JOSUA 9:24 - Tanou Moonsoi Timugon

²⁴ Taam ulun Gibion, “Tuan, binaal mai koson raginio sabap nokorongog akai ra sotopot no Tuhan i Aki Kapuuno' muno namarinta ra ulipon nano i Musa koson manaak ra ngaangai' tana' ti rirun, am niayuk mamatoi ra mamagun nano paat okou mangayou. Binaal mai koson raginio sabap malaa' akai rirun; malaa' akai potoyon.

JOSUA 9:24 ပူးပေါင်းရင်းမြစ်များ

AYUP 2:4

Taam i Manusuk, “Ulun masaga' mapataak ra ngaangai' longgom nilo maa' raginio makatanduus kaayagan.

MATIUS 10:28

Pai' kano kalaa' risilo ondo' makapamatoi ramuyun, kaa' ondo' kolondo' kuasa' mampasubol ramuyun ra naraka. Kaa' kalaa' kano ri Aki Kapuuno' ondo' makapamatoi ramuyun am makakuasa' mampasubol ramuyun ra naraka.

JOSUA 10:2

Mamagun ru Jirusalim nalaa' kaga' sabap ra Gibion iono bandar ondo' maayo, nogondo' gayo no ra bandar-bandar ra bokon ondo' mokoondo' ra raja'. Maayo poyo bandar Gibion intor ra bandar Ai am ulun ru Gibion tutumula' ondo' mangapanggol.

JOSUA 2:11

Nangalaa' akai paat akai nokorongog ra baal raginio. Kalio boo kabaanian mai sabap ra akau. Tuhan i Aki Kapuuno' min sotopot no i Aki Kapuuno' ondo' makakuasa' giu' ra limbowon no am ra tana' ti.

JOSUA 2:9

am indagu risilo, “Nakapandai aku ra nanaak noyo Tuhan ramuyun ra tana' ragitio. Ngaangai' ulun ra pagun ti malaa' ramuyun.

JOSUA 6:21

Ra ilang, namatoi ilo ra moonong ulun ralalom ru bandar no, ungkuyon am ruandu', ondo' mamulok am ondo' matutuo. Namatoi ilo niayuk ra sapi', domba am kaladai.

JOSUA 9:9

Ilo pana nantunung ragitio, “Tuan, intor akai ti ra pagun ondo' maalur kaga'. Minatong akai sabap nokorongog ra Tuhan i Aki Kapuuno' muno. Nokorongog akai ra ngaangai' ondo' binaal Nano giu' ra Misir,