Jisus riso, “Aku noyo ralan, katapatan am kaayagan. Kolondo' sangulun pana mokoongoi ri Ama', amon ru kalo mansail io Raki'.

JUANIS 18:37

Indagu i Pilatus Riso, “Ginio poyo, Okou ti sangulun raja'?” Taam i Jisus, “Rinagu mu noyo ra Aku ti sangulun raja'. Ginio ra Aku inanak am minatong ra tana' ti, koson mampatanou ra katapatan ri Aki Kapuuno'. Osoi ayuk gumagaya' ra katapatan ti mangkirongog io Raki'.”

JUANIS 5:45

Pai' kau pangkara' ra Aku manguu' ramuyun ra saang ru Ama' Kuno. I nabi Musa ondo' manguu' ramuyun, io no ondo' lalansanin min.

JUANIS 7:19

Sala' ka kia i Musa nangani' ramuyun ra Ukum no? Kaa' kolondo' sangulun pana intor ramuyun no gumagaya' toojo ra Ukum no. Kua gogot kau mamatoi Raki'?”

JUANIS 8:32

Mauligan min i Aki Kapuuno' ondo' motopot am ginio mampalabus ramuyun.”

JUANIS 9:29

Akai nakapandai ri Aki Kapuuno' minindagu ri Musa, kaa' ulun raginio kalo nakapandai akai ra intor nano.”

RINALATAN 28:23

Ginio ra aruo' nilo rondo' orou pangumaan am masuang ulun minatong ra inayanan ri Paulus. Intor ra iosusuab saboi mamai', nampaintutun toojo i Paulus risilo ra Pamarintaan ri Aki Kapuuno'. Mapirot i Paulus mampaintopot risilo ra ondo' tinulisan ralalom Ukum ri Musa am niayuk Kitab ru Nabi-Nabi bala' niayuk intor ri Jisus.

RINALATAN 7:38

I Musa ti noyo ondo' nangkinibit ra bansa' ru Israil timinimung giu' ra tana' kaagisan. Ginio ra soroi io ra giu' i nabaya' ra kinamatuaan takali am malaikat ondo' makimansunur ri Musa giu' ra Gunung Sinai. Io no ondo' inanian ri Aki Kapuuno' ra tanou ondo' manaak ra kaayagan koson posoboyon ritakau.

ROMA 6:14

Tula kalo boo makapanguasa' ramuyun, sabap ra kaayagan mino kalo boo inimpuun ra Ukum ri Musa, kaa' inimpuun ra asi' ri Aki Kapuuno'.

2 KORINTUS 1:20

Sabap Riso, i Aki Kapuuno' mindagu ra “Iou” ra moonong ondo' binantu' Nali. Ginio ra itakau mindagu ra “Amin”, sabap ri Jisus Kristus, maa' raginio urumaton takau i Aki Kapuuno'.

GALATIA 3:17

Kon kutu am: i Aki Kapuuno' nambaal ra rondo' bantu', am poyo minindagu ra intopoton No ginio. Ukum ri Musa ondo' apat ngaatus talu ngoopor ngambilor nakatauli sinauk, kalo noyo maalap kapuso kapoam kalulu' nabantuan ni.

SAGULION 33:4

Gumagaya' takau ra Ukum ondo' tinaakan ri Musa ritakau; ginio noyo rapu' ru bansa' ondo' mologo kaga'.

SAGULION 4:44

Nangani' i Musa ra ukum am pangilaan ri Aki Kapuuno' ra ulun ru Israil.

SAGULION 5:1

Nanimung i Musa ra ngaangai' ulun ru Israil am indagu risilo, “Akau ulun ru Israil, rongogo' noyo ngaangai' ukum ondo' taakin kutu ramuyun ra orou raiti'. Igila' noyo ra ngaangai' ukum ti am gagayaa' noyo ngaangai' no ra totopot.

IBRANI 9:22

Sumugut ra Ukum ri Musa, maar ngaangai' no takisin ra raraa' koson impasawin; tula ru ulun kalo ampunon amon ru kolondo' raraa' pasasaron.