JUANIS 1:14 - Tanou Moonsoi Timugon

¹⁴ Ragu no nasauk ra ulun am minayan Io ritakau. Nakito takau noyo ra Io matulai toojo, sabap ra Io no rorondo' Anak Langkuir ri Ama'. Ralalom inggalan Nano i Aki Kapuuno' galama' am togom Nano pinakito ritakau.

JUANIS 1:14 ပူးပေါင်းရင်းမြစ်များ

MAZMUR 2:7

Indagu raja', “Potonowon ku atan ondo' pinabala' ru Tuhan. Minindagu Io raki', ‘Okou noyo anak Kuno; paat ra orou raiti' masauk Aku ra Ama' muno.

MAZMUR 45:2

Guang kutu napanu' ra ragu-ragu maamis bulintok ra aku nambaal ra rimbai pasukuon ra raja'; rila' kutu koson ayuk ra santaun pamamatik ru sangulun mamamatik ra sisindiron.

MAZMUR 85:9

Rongogon ku ragu ru Tuhan i Aki Kapuuno'; binantu' No kaansayan ritakau, ulun Nano, amon ru kalo sumaguli' takau mambaal ra tula.

JISAYA 40:5

Katulayan ru Tuhan pana pabalaan, am moonong ulun makatalinono'. Tuhan galama' noyo nambantu' no.”

JISAYA 53:2

Kasaga' ru Tuhan ulipon Nano gumayo koson ra samul ondo' tumuu' giu' ra tana' mapua'. Kolondo' makaantak paat ra ilain; kolondo' makabunduk koson ra kasagain.

JISAYA 7:14

Raino, Tuhan galama' manaak rirun ra tatandu': sangulun ralaa ondo' maapang maganak ra sangulun anak ungkuyon ondo' inggalanin ri ‘Imanuil’.

YEHEZKIEL 37:27

Sumimpung Aku risilo. Masauk Aku boo ri Aki Kapuuno' nilo am masauk ilo boo ra ulun Kuno.

MATIUS 1:16

i Jakub ama' ri Jusup, ralaki ri Maria. I Maria ti noyo naganak ri Jisus ondo' piawon ri Kristus.

LUKAS 2:11

Orou raiti' sangulun Mamamayag inanak noyo ramuyun giu' ra pekan ru raja' Daut. Io no i Kristus, ioginio Tuhan.

LUKAS 2:7

Naganak io ra sangulun lalagang ungkuyon. Gitio anak nano ra katuaan. Kusibi' no lalagang no ra konoon am palangano' ralalom rondo' papaakanan ra bibiag sabap ra kolondo' intok pambalangan natuum nilo ra giu'.

LUKAS 9:32

Paat ragili nakalunus i Pitrus am rangan-rangan nano. Kaa' kakarat ilo am kakito nilo i Jisus nabaya' ra katulayan Nano am mokoondo' poyo ruo ngaulun minigor nabaya' Riso.

JUANIS 1:1

Paat ra talimpuun i, ra kalo poyo nabingkal tana' ti, mokoondo' noyo Ragu. Ragu no soroi ri Aki Kapuuno' am Io ti niayuk nogondo' ri Aki Kapuuno'.

JUANIS 11:40

Indagu i Jisus, “Sala' ka kia nambala' Aku no rirun; amon ru mangintopot kou, makakito kou ra kuasa' ri Aki Kapuuno'?”

JUANIS 14:6

Taam i Jisus riso, “Aku noyo ralan, katapatan am kaayagan. Kolondo' sangulun pana mokoongoi ri Ama', amon ru kalo mansail io Raki'.

JUANIS 14:9

Kaa' taam i Jisus, “Pilipus, nabuoi takano nababaya', kaa' lakat ayuk poyo kalo makaulig kou Raki'? Osoi ayuk nakakito Raki', nakakito io niayuk ri Ama'. Kaa' kua indagu kou po ra, ‘Pakitono' i Ama' no ramon?’

JUANIS 17:22

Katulayan ondo' pinataak Muli Raki', pinataak Ku niayuk risilo, maa' raginio rondo' guang ilo mogondo' Rito.

JUANIS 17:24

“Ama', masaga' Aku ilo ondo' pinataak Muli Raki', mabaya' Raki' ra ati ayuk intok Kuno. Maa' raginio makatutun ilo ra Okou mampatulai Raki', sabap ra motogom Kou no Raki' ra tana' ti kalo poyo biningkal.

JUANIS 18:37

Indagu i Pilatus Riso, “Ginio poyo, Okou ti sangulun raja'?” Taam i Jisus, “Rinagu mu noyo ra Aku ti sangulun raja'. Ginio ra Aku inanak am minatong ra tana' ti, koson mampatanou ra katapatan ri Aki Kapuuno'. Osoi ayuk gumagaya' ra katapatan ti mangkirongog io Raki'.”

JUANIS 2:11

Ondo' binaal ri Jisus ra Kana, libung ru Galilia, kaimuagan kasaa' Nali. Ginio ra nampakito Io ra Io ti matulai am nangintopot maamaya' Nano Riso.

JUANIS 3:16

Sabap ra maayo kaga' guang ri Aki Kapuuno' ra ulun ru tana' ti, saboi nanaak Io ra Anak Langkuir Nano, maa' raginio moonong ulun ondo' mangintopot Riso kalo mapuso, kaa' mokoowot ra kaayagan mantilayun.

JUANIS 3:18

Osoi ayuk mangintopot ra Anak no kalo ukumin. Kaa' osoi ayuk kalo mangintopot Riso, inukum noyo sabap ra kalo nangintopot io ra Anak Langkuir ri Aki Kapuuno'.

JUANIS 6:51

Aku noyo ruti' mampakaayag ondo' timinuun intor ra suruga'. Osoi ayuk mangakan ra ruti' ragitio, maayag io ra mantilayun. Ruti' ra pataakin Kuno, io no inan Kutu, maa' raginio ulun ru tana' ti mokoowot ra kaayagan.”

JUANIS 8:32

Mauligan min i Aki Kapuuno' ondo' motopot am ginio mampalabus ramuyun.”

RINALATAN 13:33

sinauk No noyo ritakau, ioginio papag nilo, ra i Jisus binayag saguli' intor ra kapatayan. Koson tinulisan ra Kitab Mazmur karuo, ‘Okou noyo Anak Kuno, orou raiti' niayuk Aku masauk ra Ama' Muno.’

ROMA 8:3

Atan ondo' kalo nabaal ru Ukum ri Musa sabap ra paliso ru ulun no ondo' malawo, binaal noyo ri Aki Kapuuno'. Koson mamuso ra kuasa' ru tula ralalom paliso ru ulun, nangator i Aki Kapuuno' ra Anak Nano galama'. Minayag Io koson ra ulun, ioginio baal ru ulun ondo' makatula am intor raginio kinala No kuasa' ru tula.

ROMA 9:5

Ilo ti papag ru kinamatuaan takali ra nauligan, am intor ra papag ri Kristus ra ulun no, inanak Io sangulun Israil. Gama' ru i Aki Kapuuno' ondo' manguasa' ra ngaangai', omporon ra sabuoi-buoi no. Amin.

1 KORINTUS 15:47

I Adam kasaa' binaal intor ra tana', kaa' i Adam kainduo no, intor ra suruga'.

2 KORINTUS 12:9

Kaa' taam Io, “Kataawan Kuno sama' noyo rirun, sabap ra kinaikang ru kuasa' Kuno makaintalang mansail ra kalawaan.” Sabap raginio maansayan aku poyo ra aku malawo, maa' raginio kuasa' ri Kristus sumimpung am magalung raki'.

GALATIA 4:4

Kaa' paat ra nasuku' nangaruan Nali, nangator i Aki Kapuuno' ra Anak Nano galama'. Io ti inanak ru sangulun ruandu' am giminagaya' Io niayuk ra Ukum ri Musa,

IPISUS 3:8

Sotopot no, kabalu' pana ra aku ti nakatauli intor ra ngaangai' ulun ri Aki Kapuuno', kaa' inanian aku niayuk ri Aki Kapuuno' ra kandoi mampasaboi ra ulun sala ka Jaudi ra Tanou Moonsoi intor ra kalangkayaan ri Kristus ondo' kalo noyo mauntob.

KOLOSI 1:19

I Aki Kapuuno' noyo galama' nangatang ra ngaangai' ru atan ayuk mokoondo' Riso, mokoondo' niayuk ra Anak Nano.

KOLOSI 2:3

I Jisus Kristus noyo ondo' nampasalula' ra ngaangai' kalangkayaan ru kapintaran am kapandayan ri Aki Kapuuno' ra ondo' kalo natutunan ru ulun ra buoi ti.

KOLOSI 2:9

Sabap ra ngaangai' paliso ri Aki Kapuuno' rumondon ri Kristus, paat ra Io naayag ra tana' ti pana.

1 TIMOTIUS 3:16

Kolondo' sangulun pana makapagali' ra mumpara' boo bonsoi ru pangilaan motopot ondo' kalo igondo' pinabala' i, ioginio: Minintalang i Jisus Kristus am nasauk ra ulun, iniou Io ru Ambiluo ri Aki Kapuuno', nakito Io ru malaikat-malaikat. Pinatanou Io ra ngaangai' bansa', inintopot Io ru ulun ra ngaangai' libung ru tana' ti, am kinayang Io minuli' ra katulayan ru suruga'.

IBRANI 1:3

Io noyo mampakito ra kuasa' ri Aki Kapuuno' am paliso Nano mogondo' toojo ri Aki Kapuuno'. Io noyo niayuk magalung ra limbowon am tana' ti mansail ra bala' Nano ondo' makakuasa'. Mopongo Io namasau ra ulun intor ra tula nilai, nanturung Io ra takhta ra suruga' ra tampilon pamiris ri Aki Kapuuno' ondo' Maayo Kaga' Kuasa'.

IBRANI 1:5

Kalo igondo' i Aki Kapuuno' no minindagu ra ati ayuk pana malaikat koson ragitio: “Okou no Anak Kuno; orou raiti' ngaangai' balain ra Aku Ama' Muno.” Kalo poyo niayuk i Aki Kapuuno' minindagu ra ati ayuk pana malaikat ra: “Aku masauk ra Ama' Nano, am Io masauk ra Anak Kuno.”

IBRANI 10:5

Ginio boo i Kristus minindagu ri Aki Kapuuno' paat ra Io minatong ra tana' ti, kon Nano: “Sala' ka taak simbalui am poyo taak ra bokon ondo' kasagaan Muno, kaa' inaru' Mu noyo ra Aku sumauk ra ulun am mapataak ra painawo Kuno Rirun.

IBRANI 2:11

I Jisus noyo namasau ra ulun intor ra tula nilono, am Io am niayuk ulun pinasau no, rondo' ayuk Ama'. Ginio ra kalo mauyu' i Jisus mangiou risilo ra pabukat Nano.

IBRANI 5:5

Koson niayuk ri Kristus. Sala' ka Io galama' nampili' sumauk ra Tingganai Maayo Imam, kaa' i Aki Kapuuno' minindagu Riso: “Okou no Anak Kuno, orou raiti' ngaangai' balain ra Aku Ama' Mu.”

1 JUANIS 4:14

Akai galama' nakakito ra Anak ri Aki Kapuuno'. Am pinatanou mai ra ulun bokon ra sinusub Io ru Ama' no masauk ra Mamamayag ra ulun ru tana' ti.

1 JUANIS 4:9

Gitio noyo ralan ri Aki Kapuuno' nampakito ra togom Nano ritakau: Nanusub Io ra Anak langkuir Nano minatong ra tana' ti, maa' boo raginio mokoowot takau ra kaayagan sabap Riso.

2 JUANIS 1:7

Masuang noyo mamparuung ra ulun ra tikop-tikop ru tana' ti. Ilo ti ulun ondo' kalo mangintopot ra i Jisus Kristus minatong ra tana' ti siminauk ra ulun. Ulun raginio mamparuung am tumula' ri Jisus Kristus.

PINAINTALANG 19:13

Sukub ra binayang Nano natakisan ra raraa'. Sabiton Io ra “Bala' ri Aki Kapuuno'”.

PINAINTALANG 21:3

Korongog ku bolos mosongou intor ra takhta no, kono, “Raino i Aki Kapuuno' masimpung ra ulun. Mayan Io mabaya' risilo am masauk ilo ra ulun Nano. I Aki Kapuuno' galama' sumimpung risilo am masauk ri Aki Kapuuno' nilo.