JUANIS 1:16 - Tanou Moonsoi Timugon

¹⁶ Sabap ra togom Nano ra maayo no, kalo lumonggo' Io mambarakat ritakau.

JUANIS 1:16 ပူးပေါင်းရင်းမြစ်များ

MAZMUR 84:7

Liliwa' nilo minugar ra lampam Baka ondo' napua', lampam raginio pana makataur boo ru timug; rasam lair namanu' ra kulam-kulam nano.

JAKARIA 4:7

Ompong maayo koson ra gunung pana inggion intor ra saang muno. Baalon mu sagulio' Baloi Kuno, am paat ra okou napabanta' ra batu ondo' pupus toojo ra intok nano, ulun gumolok, ‘Mapara' boo bonsoi no!’ ”

MATIUS 13:12

Sabap ra osoi mokoondo', ruangin poyo, am maulian io; kaa' osoi kolondo', ondo' sanganu soroi riso no alapon niayuk.

MATIUS 3:11

Ginio ra riwon takamin ra timug koson ra tatandu' ra akau ti timinalikur noyo intor ra tula. Kaa' Io ondo' matong ra maagu no mampariu' ramuyun ra Ambiluo ri Aki Kapuuno' am apui. Maayo kuasa' Nano ka aku, magibit ra kasut Nano pana kalo maaya' aku.

MATIUS 3:14

Kaa' i Juanis marara', kono, “Aku ti tupo riwon Mu, kaa' makiriu' Kou boo raki'!”

LUKAS 21:15

sabap ra Aku galama' mangani' ramuyun ra kapintaran tumaam, saboi kolondo' sangulun pana pantula' mino makaanggal kapoam makaansang ramuyun.

JUANIS 3:34

Io ondo' sinusub ri Aki Kapuuno' mampasaboi ra ragu Nano, sabap ra kalo palasin i Aki Kapuuno' mangani' Riso ra Ambiluo Nano.

ROMA 5:17

Motopot, mansail ra tula ru sangulun i, ngaangai' ulun minatoi sabap ra sangulun i, kaa' mulu' poyo sonor ru binaal ru sangulun ra bokon, Io no i Jisus Kristus. Mansail Riso noyo boo, ngaangai' ondo' mangapu ra barakat ri Aki Kapuuno' ondo' kalo mauntob am ra taak Nano, ilo mobonsoi saguli' Riso am maayag am mamarinta ilo sabap ri Kristus.

ROMA 5:2

Sabap ra pangintapatan takau ri Kristus, nagibit Io ritakau mimong ra barakat ri Aki Kapuuno' ondo' malimanan takau raino. Sabap raginio maansukan takau am malansan ra magapu takau ra katulayan ri Aki Kapuuno'.

ROMA 5:20

Ukum ri Musa tinaakan ri Aki Kapuuno'. Kaa' kapiratan ru ulun gumagaya' raginio mangkinibit risilo manggal ra Ukum no am tumula ri Aki Kapuuno'. Kaa' rumuang pana tula no, mulu' poyo kataawan ri Aki Kapuuno' no rumuang.

ROMA 8:9

Kaa' akau no kalo maayag maya' ra paliso ru ulun, kaa' maya' ra Ambiluo ri Aki Kapuuno' – amon ru totopot Ambiluo ri Aki Kapuuno' no maningganai ramuyun. Osoi ayuk kolondo' ra Ambiluo ri Kristus, io no sala' ka i Kristus tatangan.

IPISUS 1:23

Pasimpungan ulun Kristian ti noyo inan ri Kristus, ioginio kaukapan ri Kristus ondo' galama' mampaukop ra ngaangai' ra ati-ati ayuk.

IPISUS 3:19

Ginio maalur poyo intor ra pangkaraan ru ulun. Bagu no makapaliso kau ra moonsoi toojo, mogondo' ra ngaangai' ru kinatanda' ri Aki Kapuuno'.

KOLOSI 1:19

I Aki Kapuuno' noyo galama' nangatang ra ngaangai' ru atan ayuk mokoondo' Riso, mokoondo' niayuk ra Anak Nano.

KOLOSI 2:3

I Jisus Kristus noyo ondo' nampasalula' ra ngaangai' kalangkayaan ru kapintaran am kapandayan ri Aki Kapuuno' ra ondo' kalo natutunan ru ulun ra buoi ti.

1 PITRUS 1:11

Nangimumuyan nilo ra ati kulaan am sanggilan ginio masauk, sumugut ra bolos ru Ambiluo ri Kristus ralalom ru guang nilo. Io no nambala' risilo intor ra kaimbalaan ondo' inaru' matuum ri Kristus am poyo intor ra katulayan ra tauli no.

1 PITRUS 1:2

Pinili' kau ri Aki Kapuuno', Ama' takau, sumugut ra pangatangan Nano, am pinasauk kau ru Ambiluo Nano ra ulun matulai, maa' raginio gumagaya' kau boo ri Jisus Kristus am maimpasawan kau ru raraa' Nano. Gama' ru ruangin poyo ri Aki Kapuuno' no barakat am pabansayan Nano ramuyun.